‘राष्ट्रिय समाचार समिति मातृभाषा समाचार सेवा’ अन्तर्गत ‘मैथिली’ व ‘नेपाल भाषा’ या अनुवादक तय्त थौं रासस केन्द्रीय कार्यालय दुने रासस समाचार सेवाया नापं थुकिया कार्यप्रकृति लगायत विषयलय् स्यनेगु ज्या जूगु दु।

वंगु दँया पुसनिसें मातृभाषा सेवाअन्तर्गत ‘अवधी’ समाचार सेवा सञ्चालन यानाच्वंगु राससं देशय् नेपाली लिपा अप्वः ल्हाइगु ‘मैथिली’ व च्यागूगु थासय् च्वंगु ‘नेपाल भाषा’ समाचार सेवा औपचारिक रूपं थ्व हे कौलागा ३ निसें न्ह्यागु खः। परीक्षण प्रकाशनया रूपय् कौलाथ्व १३ निसें दुपिं जनशक्तिपाखें हे उगु भाषं समाचार सेवा न्ह्यागु खः।

नेपाल भाषाया निति नियुक्त नरोत्तम बज्राचार्य व पौभा डङ्गोल नापं मैथिली भाषाया गजेन्द्रकुमार राय व मृदाङ्का सलोनीयात राससया इतिहास व परिचय, रासस समाचार सङ्कलन, सम्पादन व सम्प्रेषण, मातृभाषा पत्रकारिता व राससया दायित्व, रासस सेवा व प्रशासन नापं मैथिली व नेपाल भाषा अनुवाद व सम्पादनबारे महाप्रबन्धक सिद्धराज राई, नायब महाप्रबन्धक सोमनाथ लामिछाने व श्यामप्रसाद रिमाल, प्रशासन प्रमुख शीतलप्रसाद महतो, कार्यकारी नायः धर्मेन्द्र झा व नायब महाप्रबन्धक राजु शाक्यंं स्यनेज्या यानादीगु खः।

ज्याझ्वः उलेज्याय् नायः झा न न्हापांगु पुस्ताया मातृभाषी अनुवादकतय्त व्यावसायिकताया नापं राससपाखे सम्बन्धित समुदायया पहिचान, संस्कृति व भाषा जगेर्नाय् न्ह्यज्यायेत इनाप यानादिल। वय्कलं धयादिल, “छुं भाषात लोप जुजुं वंगुलिं विश्व हे चिन्तित जुल, थुकिं सम्बन्धित भाषाया ज्ञान व संस्कृति नं लोप जुइगु धइगु च्यूताया विषय खः, राससकःमि तय्सं पत्रकारिता व भाषाया विकासलिसे ज्ञान, संस्कृति व समाज विकासया नापं प्रसारपाखें योगदान यायेमाः।” वय्कलं रासस मातृभाषा सेवापाखें भाषा विकास अभियान नं नी यायेत नापं थुकिया प्रचारप्रसार व बजारीकरण यायेत रासस मातृभाषा जनशक्तियात निर्देशन बियादिल।

महाप्रबन्धक राई न राससया उत्तरदायित्व राज्य व समुदायतय्के नं दूगु धासें संस्थाया गौरवमय इतिहास थुइकाः ज्या यायेमाःगु खँय् बः बियादिल। वय्कलं धयादिल, “मातृभाषाया न्हूगु जनशत्तिंm थःगु आत्मविश्वास थकायेमाः, छिकपिं न्ह्याबलें च्यूता तयाः अध्ययनशील जुइमाः, लिसें राससया मान थकायेगु निंति योगदान बियादिसँ।”

सरकारया सँच्छि दिंया आज्ज ुकथं राससं न्हूगु निगू भाषं समाचार सेवा न्ह्याकूगु खः। अथेहे नेपाल टेलिभिजनय् नेपाल भाषा, रेडियो नेपालं दनुवार व गोरखापत्रं रानाथारू भाषं समाचार ‘बुलेटिन’प्रसारण नापं प्रकाशन न्ह्याकूगु खः।

बागमती प्रदेशया मुख्यमन्त्री बहादुरसिंह लामां स्वास्थ्योपचार सेवायात निःशुल्क यायेगु कथं ज्या जुयाच्वंगु धयादीगु दु।

बागमती प्रदेश स्वास्थ्य मन्त्रालय अन्तर्गत स्वास्थ्य निर्देशनालय नं थौं थन आयोजना याःगु वार्षिक समीक्षा ज्याझ्वलय् वय्कलं स्वास्थ्य मन्त्रालय व मातहतया निकायपाखें नागरिकतय्त वासः यायेगु स्वयाः नं बिरामी जुइके हे मबिइकेत सतर्क यायेगु चेतनामूलक ज्याझ्वः हयेत इनाप यानादिल।

वय्कलं बजारय् अप्रमाणित व स्वास्थ्य सम्बन्धी परीक्षण याना मतःगु नसाः त्वँसा मनयेगु, व्यवस्थित जीवन पद्धति अवलम्बन यायेगु बानी दयेकेमाः धयादिल। नापं वय्कलं स्वस्थ्य जीवन म्वायेत उत्प्रेरित यायेगु ज्याझ्वः न्ह्यज्याकीगु खँ कनादिल। स्वास्थ्यमन्त्री किरण थापामगरं सङ्घीयता लागू जुइ धुंकाः अस्पतालया प्राविधिक व मेमेपिं जनशक्ति अप्वयाः स्वास्थ्य क्षेत्रय् नं व्यापक सुधार जूगु खँ धयादिल।

वन लिसे वातावरणमन्त्री कृष्णप्रसाद सिलवालंं बिरामीया स्वास्थ्य भिंकेगु हे मूखँ तायेकाः स्वास्थ्यकर्मीतय्सं ज्या यायेमाः धकाः धयादिल।

हलेसी तुवाचुङ नगरपालिकां परम्परागत बाली प्रवद्र्धन ज्याझ्वःअन्तर्गत न्या मुरी वा व स्वया अप्वः बरां उत्पादन याःसा हःपा कथं ध्यबा बिइगु जूगु दु।

सुख्खाग्रस्त क्षेत्रय् लाःगु थ्व नगरपालिका दुने जक जुइगु बरां खेतीयात प्रवद्र्धन यायेया नितिं नगरपालिकां हपाः कथं ध्यबाः बिइगु जूगुलि अनया किसानत उत्साहित जूगु दु। परम्परागत बाली प्रवद्र्धनया निति नगरसभां हे पारित याःगु नीति व ज्याझ्वः अन्तर्गत बरां खेती याइपि किसानतयेत उत्पादनया लिधंसाय् प्रोत्साहन ध्यबाः इनेत नगरपालिकां १५ न्हूया सूचं पिकागु खः।

सूचं कथं न्या मुरी बरां सकेकूम्ह किसानयात छमुरीया न्यासःया दरं व व स्वयां नं अप्वः सय्कूम्हेसित थप स्वसःया दर प्रोत्साहन ध्यबा बिइत्यंगु खः। नगरपालिका दुनेया अप्वः धइ थें थासय् सइगु बरां खेतीया प्रवद्र्धनयाना ब्राण्डिङ याना मिइगु योजना लिसें किसानयात प्रोत्साहन यायेगु कथं ध्यबा बिइगु क्वःज्यूगु नगरप्रमुख विमला राई नं कनादिगु दु।

मध्यपहाडी लोकमार्गं थ्यूगु थ्व नगरपालिकाया वडा नं ८ धितुङय् दकले अप्वः बरां खेती याइ। थन आःपा धइथें छँ दँय् दँस् २०–२२ मुरी बरां सयेकीगु धितुङया वडाध्यक्ष टेकराज राई नं कनादिल। जिल्लाया पश्चिमी भेगय् लाःगु थ्व नगरपालिकाया वडा नं ५ छुर्मिङ व वडा नं २ डिकुवा नं यक्वः बरां खेती जुइगु थाय् खः।

लुँया भाः न थौ हाकन न्हुगु कीर्तिमान तःगु दु।लुँ तोलां थौ स्वसः थहावंगु दु।लुँ तोलां स्वसः थहावना थौ १ लाख ६५ हजार ९ सय तका थ्यःगु दु धका नेपाल सुनचाँदी व्यवसायी महासङ्घं धाःगु दु।

अथेहे वः तोलां न थौ न्यातका थहावःगु दु। वहः तोलां न्यातका थहावना २ हजार १ सय तका न कारोबार जूगु दु धका महासङ्घं धाःगु दु।

नेपाल रेडक्रस सोसाइटीइ ५२ दुजःया केन्द्रीय कार्यसमिति नीस्वंगु दु। थ्व हे कौलागा प्रतिपदाकुन्हु च्वंगु केन्द्रीय कार्यसमितिया बैठकं थुगु कार्यसमितिइ मू न्वकूनापं १७ म्ह दुजःत ल्ययेगु ज्या जुल।

बैठकं मू न्वकू कथं चन्द्रकला कार्कीनापं मेपिं दुजःत ल्यःगु खँ सोसाइटीया महामन्त्री भूपतिलाल श्रेष्ठं धयादिगु दु। थ्व स्वयां न्ह्यः नेपाल रेडक्रसय् ३५ म्ह दुजःया कार्यसमिति दयेकेगु यानातःगु खः। बैठकं आः वइगु मङ्सिर २६ र २७ गते विधान महाधिवेशन आह्वाननाप याःगु दु।

नेपाल रेडक्रसयात अझ छप्प छधी यायेगु कुतःयात विधान अधिवेशनपाखें व्यवस्थित यायेगु महामन्त्री श्रेष्ठया धापू दु। विधान महाधिवेशनपाखें निर्वाचन यानाः आः खनेदुगु मतभेदयात मदयेकेगु निगुलिं पक्षतय् दथुइ सहमति जूगु खँ वय्कलं कनादिल संस्थायात भिंकेगु, संस्थाय् यक्व न्ह्यःनिसें जुयाच्वंगु विवादयात ज्यंकेया लागि व सामूहिक प्रतिबद्धतानापंया भिंकेगु ज्यात न्ह्याकेगु बैठकया निर्णय दु।

नायः प्रा सुदर्शनप्रसाद नेपालजुं फुक्क सरोकारवालालिसेया न्हिंन्हिंसिया खँल्हाबल्हा व सहमतियात निरन्तरता बियाः वैधानिक व दीर्घकालीन रूपं समस्या समाधान यायेत आःया कार्यसमिति प्रतिबद्ध जूगु खँ स्पष्ट यानादिल।आःया कार्यसमितिया विपक्षय् च्वंपिंसं केन्द्रीय कार्यसमितिया गठन, निर्वाचन व थ्वलिसे सम्बन्धित अदालतय् विचाराधीन मुद्दा लितकायेगु प्रक्रिया न्ह्याकेधुंकूगु खँ वय्कलं धयादीगु दु।

संस्थाया आःयागु विधानय् देय्या सङ्घीयतालिसे अनुकूलन, समावेशीकरण, रेडक्रस व रेडक्रिसेन्ट सोसाइटीया अन्तर्राष्ट्रिय महासङ्घया मापदण्डलिसे सामञ्जस्यता लगायत आधारय् थौंकन्हय् हे भिंकेत छगू समिति नीस्वंनेगु ज्या जूगु नायः नेपालं धयादीगु दु। वय्कलं संसारया फुक्क धैथें देसय् ब्यागलं कानुनपाखें रेडक्रस व रेडक्रिसेन्ट सोसाइटी सञ्चालन जुयाच्वंगु सन्दर्भय् नेपालय् आःतक नं रेडक्रस ऐन जारी जुइ मफुनिगुलिं सरकारलिसे समन्वय व ग्वहालिया लागि थ्व समिति गठन यानागु धकाः धयादिल।