Display Style:
Column Style
केन्द्रीय कारागारय् ३५म्ह कैदीबन्दीयात कोरोना संक्रमण पुष्टि
लहनान्युज | ञंलाथ्व १२ ११४०,भाद्र १४ आइतवाः
केन्द्रीय कारागार, सुन्धाराय् ३५म्ह कैदीबन्दीपिन्त कोरोना भाइरसया संक्रमण पुष्टि जुगु दु । राष्ट्रिय जनस्वास्थ्य प्रयोगशाला, टेकुइ याःगु परीक्षणय् उमित कोरोना पोजेटिभ पुष्टि याःगु दु ।
थ्व नाप केन्द्रीय कारागारय् कोरोना संक्रमित कैदीबन्दीपि ५० म्ह थ्यःगु दु ।
उगु कारागार दुने दुगु अस्पतालय् वासः याकाच्वम्ह छम्हेसित कोरोना खने देय वः १७५ म्ह कैदीबन्दी याःगु स्वाब कया परीक्षणया लागि छ्वःगु खः ।
कारागारया स्वगू ब्लकय् कैदीबन्दीयात संक्रमण खने खये वः थप जोखिम अप्वःगु दु । थ्व स्वया न्ह्यःसंक्रमितपिन्त किपूया आइसोलेसेन सेन्टरय् छ्वःगु खः।
थौं आइतवाः थपे जूपिन्त अस्पताल व आइसोलेसनय् छ्वयगु तयारी याना च्वंगु दु ।
उगु कारागारय् खने दुम्ह न्हापाम्ह संक्रमित सिन्धुलीपाखे वासः यायेगु लागि येँ वम्ह खः ।
छन्हु थपे जुल १२२१ म्ह कोरोना संक्रमक
लहनान्युज | ञंलाथ्व १२ ११४०,भाद्र १४ आइतवाः
वःगु २४ घण्टाया दुने नेपालय् १२२१म्हेसित कोरोना भाइरस (कोभिड(१९) या संक्रमण पुष्टि जुगु दु ।
देय् यकंया याःगु प्रयोगशालाय् १२ हजार ७१७म्हेसिगु नमुना परीक्षणय् ३४८ मिसा व ८७३ मिजंपिन्त संक्रमण पुष्टि जूगु दु ।
येँ जक ३७२ म्ह कोरोना संक्रमित
शोभा श्रेष्ठ | ञंलाथ्व १२ ११४०,भाद्र १४ आइतवाः
वःगु २४ घण्टाय् स्वनिगः दुने ४२९ म्ह कोरोना संक्रमित जूगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं स्वनिगःया दुने हे ४२९ म्ह संक्रमित थपे जुगु खः ।
थौं आइतवाः जक येँ जक ३७२ म्हेसित कोरोना संक्रमित जूगु दु ।
अथेहे ख्वपय् ४५ म्ह व यलय् १२ म्हेसित कोरोना संक्रमण खने दुगु दु ।
चितवन मेडिकल कलेज कोरोना संक्रमित छम्ह मन्त
लहनान्युज | ञंलाथ्व १२ ११४०,भाद्र १४ आइतवाः
चितवनया चितवन मेडिकल कलेज भरतपुरय् कोरोना संक्रमित छम्ह सीगु दु ।
भरतपुर महानगरपालिका वडा नं. १० च्वम्ह ५२ दँया मिजंम्ह वासः यायेगु झ्वलय् थौं आइतवाः न्हिनय् १ः३० बजे मन्त ।
उम्ह मनू निमोनियाया बिरामी खः । वःगु भदौ ४ गते अस्पतालय् भर्ना जूगु खःसा वयात ७ गते कोरोना संक्रमण पुष्टि जूगु खः ।
संक्रमण अप्वया वःगुलि अस्पतालया भेन्टिलेटरय् तया वासः तया वासः याना च्वनागु झ्वलय् मदुगु खः धका कलेजया निर्देशकं धाःग् खः ।
अस्पतालय् थौंकन्ह्य न्याम्ह कोरोना संक्रमित भेन्टिलेटरय् तया वासः याका च्वंगु दु ।
चितवनय् वासः याकाच्वपि मदये धुकुपि कोरोना संक्रमित पिनिगु ल्या ११ म्ह थ्यःगु दु । उकि चितवनया न्याम्ह, मकवानपुरया स्वम्ह, गोरखा व कैलाली नाप बारा निजगढया छम्ह छम्ह दु ।
येँया ३७५ नाप १५६७म्ह प्रहरी कोरोना संक्रमण
लहनान्युज | ञंलाथ्व १२ ११४०,भाद्र १४ आइतवाः
प्रहरीपि लगातार कोरोना संक्रमितया ल्याः अप्वया वयाच्वंगु दु ।
आःतक प्रहरीया निम्ह डीआईजी नाप कोरोना संक्रमितपि १५६७म्ह थ्यःगु दु । उकि मध्ये ८९३ म्ह सक्रिय संक्रमित दु ।
६७४ म्ह वासः याना डिस्चार्ज जुइ धुकुगु दु । प्रहरी प्रधान कार्यालयय् ज्या याइपि ९७ म्ह व स्वनिगःया २७८ म्ह सक्रिय संक्रमितपि दु ।
प्रहरी प्रवक्ताया कथं प्रदेश १ य् २०८म्ह, प्रदेश २ य् १२९म्ह, वाग्मती प्रदेशय् ४१म्ह, गण्डकी ६०म्ह, प्रदेश ५ य् ५२म्ह, कर्णाली प्रदेशय् १५म्ह व सुदूरपश्चिम प्रदेशय् १३ म्हेसित सक्रिय संक्रमित जुयाच्वंगु दु ।
