Display Style:
Column Style
मन्त्रिपरिषद् बैठक,लकडाउन थपे यायेगु तयारी
लहनान्युज | चौलाथ्व पञ्चमी ११४०,चैत्र १६ गते
सरकारं कोरोना भाइरस संक्रमण (कोभिड १९) रोकथाम तथा नियन्त्रणया लागि याउगु लकडाउन मेगु छवाः थपे यायेगु तयारी याउगु दु ।
नेपालय् वःगु मंगलवाः निसे उच्चस्तरीय समन्वय समितिं सुथय् ६ बजे निसे छवाःलागि लकडाउन घोषणा याउगु खः ।
थुगु लकडाउन चैत १८ गते सुथय् ६ बजे तक कायम जुइ ।
कोरोनाया महामारी फैले मयायेत स्थानीय तहयात प्रभावकारी रुपं परिचालन यायेगु तयारी याना च्वंगु दु ।
भारतय् लकडाउनया अवज्ञा जुया च्व्ंगुलि थन न असर मलायेमा धका सुरक्षा संयन्त्रयात सतर्क यानाच्वंगुु दु ।
सम्पूर्ण विश्व हे युद्धय् दुगु किपू मेयरया धापू
नृपेन्द्रलाल श्रेष्ठ | चौलाथ्व चतुर्थी ११४०
किर्तिपुर नगरपालिकाया मेयर रमेश महर्जनं वर्तमान इलय् सम्पूर्ण विश्व हे युद्धय् दुगु धयादीगु दु । सम्पूर्ण विश्वया मानव जगत हे आः छगू भाइरसलिसे युद्धया अवस्थाय् दुगु धयादीगु खः ।
लहनान्यूजलिसे खँ ल्हासें मेयर महर्जनं धयादिल, ‘आः मुक्क. मानव जगत भाइरसलिसे ल्वानाच्वंगु दु, थुकियात छगू कथं स्वंगूगु विश्वयुद्ध हे धाःसां ज्यू ।’
नापं, मेयर महर्जनं लकडाउनयात पूर्ण रुपं पालना यायेत नं सकलसित इनाप यानादिल । लकडाउन धयागु छुं प्राप्तीया लागिं राजनीतिक दलं याइगु हडताल थुज्वःगु मखूगु धासें लकडाउन थःपिनिगु लागिं हे खः धकाः थुइकेत वयकलं इनाप यानादिल ।
कोरोना भाइरस धयागु मात्तुमालाः छेँय् छेँय् वइगु मखसें झी हे पिहांवनाः भाइरसया स्वापुतिइ वल धायेवं तिनि वं आक्रमण याइगु जूगुलिं आःया अवस्थाय् सकलसित छेँय् हे च्वनाः सुरक्षित जुयाच्वनेत वयकलं इनाप यानादिल ।
भाइरस मनूया सम्पर्कय् मवःतल्ले गनं छथाय् च्वनाः ताः ईतक्क म्वानामच्वनीगु कारणं झी भाइरसया सम्पर्कय् मलायेमा धकाः हे लकडाउन यायेमाःगु वयकःया धापू खः ।
लकडाउनयात पालना याकेत सचेतना कार्यक्रमया लिसें डिसइनफेक्सनया स्प्रे यायेगु ज्या नं जुयाच्वंगु वयकलं जानकारी बियादिल ।
लिसें क्वारेन्टाइन तयेगु थाय् लिसें आइसोलेसन वार्ड दयेकेत नं तयारी जुयाच्वंगु वयकलं धयादिल ।
येँ महानगरपालिकां राहत वितरण याइगु
नृपेन्द्रलाल श्रेष्ठ | चौलाथ्व चतुर्थी ११४०,चैत्र १६ गते
येँ माहानगरपालिकां विपन्न, असाहय व न्हिया न्हिथं ज्या याइपि मजदुरीपिनिगु लागत संकलनया ज्या गुलि फत उलि न्ह्यने यकिगु जुगु दु । कोरोना भाइरस (कोभिड—१९) संक्रमणया ग्याचिकु नाप लकडाउन लिपा येँ महानगर दुने वसोवास याना च्वपि विपन्न, असाहय व मजदुरी तयेत राहत वितरणया लागि प्रभावकारी यायेत उगु ज्या याकन हे न्ह्याके त्यःगु दु ।
थौं जिल्ला प्रशासन कार्यालय काठमाडौं, काठमाडौँ जिल्लाका उपलब्ध प्रदेशसभा सदस्यपि व येँ महानगरपालिकाया प्रमुख बिद्यासुन्दर शाक्य, सुरक्षा अधिकारीपि नाप सहलह झ्वलय् प्रमुख शाक्यं राहत वितरणया ज्या प्रभावकारी दयकेगु निति गुलिफत उलि याकन यायेत बः बियादिगु दु ।
भाइरस संक्रमण, व्यवस्थापन नियन्त्रण, राहत तथा सहयोगया लागि एकीकृत व समन्वयात्मक योजनाया विषय सहलह ज्या झ्वलय् मेयर शाक्यं राहत वितरणया ज्या वडाध्यक्ष व वडा समितिया नेतृत्वय् एकद्ववार प्रणालीपाखे यायेगु जुइ धका धयादिगु खः ।
विपन्न, असाहय व न्हिया न्हिथं ज्या याइपि मजदुरी याइपि महानगरवासीपिन्त एकद्ववार नीतिपाखे राहत बिइगु विषय केन्द्रित जुया सहलह जुगु प्रमुख शाक्य धयादिगु खः।
छु न संघ–संस्थां ग्वाहालि यायेगु खःसा जिल्ला प्रशासन कार्यालयपाखे वडाध्यक्ष व वडा समितिया पदाधिकारीपि नाप समन्वय याना जक ज्या यायेगु निर्णय जुगु धका धयादिगु खः । थुकि याना राहत वितरणय् एकरुपता वइगु भलसा न कयादिगु खः ।
प्रमुख शाक्यं हलियकं संक्रमण जुगु इलय् थः थःगु थासं फुगु ग्वाहालि याये माःगुलि न बःबियादिगु दु ।
अथेहे प्रमुख शाक्यं सरकारं तोके याःगु मापदण्ड दुने च्वना कम्तीइ न न्यासः बेड तकया क्वारेन्टाइनया लागि माःगु भौतिक पूर्वाधारया लागि महानगरपालिका तयार दुगु नाप याकन हे थाय् उपलब्ध यानाबिइगु धका धयादिसे थःपिन्स पर्याप्त स्वास्थ्य जनशक्ति मदुगुलि संघीय सरकार नाप ग्वाहालिया अपेक्षा यानागु धका न धयादिगु दु ।
लकडाउनय् किपूया फोटो फिचर
लहनान्युज | चौलाथ्व तृतिया ११४०
कोरना भाइरसं नेपालय् न न्याम्ह संकमण जुइ धुकुगु दु ।
लकडाउन जुगु थौं न्यान्हु जुइ धुकुगु दु । थौंया
किपूया फोटो फिचर (किपाः ज्ञानकुमार महर्जन)
बागलुङय् मेम्ह कारोना भाइरस संक्रमित पिहावल
लहनान्युज | चौलाथ्व चतुर्थी ११४०
बागलुङय् बेल्जियमं लिहा वःम्ह छम्ह मिसायात कोरोना भाइरस (कोभिड(१९) संक्रमण जुगु पुष्टि जुगु दु ।
उम्ह मिसा २२ दँया मिसायात संक्रमण पुष्टि जुगु खः ।
थ्व नाप आतक नेपालय् कोभिड(१९ पाखे संक्रमित जुपिनिगु ल्याः न्याम्ह थ्यःगु दु ।
उम्ह मिसा वःगु चैत ४ गते कतार एयरवेजको ‘क्यूआर ६५२’ विमानपाखे लिहा वःगु ख ।
१९ दँया उम्ह मिसायात कोरोना भाइरसको संक्रमण जुगु चैत १० गते पुष्टि जुगु खः ।
बागलुङ नगरपालिकाय् च्वम्ह उम्ह मिसा धौलागिरी अस्पतालय् नमुना संकलन याउगु खः ।
वयात येँ हयेगु तयारी याना च्वःगु दु ।
