Display Style:
Column Style
पर्सा व बाराय् थप २० म्ह कोरोना पुष्टि
लहनान्युज | ञंलाथ्व १४ ११४०,भाद्र १६ मंगलवाः
वीरगञ्जय् परीक्षण याःगुलि थप २० म्हेसित कोरोना संक्रमण पुष्टि जूगु दु । नारायणी अस्पताल पीसीआर प्रयोगशालाय् भदौ १५ गते ४१० गु स्वाब नमुना परीक्षणय् २० म्हेसित कोरोना पुष्टि जूग दु ।
जिल्ला प्रशासन कार्यालय पर्सां याःगु सार्वजनिक विवरण कथं पीसीआर पोजेटिभ १८ म्ह मध्ये १८म्हे हे जूगु दु सा पर्साय् निम्हेसित जूगु दु ।
उकि मध्ये निम्ह जीन एक्सपर्ट विधिपाखे परीक्षण यागुलि पोजेटिभ खने दुगु खः ।
थ्व नाप पर्सा जिल्लाय् कोरोना संक्रमितपि २ हजार २१४ म्ह थ्यःगु दु ।
सोमवाः २१ म्ह नाप आःतक पसाय् ७०५ म्ह कोरोनामुक्त जुइ धुकुगु दु । अस्थायी कोभिड अस्पतालय् ३१ म्ह मिसापि नाप १०६ म्हेसिगु कोरोना संक्रमितपि वासः याका वयाच्वंगु दु । उकि मध्ये २७ म्हआइसियू लय् च्वनाच्वंगु दु सा १ हजार १ म्ह होम आइसोलेसनय् च्वना च्वंगु दु ।
पर्साय् कोभिड–१९ या कारण ३८ म्ह मदये धुकुगु दु ।
मन्त्री घिमिरेयात कोरोना सङ्क्रमण पुष्टि
लहनान्युज | ञंलाथ्व १४ ११४०,भाद्र १६ मंगलवाः
प्रदेश नं १ या सामाजिक विकासमन्त्री जीवन घिमिरेयात कोरोना भाइरस सङ्क्रमण पुष्टि जूगु दु ।
प्रदेश प्रयोगशाला विराटनगरय् याःगु परीक्षणय् म्हिगः सोमवाः वयात सङ्क्रमण पुष्टि जूगु दु ।
थ्व स्वया न्ह्य भदौ १३ गते धनकुटा अस्पतालय् निरीक्षणयाना लिहावःगु इलय् झाडापखाला लगे जूगु खःसा सोमवाः निसे ज्वरो वःगु धका मन्त्री घिमिरेया सचिवालयं धाःगु खः ।
आः मन्त्री घिमिरे शनिवाः निसे थःगु हे निवासय् च्वना च्वंगु खः ।
मन्त्री घिमिरेया स्वास्थ अवस्था आः सामान्य जुगु धका सचिवालयं धाःगु दु ।
येँ मनपा १८ वडाय् आःतक न्ह्यम्ह सक्रमित
लहनान्युज | ञंलाथ्व १३ ११४०,भाद्र १५ सोमवाः
येँ महानगरपालिका १८ वडाय् आःतक कोरोना सक्रमित न्ह्यःम्ह पिहावःगु दु ।
येँ महानगरपालिका १८ वडा अधक्ष्य न्हुच्छेकाजी महर्जन बियादिगु जानकारी कथं १८ वडाय् आःतक न्ह्यःम्ह सक्रमित पिहा वःगु दु सा प्यम्ह थःगु हे छेँय् च्वना च्वंगु दु सा निम्ह दहचोकय् च्वना च्वंगु दु । उकि मध्ये छम्ह धाःसा बेपत्ता जुग दु धका लहनान्युजयात जानकारी बियादिगु दु ।
छु न्ह्य येँ महानगरपालिका १७,१८ व १९ वडायापिन्त पिसिआर जाँच जूगु खःसा उकि रिपोर्ट मवःनि धका धयादिगु दु ।
येँ मनपा १७ वडाय् थौं निम्ह सक्रमित
लहनान्युज | ञंलाथ्व १३ ११४०,भाद्र १५ सोमवाः
येँ महानगरपालिका १७ वडाय् थौं कोरोना सक्रमित निम्ह पिहावःगु दु ।
थ्व नाप १७ वडाय् कोरोना सक्रमितपि २३म्ह थ्यःगु दु ।
उकि मध्ये आःतक गुम्ह डिस्चार्ज जुइ धुकुगु दु धका येँ महानगरपालि १७ वडा अधक्ष्य नविन मानन्धरं लहनान्युजयात जानकारी बिःयादिगु दु ।
१७ वडा अधक्ष्य मानन्धर सक्रमितपि नाप सम्पर्क दुपि पिसिआर कन्ह्य न जुइ धका धयादिगु दु ।
डा. भोला रिजालयात न कोरोना संक्रमण
लहनान्युज | ञंलाथ्व १३ ११४०,भाद्र १५ सोमवाः
वरिष्ठ स्त्री तथा प्रसुती रोग विशेषज्ञ डा. भोला रिजाल व वया तिरिमय्जु यात न कोरोना संक्रमण खने दुगु दु ।
कोरोना संक्रमण खने दुगुलि डा.रिजाल निम्हतिपू ह्याम्स अस्पतालय् भर्ना जूगु दु ।
शनिवाः याःगु कोरोनाया पीसीआर परीक्षणय् थः व तिरिमय्जु निम्हेसित कोरोना पोजेटिभ खने दुगुलि आइतवाः निसे ह्याम्स अस्पतालय् भर्ना जुयागु दुधका धाःगु दु ।
निम्हेसिया स्वास्थ्य अवस्था सामान्य दुगु धका न धाःगु ।
