पुष्पकमल दाहाल ‘प्रचण्ड’ व माधव नेपाल नेतृत्वय् नेपाल कम्युनिस्ट पार्टी (नेकपा) या उपलब्ध सचिवालय सदस्य व स्थायी कमिटीया मंकाः बैठक च्वनेत्यःगु दु।

सरकारविरुद्ध आन्दोलनय् थप ज्याझ्वः यायेगु लागि थौं न्हिनय् १२ बजे पेरिसडाँडाय् उगु बैठक च्वने त्यःगु खः । बैठक लिपा न्हिनय् ३ बजे पत्रकार सम्मेलन यासे आन्दोलनया थप ज्याझ्वः सार्वजनिक यायेगु योजना दु ।

प्रधानमन्त्री केपी शर्मा ओलीयो सिफारिसय् राष्ट्रपति विद्यादेवी भण्डारीं संसद विघटन याःगु विरोधय् प्रचण्ड–माधव समूह न म्हिगः मंगलवाः देय् न्यकं प्रदर्शन बिरोध याःगु खः।

येँ याःगु प्रदर्शन ज्याझवलय् सम्बोधनय् अध्यक्ष प्रचण्डं  मेगु कडा ज्याझ्वः यायेगु धका धाःगु खः। प्रचण्ड–माधव समूहपाखे न्हिन्हि आन्दोलनया छु न छु ज्यााझ्वः यायेगु धका थ्व स्वया न्ह्याका च्वनेगु धका थ्व स्वया न्ह्य हे धाःगु खः।

नेपालय् लिपांगु २४ घौ दुने कोरोना भाईरसया हुनिं थप ८ सीगु दु । थप ८ मदुगुलिसें नेपालय् कोरोनाया हुनिं मदुपिनिगु ल्याः एक हजार ८ सय ४० थ्यंगु दु ।

लिपांगु खुसी मदुपिंलय् ६ स्वनिगःपाखें दु । येँय् नं ३, यलय् नं छम्ह व ख्वपय् २ म्हेसिया मृत्यु जूगु खः ।

येँय् आःतक्क ४ सय ६९, यलय् एक सय ४६ अले ख्वपय् सच्छिम्ह कोरोनाया हुनिं सीधुंकल ।

नेपालय् कोरोनाया हुनिं जुइगु मृत्युदर ० दशमलव ७१ प्रतिशत दु ।

लिपांगु दिनय् नेपालय् कोरोना संक्रमण लंपिनिगु ल्याः थहां वनाच्वंगु द । थौंया दिंतक्क स्वयेबलय् नेपालय् संक्रमण लंपिनिगु दर ९७ प्रतिशत लिक्क थ्यंगु दु ।

स्वास्थ्य तथा जनसंख्या मन्त्रालयया कथं नेपालय् कोरोना संक्रमण लंपिनिगु दर ९६ दशमलव ८ प्रतिशत थ्यंगु दु ।

थौंतक्कया दुने २ लाख ५९ हजार ५ सय ४८ म्हेसित कोरोना संक्रमण जुइधुंकूगुलिइ २ लाख ५१ हजार ३ सय १२ सक्रमितं थुगु भाइरसयात त्याकेधुंकल ।

वंगु २४ घौ दुने ७ सः ३१ संक्रमितयात संक्रमण लंगु दु ।

स्वनिगलय् संक्रमण लंपिनिगु दर ९६ दशमलव ५३ प्रतिशत दु । स्वनिगलय् आःतक्क एक लाख २० हजार ७७९ म्हेसित संक्रमण जुइधुंकूगु दुसा एक लाख १६ हजार ५९३ यात लनेधुंकूगु दु ।

लिपांगु खुसी स्वनिगलय् ३सः व ७७ संक्रमितयात लंगु दु । येँय् २सः व २, यलय् ७६ व ख्वपय् ९९ संक्रमितयात लंगु दु ।

माधव नेपाल नेकपा प्रचण्ड–माधव समूहया अध्यक्ष माधवकुमार नेपालं प्रधानमन्त्री केपी शर्मा ओलीयात भिनेत लिपाःगु मौका दु धका धयादीगु दु।

पार्टी अनुशासनया उल्लंघन यासे स्वेच्छाचारी पलाः ल्ह्वःगु धका अध्यक्ष पदपाखे हटे याःगु केन्द्रीय सदस्य व पार्टी सदस्यपाखे हटे मयानागु धका धयादीगु दु धका धयादीगु दु ।

संसद विघटनया विरोधय् प्रचण्ड–माधव समूह नं येँ याःगु विरोध सभाय् सम्बोधन यासे अध्यक्ष नेपालं धयादीगु दु, ‘भिनि ला धका भलसा काये। केन्द्रीय सदस्य, पार्टी सदस्यपाखे हट यानागु मदुनि धका धयादीगु दु। लिपागु मौका बियागु दु धका धयादीगु दु ।’ पार्टीया गुलि न नेतापिन्स ओलीयात भिंके फइला धका स्वयागु खः । ओलीपाखे वःपि ‘बालुवाटारय् फि पेलायाना चिंक पिकाय् फुसा स्याबास बिइ धका धयादीगु खः ।

चाः हिःगु न्हिपयात तु चिकं बुला तपिके फुसा न स्याबास बिइ धका धयादीगु खः।’ नेपालं प्रधानमन्त्री ओली पश्चाताप याःसा सहलह यायेत थःपि तयार दु धका धयादीगु दु ।

लिपांगु २४ घौ दुने नेपालय् कोरोना भाईरस (कोभिड १९) या  ७सः व ८ म्ह न्हूपिं संक्रमित लूगु दु ।

लिपांगु खुसी याःगु ६ हजार १ सय ३५ स्वाब नमूनाया आरटी पिसिआर परिक्षणय् २सः व ७० मिसा अले ४सः व ३८ मिजंयाके संक्रमण पुष्टी जूगु खः ।

लिपांगु खुसी थप जूपि न्हूपिं संक्रमितमध्ये सच्छि व ५६ मिसा व २सः व ४२ मिजं यानाः ३सः व ९८ स्वनिगःयापिं दु ।

येँय् ३सः व २४म्हेसिके संक्रमण पुष्टी जूगु दुसा यलय् ५२ व ख्वपय् २२ संक्रमित थप जूगु दु ।

आःतक्क १९ लाख २१ हजार ३ सय ६७ स्वाब नमूनाया आरटीपिसिआर परिक्षण जूगु दु ।

लिपांगु दिनय् वयाः परिक्षणया ल्याः धाःसा कुहांवंगु दु ।