प्रधानमन्त्री केपी शर्मा ओलीं युवा तथा खेलकुदमन्त्री जगत विश्वकर्मा व उद्योग राज्यमन्त्री मोती दुगडयात मन्त्रिपरिषदपाखे हटे याःगु दु।

२ चैत ०७४ य् खेलकुदमन्त्री जूगु खःसा दुगड ८ मंसिर ०७६ य् मन्त्रिमण्डल पुनर्गठन जुगुलि मन्त्री जुगु खः।

विश्वकर्माया थासय् प्रचण्ड समूहपाखे ओलीया थाय् वम्ह दावा लामायात मन्त्री दय्कूगु खः।

प्रधानमन्त्री केपी शर्मा ओलीें मन्त्रीपिनिगु जिम्मेवारीइ हेरफेर याःगु दु। शुक्रवाः न्ह्यम्ह मन्त्री व निम्ह राज्यमन्त्री नियुक्त याःगु दु ।

स्वास्थ्य तथा जनसंख्या मन्त्री भानुभक्त ढकालयात संस्कृति, पर्यटन तथा नागरिक उड्डयन मन्त्रालयया जिम्मेवारी बिःगु दु ।

स्वास्थ्यय् हृदयेश त्रिपाठी वःगु दु। संघीय मामिला तथा सामान्य प्रशासन मन्त्रालय धाःसा गणेश ठगुन्नायात जिम्मा बिःगु दु।

अथेहे कानूनमन्त्री डा. शिवमाया तुम्बाहाम्फेयात भूमि व्यवस्था मन्त्रालयया जिम्मेवारी बिःगु दु सा भूमि व्यवस्थामा पद्मा अर्यालयात कृषि तथा पशुपंक्षी विकास मन्त्रीया जिम्मा बिःगु दु ।

अथेतु थ्व स्वया न्ह्यः महिला बालबालिका तथा ज्येष्ठ नागरिक मन्त्री जुम्ह लीलानाथ श्रेष्ठयात कानून मन्त्रालयया जिम्मेवारी बिःगु दु। थिंलाथ्व एकादशी ११४० पुस १० शुक्रवाः

पुसंसद बिघटन याःगु बिरुद्धय् जनता समाजबादी पार्टी क्वछिगु ज्याझ्वः कथं थौं देयन्यक पुत्ला च्याकेगु ज्याझ्वः जुग् दु ।

थौ कालिमाती, लगं,वगः, क्षत्रपाती दुने  नाप थीथी थासय् उगु ज्याझ्वः जूगु दु । तर कालिमाती व्यापक प्रहरी हस्तक्षप यायेवं उगु थासय् याके मबिल। पार्टीया केन्द्रिय सदस्य मनरत्न शाक्य व राधाकृष्ण महर्जन, पिएल महर्जन, अथेहे सघिय सांसदपि राम साहय यादब, रामबाबु यादब, प्रदेस सांसद अशोक यादब लगायतपिन्स न ब्बति काःगु दु ।

केन्द्रिय सदस्यपि मनरत्न शाक्य व राधाकृष्ण महर्जन नेतृत्व क्षत्रपातीइ व काठमाडौ जिल्ला अध्यक्ष श्याम कृष्ण प्रजापतीया नेतृत्वय् वघलय् व युवा सगठनया केन्द्रिय सदस्य श्रीजन मान श्रेष्ठया प्रम व राष्ट्रपतिया पुत्ला च्वाकेगु ज्या जुगु खः। 

वःगु २४ घण्टाय् थप ६१३ म्हेसित कोरोना भाइरस संक्रमण पुष्टि जूगु दु ।

स्वास्थ्य तथा जनसंख्या मन्त्रालयया कथं ५५१० म्ह परीक्षण याःगुलि ३८० म्ह मिजंपि व मिसापि २३३ म्ह याना ६१३ म्हेसित संक्रमण पुष्टि जूगु दु ।

थ्व नाप आःतक नेपालय् कोरोना भाइरस संक्रमित जूपि २ लाख ५६ हजार ५९२ म्ह थ्यःगु दु।

वःगु २४ घण्टाय् येँ १९९म्ह, ख्वपय् १८ म्ह, यलय् २७ म्ह कैलाली ५७म्ह, कञ्चनपुरय् ४२म्ह, कास्कीइ ४३म्ह, रुपन्देही ३७म्हेसित संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।