Display Style:
Column Style
कोरोना संक्रमणमुक्त जूपि ५१ हजार ८६६म्ह थ्यन
लहानान्युज | अनलाथ्व नवमी ११४०,असोज ९ शुक्रवाः
नेपालय् वःगु २४ घण्टाय् कोरोना संक्रमणमुक्त जुया छेँय् लिहा वःपि १४५५म्ह थ्यःगु दु ।
थ्व नाप आःतक कोेरोना संक्रमणमुक्त जुपि ५१ हजार ८६६ म्ह थ्यःगु दु।
मन्त्रालयया कथं आःतक पीसीआर विधिपाखे ९ लाख ६८ हजार १८५म्हेसिगु परीक्षण याये धुकुगु दु ।
अथेहे २४ घण्टाय् जक १२ हजार २६२म्हेसिगु पीसीआर परीक्षण याःगु खः।
आःतक क्वारेन्टाइनय् च्वना वासः याना च्वपि ६ हजार ४६४म्ह दु।
अथेहे सकृय संक्रमितपि १८ हजार २८९म्ह दु।
१३१३म्हेसित कोरोना संक्रमण, १४५५म्ह डिस्चार्ज
शोभा श्रेष्ठ | अनलाथ्व नवमी ११४०,असोज ९ शुक्रवाः
वःगु २४ घन्टाय् जक नेपालय् थप १३१३म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङया झ्वलय् थौं शुक्रवाः प्रवक्ता डा जागेश्वर गौतमया कथं आः कोरोनाया संक्रमितपि नेपालय् ७० हजार ६१४म्ह थ्यःगु दु।
वःगु २४ घन्टाय् कोरोनामुक्त जूपि १४५५म्ह डिस्चार्ज जूया छेँय् लिहावःगु दु । थ्व नाप नेपालय् आःतक कोरोनामुक्त जूपिे ५१ हजार ८६६म्ह थ्यःगु दु।
अथेहे वःगु २४ घन्टाय् खुम्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु । थ्व नाप नेपालय् कोरोना संक्रमणं सीपि ४५९म्ह थ्यःगु दु।
नेपालय् आइसोलेसनय् च्वना कोरोना संक्रमितपि १८ हजार २८९म्ह दु सा ६ हजार ४६४म्ह क्वारेन्टाइनय् च्वना च्वंगु दु धका प्रवक्ता गौतमं धाःगु दु।
येँ ५०३म्ह नाप स्वनिगलय् ६४५म्हेसित कोरोना संक्रमण
लहानान्युज | अनलाथ्व नवमी ११४०,असोज ९ शुक्रवाः
वःगु २४ घण्टाय् स्वनिगः दुने ६४५म्हेसित कोरोना संक्रमित थपे जुगु दु ।
मन्त्रालयया नियमित प्रेस ब्रिफिङया झ्वलय् थौं शुक्रवाः प्रवक्ता डा जागेश्वर गौतमया कथं येँ जक ५०३म्हेसित कोरोना सक्रमणया पुष्टि जूगु धका धाःगु दु ।
अथेहे यलय् ९१ म्ह व ख्वपय् ५१म्हेसित कोरोना सक्रमणया पुष्टि जुगु धका गौतम धाःगु खः।
लुँ तोलां च्यासः थहा वन
शोभा श्रेष्ठ | अनलाथ्व नवमी ११४०,असोज ९ शुक्रवाः
स्वन्हु यकं लुँया भाः क्वहा वयाच्वंगु थौं हाकन च्यासः थहा वःगु दु। थौं लुँ छगु तोला ९३ हजार ९ सय कायम जूगु दु धका धाःगु दु।
नेपाल सुनचाँदी व्यवसायी महासंघया कथं थौं शुक्रवाः छापावाल लुँ छगु तोला ९३ हजार ९ सय व तेजाबी लुँ छगु तोलाया ९३ हजार ४ सय रुपैयाँ कायम याःगु दु।
वःगु स्वन्हुया दुने लुँ तोलय् ४१ सय रुपैयाँ क्वहा वःगु खः।
लुँया भाः थहावने वः वहःया भाः न तोलाय् ४० रुपैयाँ थहा वःगु दु । थौं शुक्रवाः तोलाया ११६० रुपैयाँ कायम जुग दु।
कोरोनामुक्त जूपि ५० हजार स्वया अप्वोे
शोभा श्रेष्ठ | अनलाथ्व अष्तमी ११४०,असोज ८ बिहीवाः
नेपालय् कोरोनामुक्त जूपि ५० हजार स्वया अप्वो जुगु दु धका स्वास्थ्य तथा जनसंख्या मन्त्रालयं धाःगु दु।
वःगु २४ घण्टाय् जक बिहीवाः४५म्ह संक्रमितपि डिस्चार्जं जुया छेँय् लिहा वःगु दु।
थ्व नाप छेँय् लिहा वःपि ५० हजार ४११ म्ह थ्यःगु दु ।
बुधवाः जक नेपालय् १ हजार ८९३म्ह संक्रमितपि डिस्चार्ज जुया छेँय् लिहा वःगु खः।
