Display Style:
Column Style
येँ निम्ह नाप देय् यकं झींछम्ह मन्त
लहनान्युज | ञंलाथ्व १४ ११४०,भाद्र १६ मंगलवाः
वःगु २४ घण्टाय् कोरोना भाइरसया संक्रमणं झींछम्ह मनू मन्त ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं कोरोना संक्रमण आःतक सीपि २३९ म्ह थ्यःगु दु ।
थौ सीपि प्यदँया छम्ह मचा नाप मेपि झींम्ह मनू सीगु दु धका प्रवक्ता गौतमं जानकारी बिःगु दु ।
कोरोना संक्रमण मदुपि महोत्तरीया ३७ दँ, सिराहा ६५ दँ, पर्साय् ५३, ८० व ६० दँ, बाराय् ६० दँ, चितवनया ५२ दँ, येँ ७० व ३५ दँ नाप मकवानपुरया ५८ दँ दुम्ह मदुगु खः ।
थौं तक ४० हजार ५२९ म्हेसित कोरोना भाइरसया संक्रमण जुगु दु सा संक्रमित जुया मदुपि ० दशमलव ५९ प्रतिशतय् दु ।
कोरोनायात याकन बुका जनताया सेवाय् याकन वये : मेयर शाक्य
नृपेन्द्रलाल श्रेष्ठ | ञंलाथ्व १४ ११४०,भाद्र १६ मंगलवाः
येँ महानगरपालिकाया मेयर विद्यासुन्दर शाक्यं कोरोनायात परास्त याना याकन हे जनताया सेवाय् लिहा वयेगु विश्वास प्वका दिगु दु ।
मेयर शाक्य थौं छगु विज्ञप्ति पिकया थथे विश्वास प्वकादिगु खः । वयकलं छिकपिनिगु निरन्तर ग्वाहालि समर्थन व जि प्रति क्यनादिगु सद्भावं जित थप ऊर्जा प्राप्त जूगु दु धका धयादिसे वयकलं जारी याःगु विज्ञप्तिइ उल्लेख याना तःगु दु, “थुगु ऊर्जां कोरोनायात परास्त यायेगुलि जित थप हौसला प्राप्त जूगु दु धका धाःगु दु । जिं याकन हे कोरोनायात परास्त याना छिकपिनिगु सेवाय् समर्पित जुइगु विश्वास प्वकादिगु दु ।
मेयर शाक्य तसक सावधानी अपने याना कोभिड–१९ यात नियन्त्रण व व्यवस्थापन नाप कोरोनाया कहरपाखे येँ व स्वनिगलय् च्वपिन्त जोगे यायेगु लागि चाःन्हि थःगु थासं खटे जुया च्वनागु इलय् थःत संक्रमण पुष्टि जूगु स्मरण यानादिगु दु ।
थौं कन्ह्य हलियकं कोरोनाया कहर दु । नेपालय् न न्हिया न्हिथं कोरोना संक्रमितपिनिगु ल्याः अप्वोया वनाच्वंगु दु । संघीय राजधानी स्वनिगलय् नाप येँ महानगरपालिकाय् तक संक्रमितपि ल्याः न्हिया न्हिथं अप्वया वना च्वंगु दु धका धयादिगु खः ।
वयकलं थज्यागु जटिल परिस्थितिइ तक उच्च सावधानी अपने याना कोभिड–१९ यात नियन्त्रण व व्यवस्थापन नाप कोरोनाया कहरपाखे येँ व स्वनिगलय् च्वपिन्त जोगे यायेगु बिचारं न्ह्यने वना च्वंगु अवस्थाय् थःत संक्रमण पुष्टि जुल धका धयादिगु खः ।
मेयर शाक्यं जारी याःगु विज्ञप्तिइ भदौ १४ गते आइतवाः वयकलं थः तिरिमय्जु यात एक सय डिग्री स्वया अप्वो ज्वरो वःगुलि निम्ह नियमित परीक्षणया लागि ग्रान्डी अस्पताल वना परीक्षण यानागु इलय् कोरोना पोजेटिभ खने दुगु धका धाःगु खः ।
१०६९ म्हेसित कोरोना संक्रमणपिन्त पुष्टि
लहनान्युज | ञंलाथ्व १४ ११४०,भाद्र १६ मंगलवाः
वःगु २४ घण्टाय् १०६९ म्हेसित कोरोना संक्रमणपिन्त पुष्टि जूग दु ।
स्वास्थ्य तथा जनसंख्या मन्त्रालयया कथं १२ हजार ८८म्हेसित याःगु परीक्षणय् १०६९ म्ह संक्रमण पुष्टि जूगु दु । थ्व नाप थौं मंगलवाः तक नेपालय् कोरोना संक्रमितपि ४० हजार ५२९म्ह
थ्यःगु दु ।
वःगु २४ घण्टाय् स्वनिगलय् जक ४८१ म्हेसित कोरोना संक्रमण पुष्टि जुगु दु ।
मन्त्रालयया कथं वःगु २४ घण्टाय् कोरोना संक्रमण मुक्त जूपि ७६८ म्हेसित डिस्चार्ज याःगु दु ।
थौं मंगलवाः तक २२ हजार १७८ म्ह डिस्चार्ज जूगु दु धका मन्त्रालयं धाःगु दु ।
देय् यकं सक्रिय संक्रमितपि १८ हजार ११२ म्ह दु ।
येँ ३९३म्ह नाप स्वनिगः दुने ४८१म्ह कोरोना संक्रमित
लहनान्युज | ञंलाथ्व १४ ११४०,भाद्र १६ मंगलवाः
वःगु २४ घण्टाय् स्वनिगः दुने ४८१ म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं स्वनिगः दुने जक ४८१म्ह संक्रमित थपे जूगु दु ।
थौं मंगलवाः येँ जक ३९३ म्ह कोरोना संक्रमित थपे जूगु दु । अथेहे ख्वपय् ३०म्ह व यलय् ५८म्हेसित कोरोना भाइरसया संक्रमण पुष्टि जूगु दु ।
म्हिगः सोमवाःयेँ १९० म्ह, ख्वपय् ४१म्ह व यलय् ६७म्ह याना २९८म्हेसित कोरोना भाइरसया संक्रमण खने दुगु खः ।
येँ ३९३म्ह नाप स्वनिगः दुने ४८१म्ह कोरोना संक्रमित
बुटवलय् प्लाज्मा बैंक स्थापना
लहनान्युज | ञंलाथ्व १४ ११४०,भाद्र १६ मंगलवाः
थेरापी विधिबाट कोरोना संक्रमितपि उपचारया लागि बुटवलय् प्लाज्मा बैंक स्थापना याःगु दु । नेपाल स्वास्थ्य अनुसन्धान परिषद प्रदेश ५ या समन्वयय् बुटवलया रक्त सञ्चार केन्द्रय् प्लाज्मा बैंक स्थापना याःगु खः ।
कोरोना संक्रमणपाखे गम्भीर स्वास्थ्य समस्या खने दुपि बिरामीपिन्त संक्रमणमुक्त स्वस्थ मनू तयेगु हि बिया उपचारया लागि प्लाज्मा संकलन याना प्लाज्मा बैंक स्थापना याःगु खः ।
कोरोना संक्रमित थिक जुइ धुकुपि मनू तयेगु १४ दिं थ्यने धुकुपिगिु हिंपाखे आरबीसी, डब्लुबीसी व प्लेटलेट्स छुटे याना बाँकी दुगु हिया अंश अर्थात प्लाज्मा जटिल अवस्थाय् कोरोना संक्रमितपिन्त बिलकि थिक जुइगुलि नेपालय् न थ्व विधि प्रयोगय् हयेत्यःगु खः ।
केन्द्रय् जम्मा जुइगु प्लाज्मा बुटवलया धागो कारखानाय् सञ्चालित कोरोना विशेष अस्थायी अस्पतालय् भर्ना जूपि जटिल अवस्थाया संक्रमितपिन्त बिइगु जुइ धका नेपाल स्वास्थ्य अनुसन्धान परिषद प्रदेश ५ या सदस्यं धाःगु दु ।
