Display Style:
Column Style
नेप्से थौं ५४.२६ अंक थहावन
शोभा श्रेष्ठ | कछलाथ्व चतुर्थी ११४१,जेष्ठ २ सोमवाः
सेयर बजार परिसूचक नेप्से थौं थहावःगु दु ।
थुगु वाःया न्हापागु दिंया कारोबार रकम उत्साहजनक वृद्धि जूगु दु ।
च्यागु कम्पनीया सकारात्मक सर्किट लेभलय् कारोबार जूगु दु। थौं बजाः ५४.२६ अंक थहावंगु दु ।
थ्व २.०२ प्रतिशतं थहावंगु दु । आइतवाः कारोबार रकम १० अर्ब ४० करोड ३८ लाख जुगु दु । बजाः २७३८.३५ अंकमय् रोके जुगु दु ।
थौं च्यागु कम्पनीे सकारात्मक सर्किट लेभलय् २१४ कम्पनीया १ लाख १३ हजार ६९ गु कारोबार जूगु खः।
थुगु कारोबार कुल २ करोड १४ लाख २८ हजार ८८२ कित्ताया सेयर किनबेच जुगु खः ।
जेठ २ य् लिहावनेगु लागि कार्यदल गठन
लहानान्युज | कछलाथ्व चतुर्थी ११४१,जेष्ठ २ सोमवाः
नेकपा एमाले २०७५ जेठ २ य् लिहावनेगु सहमति कार्यान्वयनया लागि कार्यदल बने जूगु दु ।
अध्यक्ष केपी शर्मा ओली व वरिष्ठ नेता माधवकुमार नेपाल दथुइ थौं आइतवाः निगु पक्षयापि न्याम्ह न्याम्ह नेता दुगु कार्यदल बने जूगु दु।
उगु कार्यदलय् अध्यक्ष ओली पक्षया पाखे सुवास नेम्वाङया नेतृत्वय् विष्णु पौडेल, प्रदीप ज्ञवाली, शंकर पोखरेल व विष्णु रिमाल च्वनादीगु दु ।
अथेहे माधव नेपाल पक्षपाखे भीम रावलया नेतृत्वय् घनश्याम भुसाल, गोकर्ण विष्ट, सुरेन्द्र पाण्डे व रघुजी पन्त च्वनादीगु दु।
वरिष्ठ चिकित्सक डाक्टर आईएल आचार्य मन्त
लहानान्युज | कछलाथ्व चतुर्थी ११४१,जेष्ठ २ सोमवाः
वरिष्ठ चिकित्सक डाक्टर आईएल आचार्य ८३ दँय् थौं आइतवाः मन्त।
निवाः न्ह्य जक स्टार अस्पतालय् उपचार यायेगु झवलय् डाक्टर आचार्य थौं आइतवाः सुथय् ४ बजे मदुगु धका स्टार अस्पतालं जानकारी बिगु दु ।
वयकः यागु पीसीआर रिपोर्ट नेगेटिभ स्वन्हु न्ह्य जक नेगेटिभ वःगु खः। वयकः निदान अस्पताल, स्टार हस्पिटल, काठमाडौं हस्पिटल लगायतया अस्पतालय् सक्रिय जुयादीम्ह खः।
बरिष्ठ निर्देशक नाप साहित्यकार चेतन कार्की मन्त
लहनान्युज | कछलाथ्व चतुर्थी ११४१,जेष्ठ २ सोमवाः
नेपाली संकिपाया सफल निर्देशक, लेखक, गीतकार नाप साहित्यकार चेतन कार्की मन्त ।
वयकःया ८४ दँ दय् उपचारया झ्वलय् मदुगु खः।
वंगु आइतवाः कोरोना संक्रमित जुया छाउनीया अस्पतालय् भर्ना जुयादीगु खः।
वयकः थौं सुथय् १० बजे उपचारया झ्वलय् मदुगु खः।
येँय् २१४६म्हेसित कोरोना सक्रमण पुष्टि
लहानान्युज | कछलाथ्व तृतीया ११४१,जेष्ठ १ सनिवाः
येँय् जक २ हजार १४६कोरोना सक्रमित लिपांगु २४ घौ दुने देयन्यंक ८१६७ म्ह संक्रमित थप जूगु दु ।
स्वनिगः दुने २ हजार ९३७ म्हेसिके संक्रमण पुष्टि जूगु दु । अथेहे येँय् जक २ हजार १४६कोरोना सक्रमित जूगु दु।
अथेतु, यलय् ४४४ व ख्वपय् ३४७ म्हेसिके संक्रमण पुष्टि जुगु दु । स्वनिगलय् थौं तक्कया दुने २ लाख ४ हजार ७१४ म्हेसित कोभिड १९ संक्रमण पुष्टि जुइ धुंकूगु दु ।
उकि मध्ये ७८ दशमलव ५८ प्रतिशत संक्रमणमुक्त नं जूगु दु । आःतक्क स्वनिगलय् १ लाख ६० हजार ८७४ म्ह संक्रमितयात संक्रमण लनेधुंकूगु दु।
लिपांगु खुसी ३ हजार ४८ म्ह संक्रमित संक्रमण लंकाः छेँय् लिहांवंगु दु।
