Display Style:
Column Style
विप्लव समूहया मुँज्यायाना च्वंथाय् २१ नेता ज्वन
लहनान्युज | कौलागा चौथी ११३९ (अक्टुवर १७ २०१९)
नेपाल प्रहरीं प्रतिबन्धित विप्लव समूह वःगु चान्ह्यः ब्युरोया मुँज्याय् विप्लवया दाजु चन्द्रबहादुर चन्द ‘बीरजंग’ नाप २१ म्हसित ज्वःगु दु ।
५ नं. प्रदेश प्रहरी कार्यालय, तुल्सीपुर व जिल्ला प्रहरी कार्यालय, दाङया टोलीं विशेष सुराकीया आधारय् मुँज्या जुया च्वं थाय् अथे ज्वःगु खः । ज्वपिं अप्वो याना राप्ती ब्युरोया नेतापिं खः ।
प्रहरीया निरन्तरको निगरानीलिपा वःगु चान्ह्यः भारतया सीमा नाप घना जंगल दुने ज्ञानेन्द्र ओलीया छेँय् १ बजे अथे ज्वःगु खः ।
ज्वपिंपाखे महत्वपूर्ण दस्तावेज, चन्दा फ्वलनेगु विवरण, ३२ गः मोबाइल, विष्फोटक पदार्थलगायतया सामग्री बरामद याउगु खः ।
शीतलनिवासं हेलिकप्टर गया एयरपोर्ट थ्यकल राष्ट्रपति
लहनान्युज | कौलागा तृतिया ११३९ (अक्टुवर १६ २०१९)
राष्ट्रपति विद्यादेवी भण्डारी शीतलनिवासं हेलिकप्टर गया विमानस्थल थ्यकुगु दु ।
थ्व स्वया न्ह्यः सतकं विमानस्थल वना च्वम्ह राष्ट्रपति भण्डारी म्यानमार वनेगु झ्वलय् थौं बुधवाः सथय् हेलिकप्टरं विमानस्थल थ्यकुगु खः ।
म्यानमारया समकक्षी विन मिन्टया ब्बनाय् म्यानमार वने त्यःम्ह राष्ट्रपति भण्डारी वने त्यःगु खः ।
राष्ट्रपति भण्डारी बिडाइ बिइत विमानस्थलय् उपराष्ट्रपति, प्रधानमन्त्री, सरकारया मन्त्रीपिं थ्यगु खः ।
लोकसेवा आयोगं एघारौं व नवौं तहया पदय् विज्ञापन प्रकाशित
लहनान्युज | कौलागा तृतिया ११३९ (अक्टुवर १६ २०१९)
लोकसेवा आयोगं सहसचिव व उपसचिव पदया लागि ६८८ म्हसियागु विज्ञापन प्रकाशित याउगु दु । लोक सेवां निजामती सेवा व स्वास्थ्य सेवापाखे (एघारौं व नवौं तह)या पदय् थौं बुधवाः विज्ञापन प्रकाशित याउगु खः ।
निजामतीपाखे १८१ म्ह सहसचिव व ३९३ म्ह उपसचिव नाप स्वास्थ्य सेवापाखे ३५ म्ह सहसचिव व ७९ म्हसिगु लागि विज्ञापन खुले जुगु खः । सहसचिव व उपसचिव पदय् छकलं थथे यक्को विज्ञापन खुले जुगु थ्व हे न्हापांगु खः ।
आयोग पिकागु बिज्ञापनय् प्राविधिकपाखे प्रशासन सेवाय् दकय् अप्वो ३७ म्ह सहसचिव माग याउगु खः । प्राविधिकपार्ख इन्जिनियरिङ, सिभिल, हाइवेपाखे ३ म्ह व विल्डिङ एण्ड आर्किटेक्टपाखे २ म्ह सहसचिवया विज्ञापन खुले याउगु खः ।
विवेकशील दलया अध्यक्ष मिलन पाण्डे निर्वाचित
लहनान्युज | कौलागा तृतिया ११३९ (अक्टुवर १६ २०१९)
विवेकशील नेपाली दलया अध्यक्ष मिलन पाण्डे निर्वाचित जुगु दु ।
मंगलवाः क्वचाःगु दलया निर्वाचनय् पाण्डें ५८ प्रतिशत मत हया निर्वाचित जुगु दु । उगु निर्वाचनय् करिव ५ प्रतिशत मत नो भोट वःगु खः ।
अथेहे महासचिवय् निर्देश सिलवाल व नीति सचिवय् सञ्जीव भट्टराई निर्वाचित जुगु खः । नापं उपाध्यक्ष, व्यवस्थापन सचिव व कोषध्यक्षय् चुनाव थौं जुइगु ज्याझ्वः दु ।
विवेकशील नेपाली दलं विदेशय् च्वंपि सदस्यपिनिगु लागि न अनलाइन भोटिङया ब्यवस्था याउगु खः । पार्टीया राष्ट्रिय सम्मेलन धाःसा १ व २ कात्तिकय् जुइगु दु ।
महरायात स्वन्हुया हिरासतय् तयेत अनुमति
लहनान्युज | कौलागा द्धितिया ११३९ (अक्टुवर १५ २०१९)
मिसा कर्मचारीयात बलात्कारया कुतः याउगु द्धपः फयाच्वंम्ह निवर्तमान सभामुख कृष्णबहादुर महरायात हाकान स्वन्हुया लागि हिरासतय् तयेत अदालतं अनुमति बिउगु दु ।
जिल्ला अदालत, येँया न्यायाधीश दीपककुमार दाहालया इजलासं महराविरुद्ध अनुसन्धानया लागि स्वन्हुया म्याद बिउगु दु ।
महरायात वःगु असोज १९ गते बालुवाटारया सरकारी निवासपाखे हे प्रहरीं ज्वःगु खः ।
उकुन्हु अदालत बन्द जुगुलि म्याद थपे याये मफुगु खः ।
त्यसपछि अदालतले धरौटी, साधारण तारेख वा पुर्पक्षका लागि थुनामा पठाउने मध्ये कुनै एक निर्णय गर्नेछ ।
