Display Style:
Column Style
कोरोना थप ५८६म्हेसित संक्रमण
लहनान्युज | तछलागा द्धादशी ११४०,असार ३ बुधवाः
थौं नेपालय् कोरोना संक्रमण जूपि ७ द्धःः स्वया अप्वगु दु ।
संक्रमण जूपिं आः ७१७७म्ह थ्यंगु दु । अथेहे २४ घण्टाया दुने ५८६म्हेसित कोरोना भाइरसपाखें संक्रमण जूगु दु ।
आः नेपालय् छन्हु हे संक्रमित जूपिं थ्व हे दकलय् अप्वःगु ल्याः खः ।
अथेहे तु, थौं २४ घण्टाया दुन कोरोनामुक्त जुपि ९म्ह अस्पतालं डिस्चार्ज जूगु दु ।
बाँकेय् कोरोनां छम्ह सीत
लहनान्युज | तछलागा द्धादशी ११४०,असार ३ बुधवाः
बाँके नेपालगन्ज मेडिकल कलेजय् वासः याका च्वम्ह छम्ह मिसा कोरोना संक्रमण पुष्टि जूगु खः ।
बैजनाथ गाउँपालिका ६ याम्ह ४६दँयाम्ह उम्ह मिसा नेपालगन्ज मेडिकल कलेज तथा शिक्षण अस्पताल कोहलपुरय् आईसीयुलय् सोमवाः बहनि ६ बजे सीगु दु ।
उम्ह मनूयाःगु मंगलवाः बहनी कोरोना रिपोर्ट पोजेटिभ वःगु धका बाँकेया प्रमुख जिल्ला अधिकारी राम बहादुर कुरुम्वाङं धाःगु खः ।
उम्ह मिसा निमोनिया ल्वय् दुम्ह खः । स्वास्थ्य अवस्था गम्भीर जूगुलि वःगु जेठ ३० गते वयात अस्पताल भर्ना याःगु खः ।
बाँकेय् कोरोना भाइरसं सीपि थ्व नाप निम्ह थ्यःगु दु । थ्व स्वया न्ह्य जेठ ४ गते बाँकेया नरैनापुर गाउँपालिका–५ या २५ दँ दुम्ह छम्ह न कोरोनां हे सीगु खः ।
थ्व नाप नेपालय् आतक कोरोनां सीपि १९ म्ह थ्यःगु दु ।
रौतहटय् १३७म्ह कोरोना संक्रमित डिस्चार्ज
लहनान्युज | तछलागा एकादशी ११४०,असार २ मंगलवाः
रौतहटय् १३७ म्ह कोरोना संक्रमित वासः याका छेँय् लिहावःगु दु ।
रौतहटया परोहा नगरपालिकाय् स्थापना याःगु आइसोलेसनय् च्वपि ६१म्ह व राजपुर नगरपालिकाय् स्थापना याःगु आइसोलेसनय् च्वपि ७६ म्ह संक्रमितपि डिस्चार्ज जूगु दु ।
उमिगु पीसीआर परीक्षणय् लिपाःगु रिपोर्ट नेगेटिभ वःगुलि डिस्चार्ज यानागु धका जनस्वास्थ्य कार्यालय रौतहटं धाःगु दु ।
थ्व स्वया न्ह्य रौतहट गरुडा नगरपालिकाया प्रहरी स्कूलय् आइसोलेसनं ११० म्ह संक्रमितपि छेँ लिहा वःगु दु ।
रौतहटय् आतक हालसम्म २४७म्ह संक्रमित वासः याका छेँय् वने धुकुगु दु ।
गोरखाय् थौं थप १०म्ह कोरोना संक्रमन
लहनान्युज | तछलागा एकादशी ११४०,असार २ मंगलवाः
गोरखाय् थौं मंगलवाः थप १०म्हेसित कोरोना संक्रमित जूगु दु ।
गोरखा नगरपालिकाय् न्ह्यम्ह, बारपाक सुलिकोट गाउँपालिकाय् निम्हव गण्डकी गाउँपालिकाय् छम्हेसित संक्रमण खने दुगु धका स्वास्थ्य निर्देशनालय पोखरां पुष्टि याःगु दु ।
गोरखा नगरपालिका वडानम्बर १ व ११ य् निम्ह निम्हेसित व वडा नम्वर ३, ६ व १३ य् छम्ह छम्हेसित संक्रमण खने दुगु दु । उपि मध्ये खुम्ह भारतं लिहा वःपि खःसा छम्ह येँय् न वःम्ह खः ।
२३ गते कोरोना परीक्षणया लागि वयागु स्वाब संकलन याना प्रदेश जनस्वास्थ्य प्रयोगशाला पोखरा छ्वःगु खः ।
गोरखा नगरपालिकाय् संक्रमित न्ह्यम्ह मनकामना आवासीय बहिरा माध्यमिक विद्यालयया क्वारेन्टिनय् च्वना च्वपि खः । उमित जिल्ला अस्पताल गोरखाया आइसोलेसन वार्डय् तःगु दु ।
गण्डकी गाउँपालिकाय् संक्रमितपि भारतं वःपि खः । वडा नम्बर ५ याम्ह उम्ह जेठ १४ गते वया रत्नेश्वर माविया क्वारेन्टिनय् च्वना च्वम्ह खः ।
थौं छम्ह नाप ३८० म्हेसित कोरोना संक्रमण पुष्टि
लहनान्युज | तछलागा एकादशी ११४०,असार २ मंगलवाः
थौं येँय् छम्ह नापं देय्न्यंक थप ३८० म्हेसित कोरोना भाइरसया संक्रमण पुष्टि जूगु दु ।
आः थ्व नापं नेपालय् कोरोना संक्रमणपि ६५९१म्ह थ्यःगु दु । नेपालय् कोरोना संक्रमण ७३गू जिल्लाय् खने दयेदुगु दु ।
राष्ट्रिय जनस्वास्थ्य प्रयोगशाला टेकुइ याःगु परीक्षणय् थौं येँय् जूम्ह मिसाम्हसित पुष्टि जूगु खः ।
येँया मिसा नापं राष्ट्रिय जनस्वास्थ्य प्रयोगशालाय् १ सय १४म्हेसित संक्रमण खनेदुगु खः ।
अथेहे नेपालय् कोरोनामुक्त जुयाः १ सय १७म्ह अस्पतालं डिस्चार्ज जूगु दु ।
