Display Style:
Column Style
लुँ तोलां ९०द्धः स्वया अप्वल
लहनान्युज | तछलागा आमै ११४०,असार ७ आइतवाः
नेपाःया बजारय् लुँ छगु तोलाय् भाः ९०द्धः स्वया अप्वगु दु ।
वःगु दिं स्वया थौं आइतवाः तोलाय् न्ह्यसः थहाः वःगु दु ।
तोलाय् न्ह्यसः थहाः वना आः छापावल लुँ ९० द्धः व खुसः व तेजाबी लुँ छगु तोलाया ९० द्धः व स्वसः थ्यःगु दु ।
आइतवाः नेपाःया बजारय् लुँया भाः दकलय् हे अप्वःगु दु ।
वःगु शुक्रवाः छापावाला लुँया भाः तोलाया ८९ द्धः व गुसः व व तेजाबी ८९ द्धः व खुसः न कारोबार जूगु खः ।
आइतवाःया लागि महासंघं वहः छगु तोलया भाः ९४० तका क्वछिगु दु । वहः थौं झीतका थहाः वःगु खः ।
निजी स्कूलय् शुल्क पुलेगु लागि अभिभावकपिन्त इनाप
लहनान्युज | तछलागा आमै ११४०,असार ७ आइतवाः
कोरोना भाइरसया महामारीया कारणं बन्द जूया च्वंगु निजी स्कूलय् शुल्क पुलेत अभिभावकपिन्त इनाप याःगु दु ।
निजी स्कूलया निगु तधःगु छाता सङ्गठन प्याब्सन व नेशनल प्याब्सनं विज्ञप्ति पाखे स्कूल बन्द जूसा शुल्क पुलेगु लागि धाःगु दु ।
स्वला निसे शिक्षक व कर्मचारीपिन्त तलब बिइ मफुगु, बाः पुलेत थाकुगु, बैंकया ब्याज पुलेत समस्या जुगु, सरकारं कर छुट मबिउगुया कारणं समस्या वःगु धका शुल्क पुलेत इनाप यासे बिज्ञप्तिइ धाःगु दु ।
चैत याःगु छगु महिनाया शुल्कय् छुट बिइगु व मेगु शुल्क पुला ग्वाहालि यायेत अभिभावकयात इनाप याःगु खः । आः शुल्क मपुसा निजी स्कूल बन्द जुइगु अवस्थय् थ्यने धुकुगु दु धका
प्याब्सन व एनप्याब्सनं धाःगु दु ।
कैलालीइ छम्ह स्वास्थ्यकर्मीयात कोरोना संक्रमण पुष्टि
लहनान्युज | तछलागा आमै ११४०,असार ७ आइतवाः
कैलालीइ मेम्ह छम्ह स्वास्थ्यकर्मीयात कोरोना संक्रमण पुष्टि जूगु दु । जानकी गाउँपालिकाय् च्वंगु पथरिया स्वास्थ्य चौकीइ ज्या याइम्ह स्वास्थ्यकर्मीयात कोरोना संक्रमण पुष्टि जूगु दु ।
यक्को न्ह्यनिसे क्वारेन्टिनय् स्वास्थ्य परीक्षण ज्या याना वया च्वंम्ह छम्ह २८ दँया मिसाम्ह स्वास्थ्यकर्मीयात संक्रमण पुष्टि जूगु खः ।
वःगु जेठ ३० गते याःगु स्वाब परिक्षणय् याःगु खःसा वयागु शनिवाः पोजेटिभ रिर्पाेट वःगु खः ।वयात पथरिया स्वास्थ्य चौकीया आइसोलेसन वार्ड तया तःगु दु ।
थ्व नाप सुदूरपश्चिम प्रदेशय् खुम्ह स्वास्थ्यकर्मीपिन्त संक्रमण पुष्टि जुइ धुकुगु दु ।
थ्व स्वया न्ह्यः कञ्चनपुरय् निम्ह, डडेल्धुरयाय् निम्ह व सेती प्रादेशिक अस्पतालय् छम्ह स्वास्थ्यकर्मीयात संक्रमण पुष्टि जुइ धुकुगु दु ।
नेपालय् थौं खण्डग्रास सूर्यग्रहण
लहनान्युज | तछलागा आमै ११४०,असार ७ आइतवाः
नेपालय् थौं खण्डग्रास सूर्यग्रहण जूइ । नेपालय् थौं सुथया १० बजे जुया ५५ मिनेटं निसे सूर्यग्रहण जुया न्हिनसिया २ बजे जुया २४ मिनेटय् क्वचाइ ।
अथेहे, न्ह्निसिया १२ बजे जुया ४१ मिनेटय् येँ सूद्यः करिब ८८ प्रतिशत ढाके जुइ । उगु इलय् वातावरणीय तापक्रम घटे जुया ख्वाउसे च्वना वनीइ ।
अथेहे नेपालं लिम्पियाधुरा, लिपुलेक तथा कालापानी थासय् दकलय् अप्वो ९८ प्रतिशत तक सूद्यः ढाके जुइ धका खगोलविद् तयेस धाःगु दु ।
आः थज्याःगु ग्रहण ४४ दँलिपा जक खने दइ
थुगु ग्रहणय् धर्मशास्त्रय् विश्वास याइपिन्स थुगु सूर्यग्रहणं मेष राशि, सिंह राशि, कन्या राशि तथा मकर राशि जूपिन्स जक स्वये फइ धका धाःगु दु ।
अय्न वैज्ञानिकपिन्स सूर्यग्रहण स्वयेगु लागि सुरक्षित तरिकां स्वसा जुउ धका धाःगु दु
कुवेतं वःपि थप ७ म्ह मिसापिन्त कोरोना संक्रमण पुष्ट
लहनान्युज | तछलागा चतुर्दशी ११४०,असार ६ सनीवाः
कुवेतं लिहावःपि थप ७ म्हेसित कोरोना भाइरस (कोभिड(१९) या संक्रमण पुष्टि जूगु दु ।
स्वास्थ्य तथा जनसंख्या मन्त्रालयं शनिवाः नियमित प्रेस ब्रिफिङया झ्वलय् ख्वपय् ७ म्हेसित संक्रमण पुष्टि जूगु दु ।
उपि दक्को कुवेतं लिहा वया खरिपाटी क्वारेन्टिनय् च्वना च्वंगु दु ।
येँय् न मिसाम्ह छम्हेसित कोरोना संक्रमण पुष्टि जूग दु ।
