Display Style:
Column Style
ख्पपय् बजारय् बिना मास्क हुलमुल जुयाच्वन
राम गोपाल तमखु | चौलाथ्व पंचमी ११४०
ख्वपय् नगर दुने खुल्ला तरकारी व फलफूल न्याीइपि व मिइपिनिगु यक्को हे हुलय् खने दु ।
बजारय् मास्क मतया पिहा वयेगु याना च्वंगु दु । प्रहरी, नगरपालिकांया कर्मचारीपिन्स सम्भे याःसा मनू तयेस वास्ता मया ।
कोरोना भाइरस (कोभिड १९) या संक्रमण नियन्त्रणया लागि सरकारं लकडाउन याना च्वंगु दु ।
नगरपालिकां पसलय् न्यायेगु व मियेगु लागि सुथय् ५ बजे निसे ८ बजे तक व सनिलय् ५ बजे निसे ७ बजे तकया ई तःगु दु । लकडाउनया इलय् म्हति न ३ फिट तापाक च्वने माः।
स्थानिय जनतायात अपुकेत नगरपालिकां पसलय् न्याये मिइत म्हति स्वगु फिट तापाक्क च्वने माःगु ब्यवस्था याउगु दु ।
तर न उकिया बेवास्ता यासे ख्वपय् तरकारी फलफुल न्याइ मिइपिन्स थुकियात पालना याना च्वंगु मदु । प्रहरी व नगरपालिकाया कर्मचारीपिनिगु खँ न्यना च्वंगु मदु ।
अथहे सुर्यबिनायक चोकय्े तरकारी पसःवालपिं स्वया साइकलय् तया फलफुल मिइपि खना स्थानियत ग्याये माःगु खनेदु ।
जिल्ला प्रशासन, प्रहरी, नगरपालिकां लकडाउन पालना यायेत माइकिङ याना वया च्वसा मनूतयेसे बेवास्ता याना वयाच्वंगु दु ।
ख्वपया नगर दुने बंश्गोपाल, नासमना, गःहिटी, तःमारी, सुकुलढोका, गोमारी, तचपाल च्याम्हासींह, कमल बिनायक, सुर्यबिनायक, सल्लाघारी लगायतया थासय् न तरकारी बजार न्याइ मिइपि हुलयाना च्वंगु खने दु ।
लकडाउनय् आः दुनेया वस्तीइ नं कडाइ
समाचार श्रोत : विगेन तुलाधर | चौलाथ्व पञ्चमी ११४०
लकडाउनयात पूर्ण रुपं पालना याकेत आः स्वनिगःया दुनेया वस्तीइ नं कडाइ याइगु जूगु दु । थ्व हे झ्वलय् थौं जनसेवा प्रहरी प्रभागं येँय् दुनेया वस्तीया थीथी थासय् लकडाउन उल्लंघन याःपिन्त नियन्त्रणय् काःगु दु ।
दुनेया वस्तीइ मनूत म्वाःमदयक मुनाच्वनीगु व जुयाच्वनीगु गुनासो अप्वयेधुंकाः जनसेवा प्रहरी प्रभागं येँया दुनेया वस्तीइ कडाइ यानाहःगु खः ।
आइतबाः सुथय् जक हे लकडाउन उल्लंघन यानाः म्वाःमदयक पिहांवःपिं करीब ६सःम्हेसित नियन्त्रणय् कयागु जनसेवा प्रहरी प्रभागया डिएसपि सुनिल जंग शाहं धयादिल ।
थीथी थासं नियन्त्रणय् काःपिं उमित सचेतना कक्षा कयाः त्वःताछ्वयागु डिएसपि शाहं धयादिल ।
थौं सुथसिया ७ः३०ताः ईतक्कया दुने नियन्त्रणय् काःपिं ५सः व १२ मिजं अले सच्छि व ५म्ह मिसातयत सामाजिक दुरी कायम यासें सडकय् हे ३घौ तयाः सचेतना कक्षा काःगु खः ।
लकडाउन उल्लंघन याइपिन्त ६ला कैद वा ६सः तका जरिवाना अथवा नितां सजायँ जुइफइगु व्यवस्था दु ।
आःया अवस्थाय् थुनाय् तयेयंकूसां संक्रमणया जोखिम दुगुलिं प्रहरीं लकडाउन उल्लंघन याःपिन्त नियन्त्रणय् काःगु हे थासय् सचेतना कक्षा कयाः लितछ्वयेगु याःगु दु ।
अथे हे, लकडाउन उल्लंघन याःगु सच्छि व ३ सवारी साधन नं होल्ड यानागु प्रहरीं न्ह्यथंगु दु ।
लकडाउन कडा, पिहा वलकि खुला तक कैद जुइगु
लहनान्युज | चौलाथ्व पञ्चमी ११४०,चैत्र १६ गते
भारत वा मेगु देय् पाखे वइपि क्वारेन्टाइनय् मच्वनिपिं व लकडाउनया इलय् लँय् जुइपिन्त सरकारं कडा कारबाही याइगु जुगु दु ।
थौं आइतवाः कोभिड–१९ रोग संक्रमण रोकथाम तथा नियन्त्रण उच्चस्तरीय समन्वय समिति बैठकं लकडाउनयात झन् कडा यायेगु निर्णय याउगु दु ।
क्वारेन्टाइनय् च्वने माने मजुइपिन्त संक्रामक रोग ऐन २०२० अनुसार कारबाही याये धका धाःगु दु । ‘
ऐनया आदेश अपहेलना याइपिन्त सच्छि निसे लच्छि तक कैद व अधिकृत मनू तयेत ज्याय् पंगः थनिपिन्त खुला तक कैद, खुसः तका जरिवाना याये फइ व्यवस्था दु ।
गुकथं कारबाही याये फइ धका प्रमुख जिल्ला अधिकारीया तजबिजय् जुइगु व्यवस्था ऐनय् दु ।
अन्तर्राष्ट्रिय उडानय् वैशाख ३ गते तक प्रतिबन्ध
लहनान्युज | चौलाथ्व पञ्चमी ११४०,चैत्र १६ गते
सरकारं नेपाल वइगु अन्तर्राष्ट्रिय उडानय् थ्व हे वइगु वैशाख ३ गते तक प्रतिबन्ध तःगु दु ।
कोरोना रोकथाम सम्बन्धी उच्चस्तरीय समितिया थौं आइतवाः च्वंगु बैठकं निर्णय याःगु दु ।
थ्व स्वया न्ह्यः प्रधानमन्त्री केपी शर्मा ओलीं देशबासीया नामय् सम्बोधन यासे चैत ९ निसे १८ गते तक नेपालय् वइगु अन्तर्रािष्ट्रय उडानय् बयेगु लागि बन्दया घोषणा याउगु खः ।
सरकारं घोषणा याउगु अन्तर्राष्ट्रिय उडानय् प्रतिबन्ध वःगु आइतवमः चान्ह्य लागु जुगु खः ।
धरानय् सुरु जुल कोरोना भाइरस संक्रमणया परीक्षण
लहनान्युज | चौलाथ्व पंचमी ११४०,चैत्र १७ गते
सुनसरी धरानस्थित वीपी कोइराला स्वास्थ्य विज्ञान प्रतिष्ठानय् कोरोना भाइरस (कोभिड–१९) संक्रमणया परीक्षण सुरु जुगु दु ।
थ्व स्वया न्ह्यः राष्ट्रिय जनस्वास्थ्य प्रयोगशाला, टेकुइ जक कोरोना भाइरसया परीक्षण यायेगु ब्यवस्था दु ।
तर, लकडाउनया कारण देशय् नमुना संकलन यायेत थाकुलि सरकारं धरान, पोखरा व नेपालगञ्जय् जक परीक्षण यायेगु निर्णय याःगु खः ।
प्रतिष्ठान शनिवाः जक ल्याब स्थापना याउगु खः । उकिया नेतृत्व प्रतिष्ठानया मोलिकुलर बायोलजी युनिट अन्तर्गत प्रा. डा. नारायण भट्टराई यानादि ।
अस्पतालय् भर्ना जुपिं स्वम्ह बिरामीया नमुना परीक्षण यायेगु ज्या न्ह्या धुकुगु दु ।
प्रतिष्ठानया मेडिसिन विभाग प्रमुख डा. सञ्जिवकुमार शर्मां प्रयोगशालाय् न्हि १२ म्हसिया स्वाब परीक्षण याइ ।
ल्याबया क्षमता अधिकतम ३० म्ह सित जक नमुना परीक्षण याये फइ ।
