वंगु २४ घण्टाया दुने स्वनिगलय् ३ हजार ९८ म्हेसित कोरोना संक्रमण पुष्टि जूगु दु ।

स्वास्थ्य मन्त्रालयया कथं थौं येँ जक २३४६ म्हेसित कोरोना सक्रमण जूगु दु ।

अथेहे, ख्वपय् २९८ म्ह व यलय् ४५४ म्हेसित कोरोना संक्रमित पुष्टि जुगु दु।

आःतक येँ ३० हजार ४५२म्ह, ख्वपय् १० हजार ८०३ म्ह व यलय् ७ हजार ६१ म्ह सक्रिय संक्रमितपि दु ।

येँया अस्पतालय् कोरोना संक्रमित बिरामीपि १ हजार ८२५ म्ह दु । उकि मध्ये १८५ म्ह आईसीयू व १०५ म्ह भेन्टिलेटरय् दु। 

वंगु २४ घण्टाया दुने देयंन्यक ९ हजार १९८ म्हेसित कोरोना संक्रमण पुष्टि जूगु दु ।

स्वास्थ्य तथा जनसंख्या मन्त्रालयं कथं थीथी जिल्लाय् २१ हजार ६५३ म्हेसित पीसीआर परीक्षणय् ९ हजार १९८ म्हेसित कोरोना पुष्टि जूगु दु ।

आःतक नेपालय् कोरोना संक्रमितपि ४ लाख ६४ हजार २१८ म्ह थ्यंगु दु।

अथेहे वंगु २४ घण्टाय् ५ हजार ७६७ म्ह कोरोना संक्रमणमुक्त जूगु दु। थ्व नाप आःतक ३ लाख ४५ हजार ५२३ म्ह थ्यंगु दु ।

नेपालय् सक्रिय संक्रमितपि १ लाख १३ हजार ४८० म्ह थ्यंगु दु । अथेतु क्वारेन्टाइनय् ७०८ म्ह दु।

कोरोना संक्रमण बढ्न अप्वो वंगुलि बनेपा नगरपालिका छवाःया लागि अस्पताल व वासः पसः नाप दक्को पसः व व्यवसाय तक बन्द यागु दु ।

जेठ ४ गते चान्ह्यया १२ बजेनिसे जेठ १२ गते चान्ह्य १२ बजे तकया लागि नगरपालिकाय् खाद्यान्न, तरकारी, दुरु, फलफूल पसः व बैंक नाप वित्तीय संस्था न बन्द यायेत्यंगु दु। नगरपालिका कार्यालयं छगु विज्ञप्ति पिकया अथे जानकारी बिगु दु।

नगरपालिकां थौं सोमवाः जारी यागु विज्ञप्तिइ धयातःगु दु, ‘कोभिड १९ संक्रमण जोखिमया कारण बनेपा नगरय् तसकं जोखिमपूर्ण अवस्थाय् दुगुलि थुगु विषम परिस्थितिइ भाइरसया शृङ्खला तोडे याना संक्रमणयात न्यूनिकरण यायेत थ्व हे मिति २०७८÷०२÷४ गते मंगलवाः चान्ह्य १२ बजेनिसे २०७८÷०२÷१२ गते बुधवाः चान्ह्य १२ बजेतक बनेपा नगरपालिका क्षेत्र पूर्ण रूपं सिल यानागु व्यहोरा सम्बन्धित सकसित थुगु जानकारीया लागि थुगु सूचं प्रकाशित यानागु दु।’ नगरपालिकां जारी यागु सूचं कथं छेँ न पिहावनेत पूर्णरुपं रोक लगे यागु दु नाप वासः पसः, स्वास्थ्य संस्थाया अत्यावश्यक बाहेकया दक्को सेवा बन्द यायेगु निर्णय यागु दु ।

अथेहे फोहोरमैला व्यवस्थापन, टेलिफोन, इन्टरनेट व विद्युतया सेवा बिइगु कार्यालय÷संस्थां न्यूनतम कर्मचारीपाखे स्वास्थ्य मापदण्ड पूरा यासे सेवा बिइत नगरपालिकां यनाप यागु दु । अथेतु पत्रकारपिनिगु हकय् सूचना विभागपाखे जारी जुगु पास व मेमेपिनिगु हकय् अत्यावश्यक जुगु प्रशासन वा जनप्रतिनिधिपिन्त जानकारी बिया जक छेँ न पिहावयेत सूचं जारी यागुदु ।

कोरोना भाइरस संक्रमण नियन्त्रणया लागि देयन्यक ७४ गू जिल्लाय् निषेधाज्ञा जुइ धुकुगु दु ।

आः निषेधाज्ञा मनाङ, खोटाङ व तेह्रथुम जक जुइगु ल्यंदनिइ। कोरोना भाइरस संक्रमण यक्को फैलै जुुगुलि प्रमुख जिल्ला अधिकारपिन्स थःथःगु जिल्लाय् आंशिक वा जिल्लायंक निषेधाज्ञाया आदेश जारी यागु खः।

मुस्ताङ, सप्तरी, धनकुटा, ताप्लेजुङ व काभ्रे जिल्लाय् आंशिक रुप जक निषेधाज्ञा लगे यागु दु सा ६९ गु जिल्लाय् जिल्लायकं निषेधाज्ञा यागु दु ।

दकलय् अप्वो बाँकेय् वैशाख १३ गते, सुर्खेतय् वैशाख १४ गते, कास्कीइ वैशाख १५ गते व स्वनिगः दुने वैशाख १६ गतेनिसे निषेधाज्ञाया आदेश जारी यागु खः।

कोभिड १९ या संक्रमणपि येँ महानगरपालिकाय् कोरोना परीक्षण याःपिंमध्ये ७० प्रतिशतयात पुष्टि जूगु दु ।

वंगु शनिवाः तक स्वाब मुंकेगु नितिं न्यागू केन्द्र दयेकाः ज्या यानाच्वंगु येँ महानगरं न्हियान्हिथं संक्रमितया ल्याः अप्वयाः वयाच्वंगुलिं आइतवाःनिसें १६ गू परीक्षण यायेगु थाय् क्वःछिनाः परीक्षणयात तीव्र याःगु दु ।

येँ महानगरपालिकाया ३२ गू वडापाखें न्हि ६०० म्हेसिगु परीक्षणपिनिगु जुयाच्वंगु व परीक्षणय् ४२० म्हेसित पुष्टि जुगु दु धका येँ महानगरपालिका जनस्वास्थ्य महाशाखां जानकारी बिगु दु। येँ महानगरपालिकाय् १० हजारसिबें अप्वः सक्रिय संक्रमित आःतक येँ महानगरपालिकाय् ५१ हजार ४१२ म्ह कोरोना भाइरसपाखें संक्रमित जुइ धुकुगु दु।

उकि मध्ये १० हजार ८०१ म्ह सक्रिय संक्रमित दु । दकलय् अप्वो वडा ३२ य् ४ हजार ७५५ म्ह दुसा दकले म्हो वडा १८ य् २०७ म्हेसिके कोरोना पुष्टि जूगु दु । अथेहे, आःतक ४० हजार २३६ म्ह थुगु ल्वय् पाखें कोरोनामुक्त जुइ धुंकूगु दु । कोरोना संक्रमणया कारणं आःतक ३४५ म्ह सी धुकुगु दु।

येँ महानगरपालिकाय् आः दुपिं संक्रमितमध्ये १० हजार १८१ म्ह होम आइसोलेसनय् दुसा ११४ म्ह संस्थागत आइसोलेसनय् व ५०६ म्हेस्यां अस्पतालय् वासः याकाच्वंगु दु ।