Display Style:
Column Style
नेकपा शुक्रवाः सचिवालयया बैठक सःतल
लहनान्युज | ञंलागा १४ ११४०,भाद्र ३१ बुधवाः
सत्तारुढ नेपाल कम्युनिस्ट पार्टी (नेकपा) नं कसं शुक्रवाः सचिवालय बैठक सःतूगु दु ।
पार्टी कार्यालय पेरिसडाँडाय् सुथय् ११ बजे बैठक सतःगु खः । उगु बैठकय् सांगठनिक एकताव ल्यदनिगु ज्या संघीय सरकारया मन्त्रिपरिषद् व प्रदेश सरकार पुनर्गठन बारे सहलह यायेगु कथं एजेण्डा तया तःगु दु धका धाःगु दु ।
पाटीया आन्तरिक विवाद बारे सुझाव बिइत गठन याःगु कार्यदलया प्रतिवेदनय् न मन्त्रिपरिषद् पुनर्गठन यात उल्लेख याःगु दु ।
वःगु १९ भदौय् च्वंगु मन्त्रिपरिषद् बैठकय् प्रधानमन्त्री केपी शर्मा ओलीं तत्काल मन्त्रिपरिषद् पुनगर्ठन जुइ मखु ढुक्क जुया ज्या यायेत मन्त्रीपिन्त निर्देशन बिःगु खः ।
तर कसं सःतूगु सचिवालयया एजेण्डाय् हे मन्त्रिपरिषद् व प्रदेश सरकार पुनर्गठनया न खँ दु धका छम्ह नेतां धाःगु दु ।
चितवनया बजाः खुला, ठेला व घुम्ती पसः रोक
लहनान्युज | ञंलागा १४ ११४०,भाद्र ३१ बुधवाः
चितवनया जिल्ला प्रशासन कार्यालयं पसः व जोर विजोर प्रणालीइ यातायात सञ्चालन खुला जुइ कथं निषेधाज्ञा छ्वासुकू दु ।
कार्यालयं थौं बुधवाः छगू सूचं जारी याना निजी व सार्वजनिक यातायात जोर विजोर प्रणालीइ सञ्चालन यायेगु निर्णय याःगु खः ।
अथेहे तरकारी, फलफूल व खाद्यान्न पसः सुथसिया ६ बजे निसे बहनि छ बजे तक व मेगु पसः सुथय् १० बजे निसे बहनि ५ बजे चायेके दइ जूगु दु ।
तर सिनेमा हल, स्वीमिङ पुल, जिमखाना, स्पा, फुटसल, पुस्तकालय, संग्रहालय, ब्युटीपार्लर, सैलुन व हाटबजार सञ्चालन याये दइ मखु । ठेला, रिक्सा लगायत घुम्ती पसः, पानीपुरी, चटपटे लगायतया फास्टफुडया व्यापार न याये दइ मखु ।
पर्यटन विभागपाखे स्वीकृति कया पर्यटकस्तरीय होटलं पर्यटन बोर्डं तोके याःगु मापदण्ड पालना याना विदेशी व स्वदेशी पर्यटक तये दइ ।
अथेहे होटलया हकय् आइसोलेसन व क्वारेन्टिन प्रयोजन बाहेकया मेगु होटल सञ्चालन याये दइ मखु । टेक अवे सेवा धाःसा राजमार्ग थासय् रेस्टुरेन्ट बहनि १० बजे तक व मेगु थाय् या रेस्टुरेन्ट बहनि ८ बजे तक सञ्चालन याये दइ धका जिल्ला प्रशासन कार्यालयं आदेशय् उल्लेख याःगु दु ।
येँ आःतक हे दकलय् अप्वो ६५२म्ह सक्रमित
शोभा श्रेष्ठ | ञंलागा १४ ११४०,भाद्र ३१ बुधवाः
वःगु २४ घण्टाय् स्वनिगः दुने जक ७३७म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया कथं वःगु २४ घण्टाय् येँ जक ६५२ म्हेसित कोरोना संक्रमित थपे जूगु दु ।
अथेहे ख्वपय् २५म्ह व यलय् ६०म्ह कोरोना संक्रमित थपे जूगु दु ।
उकि मध्ये येँ २१६म्ह मिसा व ४३६म्ह मिजं, ख्वपय् १३म्ह मिसा व १२म्ह मिजं, यलय् २४ मिसा व ३६ म्ह मिजंपिन्त कोरोना संक्रमण खने दुगु खः ।
म्हिगः मंगलवाः येँ ५५५म्ह, ख्वपय् ८६म्ह व यलय् ३५म्ह याना देय् यक ६७६म्ह कोरोना भाइरस संक्रमित थपे जुगु दु ।
कोरोनाया कारणं थौं च्याम्ह मन्त
लहनान्युज | ञंलागा १४ ११४०,भाद्र ३१ बुधवाः
नोभेल कोरोना भाइरस संक्रमणया कारणं च्याम्ह सीगु दु ।
स्वास्थ्य तथ जनसंख्या मन्त्रालयया कथं वःगु २४ घण्टाय् देय् यकं च्याम्ह कोरोना संक्रमितपि सीगु खः ।
मंगलवाः जक देय् यकं ११म्ह कोरोना भाइरस संक्रमितपि सीगु खः।
आःतक हे दकलय् अप्वो १५३९म्ह कोरोनासंक्रमण पुष्टि
लहनान्युज | ञंलागा १४ ११४०,भाद्र ३१ बुधवाः
वःगु २४ घण्टाय् १५३९म्ह कोरोना भाइरस (कोभिड(१९) या संक्रमण पुष्टि जूगु खः ।
देय् यकं प्रयोगशालाय् १०४९४म्हेसिगु नमुना परीक्षण याःगुलि उमित संक्रमण पुष्टि जूगु खः ।
थ्व नाप छन्हु हे आःतक दकलय् अप्वो संक्रमित जुगु खः ।
थ्व नाप संक्रमितपि ५८ हजार ३२७म्ह थ्यःगु दु।
