Display Style:
Column Style
थौं थप ३३१म्ह संक्रमण पुष्टि
लहनान्युज | तछलागा चतुर्दशी ११४०,असार ६ सनीवाः
वःगु २४ घण्टाय् दुने ७४१६म्हेसिगु नमुना परीक्षण याःगु इलय् ३३१म्हेसित कोरोना भाइरस (कोभिड(१९) संक्रमण पुष्टि जूगु दु ।
थ्व नाप संक्रमितपि ८६०५म्ह थ्यःगु दु । उपि मध्ये २२म्ह सिइ धुकुग दु सा १५७८म्ह डिस्चार्ज जूगु दु । उकि मध्ये १७६म्ह वःगु २४ घण्टाय् डिस्चार्ज जूगु दु ।
थौं स्वास्थ्य मन्त्रालयया कथं दकलय् अप्वो डोटीइ ६१म्ह संक्रमित थपे जूगु दु । अथहे, पाल्पाय् ३३ म्ह, नवलपुरय् ३२म्ह, महोत्तरीइ २४म्ह, तनहुँइ २३म्ह, बाग्लुङय् २०म्ह, बैतडी व गुल्मीइ १८ म्ह, बाँकेय् १४म्ह व डडेलुधराय् १२ म्हेसित कोरोना संक्रमण पुष्टि जूगु दु ।
सर्लाहीय् ९म्ह, मोरङ, प्युठान व धादिङय् च्याम्ह व च्याम्ह, भक्तपुर, रौतहट व बर्दियाय् न्ह्यम्ह न्ह्यम्ह, दाङ व बाराय् प्यम्ह प्यम्ह, रामेछापय् स्वम्ह, सुनसरी व कैलालीइ निम्ह निम्ह, येँं झापा, कैलाली, नवलपरासी, रुपन्देही, स्याङ्जा व रुकुम पश्चिमय् छम्ह छम्हेसित कोरोना संक्रमण पुष्टि जूगु दु ।
मन्त्रालयया कथं देय् यकं २४गू प्रयोगशालाया कोरोना परीक्षणया लागि संकलन याःगु स्वाब परीक्षण जूया च्वंगु दु । व, वःगु २४ घण्टाय् ७४१६म्हेसिगु नमुना परीक्षण याःगु दु ।
राप्ती स्वास्थ्य विज्ञान प्रतिष्ठानय् छम्ह डाक्टर नाप प्यम्हेसित कोरोना
लहनान्युज | तछलागा चतुर्दशी ११४०,असार ६ सनीवाः
दाङया घोराहीइ राप्ती स्वास्थ्य विज्ञान प्रतिष्ठानय् प्यम्ह चिकित्सिक व स्वास्थ्यकर्मीपिन्त कोरोना संक्रमण पुष्टि जूगु दु ।
थ्व नाप आः अस्पतालय् निन्हुया लागि आकस्मिक बाहेकया सेवा बन्द याःगु दु ।
अस्पतालय् मेडिकल वार्डय् भर्ना जूम्ह छम्ह बिरामीयात कोरोना संक्रमण पुष्टि खः ।
उम्ह विरामीया हेरचाहय् संलग्न प्यम्ह डाक्टर, ११म्ह नर्स व खुम्ह स्वास्थ्यकर्मी याना २१म्हेसित होम क्वारेन्टिनय् च्वना च्वंगु दु ।
उमिगु स्वाब संकलन याना परीक्षणय् छम्ह चिकित्सक, निम्ह नर्स व छम्ह स्वास्थ्यकमी शुक्रवाः हे कोरोना पुष्टि जुइ धुकुगु खः ।
कलाकार रुमन जोशीया मां मन्त
लहनान्युज | तछलागा चतुर्दशी ११४०,असार ६ सनीवाः
नेपालभाषा संकिपा ख्यः नांजाःम्ह कलाकार रुमन जोशीया मां लक्ष्मी जोशी विहीवाः चान्हय् मंत ।
मदुम्ह जोशी ७२ दँ दुम्ह मेडिसिटी अस्पताल मदुगु खः ।
मदुम्ह जोशीया पित्त थैलीइ क्यान्सर जुगुलि वःगु खुला न्ह्यः अपरेशन याःगु खः ।
मदुम्ह जोशीया काय स्वम्ह व म्ह्याय् छम्ह दु । मदुम्ह जोशीयात वंगु शुक्रवाः पशुपतिइ अन्त्येष्ठि याःगु खः ।
गण्डकीइ ५८म्हेसित कोरोना पुष्टि
लहनान्युज | तछलागा चतुर्दशी ११४०,असार ६ सनीवाः
गण्डकी प्रदेशया न्ह्यगु जिल्लाय् थप ५८म्हेसित कोरोना संक्रमित जूगु दु ।
थौं तनहुँइ २५म्ह, नवलपुरय् १६म्ह, बाग्लुङय् ८म्ह, गोरखाय् ५म्ह, कास्कीइ निम्ह, म्याग्दी व स्याङ्जाय् छम्ह छम्हेसित कोरोना संक्रमण पुष्टि जूगु दु ।
थ्व नाप गण्डकी प्रदेशय् कोरोना संक्रमण पुष्टि आः ४३८म्ह थ्यःगु दु धका गण्डकी प्रदेश कोरोना नियन्त्रण तथा रोकथाम कार्यक्रमया निर्देशक डा. विनोद विन्दु शर्मां जानकारी बियादिगु दु ।
न्हुपि संक्रमितहरु मध्ये तनहुँया ऋषिङ गाउँपालिकायापि २१म्ह, ब्यास नगरपालिका निम्ह, शुक्लागण्डकी नगरपालिकाय् निम्हेसित कोरोना पुष्टि जूगु दु ।
नवलपुर जिल्लाय् १६ म्ह संक्रमित मध्ये बुलिङटार गाउँपालिकाय् ११म्ह, मध्यविन्दु नगरपालिकाय् निम्हेसित कोरोना पुष्टि जुगु दु ।
गण्डकीइ थप ३२म्ह कोरोना संक्रमण
लहनान्युज | तछलागा त्रयोदशी ११४०,असार ५ शुक्रवाः
थौ जक आजमात्र ५६म्ह गण्डकी प्रदेशय् थप ३२ म्ह कोरोना संक्रमित थपे जूगु दु ।
बागलुङय् १०म्ह, तनहुँइ १७म्ह व पर्वतय् न्याम्हेसित कोरोना संक्रमित थपे जूग दु ।
बागलुङ नगरपालिकाय् न्याम्ह मिजंपि, ढोरपाटन नगरपालिकाय् प्यम्ह मिजंपि व बागलुङय् छम्ह मिसायात कोरोना संक्रमण खने दुगु धका प्रदेश स्वास्थ्य निर्देशनालयं पुष्टि जूगु दु ।
तनहुँया घिरिङ नगरपालिकाय् झींप्यम्ह मिजंपि व स्वम्ह मिसायात कोरोना संक्रमण खने दुगु दु । पर्वतया कुश्मा नगरपालिकाय् स्वम्ह मिजंपि व निम्ह मिसा स्वास्थ्यकमीयात कोरोना संक्रमण पुष्टि जूगु दु ।
थौं सुथय् जक गण्डकीइ प्यगु जिल्लाय् २४म्हेसित संक्रमित खने दुगु खः ।
