Display Style:
Column Style
पत्रकार गिरफ्तारीया विरूद्धय् धर्ना
लहनान्युज | चौलागा चौथी ११३९ (अप्रिल २३ २०१९)
संविधान प्रदत्त विचाः, अभिव्यक्ति स्वतन्त्रता व प्रेस स्वतन्त्रताया हकयात कुण्ठित याःगु धाःसे थ्व हे वइगु बैसाख १२ गते माइतीघर मण्डलाय् धर्ना ज्याझ्वः याःगु दु ।
नेवाः पत्रकार राष्ट्रिय दबूया ग्वसालय् येँ जिल्लाया दुजः जितेन्द्र महर्जनयात गैरन्यायिक हिरासतय् तःगु विरूद्धय् थुगु धर्ना ज्याझ्वः याये त्यःगु खः ।
२०७६ वैशाख १२ गते बिहिवाः न्हिनय् १२ ः ०० निसें १ः०० ताः ई तक फिब्वख्यः (माइतीघर मण्डला)लय् जुइगु त्यःगु खः ।
नेवाः पत्रकार राष्ट्रिय दबूया दुजः व थुकिइ ऐक्यबद्धता प्वंकीपिं सकलेंसित इनाप न याःगु दु
नारायणदेवी–तीर्थ सिरपाः समिति न्हूधाः
लहनान्युज | चौलागा तृतिया ११३९ (अप्रिल २२ २०१९)
थौं ने.सं. ११३९ चौलागा तृतिया सोमबाः कुन्हु नारायणदेवी–तीर्थ सिरपाः समितिया नायः नापं नेवाः देय् दबूया संरक्षक वाङमय शतावदी पुरुष सत्यमोहन जोशीया नायःसुइ मुँज्या जुल ।
स्व.नारायण देवी मानन्धर व स्व. तीर्थ नारायण मानन्धरया लुमन्तिइ वय्कःपिनि काय्म्हयाय्पिन्सं नीस्वनादिइगु नारायणदेवी–तीर्थ सिरपाः नापनापं नांजाःम्ह साहित्यकार स्व. ठाकुरलाल मानन्धरया लुमन्तिइ नीस्वनातःगु ठाकुरलाल सिरपाः इनेगु विषययात कयाः सहलह जूगु खः । थ्व सिबे न्ह्यः नेवाः देय् दबूया बुन्हि कुन्हु नेपालभाषा, साहित्य, संस्कृति, उद्योग, व्यवसाय् आदि विधाय् स्वंगु सिरपाः म्हति छगू छगू लाख तक सहित हनापौ लःल्हाना वयाच्वंगु खः ।
वंगु छुंदँ न्ह्यःनिसें दिनाच्वंगु थ्व सिरपाः हाकन न्ह्याकेगु नितिं थुगु मुँज्या जूगु खः ।उगु मुँज्यां मौजुदा समितियात न्हूधाः यायेगु झ्वलय् नेवाः देय् दबूया संरक्षक वाङमय शतावदी पुरुष सत्यमोहन जोशीयात संरक्षक कथं ल्यःगु खःसा नेवाः देय् दबूया संरक्षक मल्ल के.सुन्दर व मय्जु प्रेमशान्ति तुलाधरयात सल्लाहकार ल्यःगु खः ।
अथेहे सिरपाः समितिया निर्देशन समितिया नायः कथं नेवाः देय् दबूया सल्लाहकार भाजु डा.पुष्पराज राजकर्णिकार, सदस्य सचिव नेवाः देय् दबूया नायः नरेश कुमार ताम्रकार नापनापं दुजःलय् सिरपाःया दाता मय्जु डा. लोचन मानन्धर, दाता मय्जु डा. सुमित्रा मानन्धर, मय्जु रमना श्रेष्ठ धरान, भाजु बिमल बहादुर शाक्य बुटवल, भाजु त्रिरत्न शाक्य ख्वपयात ल्यःगु दु ।
थुकथं हे सिरपाः इनेगु नितिं माःगु ब्यवस्थापन यायेत छगू व्यवस्थापन समिति निस्वंगु खः । उगु समितिया कजि कथं भाजु शाक्य सुरेन, छ्याञ्जे दाता मय्जु डा. अनिता मानन्धर, दुजःलय् नेवाः देय् दबूया छ्याञ्जे भाजु सत्यनारायण डंगोल, मय्जु विमल प्रभा बज्राचार्य व मय्जु सुप्रिया मानन्धर च्वनादिइगु दु ।
उगु मुँज्या नेवाः देय् दबूया बुन्हि कुन्हु नेवाः समाज ख्यलय् विशिष्ट योगदान याःगु÷यानादिइम्ह संस्था व व्यक्ति मध्ये छम्ह, मिसा व्यवसायी व सस्था मध्ये छम्ह व नेपालभाषा, साहित्य, संस्कृति ख्यलय् विशिष्ट योगदान याःगु÷यानादिइम्ह संस्था व व्यक्ति मध्ये छम्ह याना स्वंगु विधाय् म्हतिं छगूछगू लाख तका व हना पौं सहित सिरपाः इनेगु व उकिया नितिं थ्व हे बैशाख १५ गते निसें सार्वजनिक आह्वान याना नां मुंकेगु ज्या न्ह्याकेगु खँ क्वछ्यूगु दु ।
बुद्धमूर्तिलिसें सफू उलेज्या
लहनान्युज | चौलागा तृतिया ११३९ (अप्रिल २२ २०१९)
बौद्ध समाजसेवी मोतिलाल सिल्पकारया बुुदिंया लसताय् वय्कःया च्वनादीगु लोकेश्वर त्वालय् बुद्धमूर्तिलिसें सफू उलेज्या जुल ।
श्रद्धेय भिक्षु व गुरुमांपिन्सं मंकाः कथं परित्राण पाठ याना बिज्याःगु खः ।
उगु ज्याझ्वलय् नेपाल बौद्ध परियत्ति शिक्षा अन्तर्गत प्रवेश तृतीय वर्षया अप्राप्त जुइ धुंकूगु निगू सफू भाग २ व भाग ४ श्रद्धेय भिक्षु धम्मशोभन महास्थविर व बुद्धमूर्तिया उलेज्या श्रद्धेय भिक्षु बोधिज्ञान महास्थविरं यानाबिज्याःगु खः ।
ज्याझ्वलय् उपस्थित जुयादीपिं सकल भन्ते गुरुमांपिन्त दानप्रदान याःगु खः ।
चिबाखं ब्वनेज्या
लहनान्युज | चौलागा तृतिया ११३९ (अप्रिल २२ २०१९)
‘छगू फरक अभिव्यक्ति’या ग्वसालय् चिबाखं ब्वनेज्या जुल ।
उगु ज्याझ्वलय् महेन्द्र गोपाल कर्माचार्य, समान्त श्रेष्ठ, दिल बहादुर तुयूपुं स्वम्हेस्यां थःथःगु न्यापु न्यापु चिबाखं ब्वनाः न्यंकादीगु खः ।
नरेश अमात्यं न्ह्याकादीगु उगु ज्याझ्वलय् साहित्यकार डा. पुष्पराज राजकर्णिकारं नेपालय् ब्वलना वःगु मानवीय स्वभावयात कयाः च्वया तःगु च्वसु अथे हे समाजय् ब्वलनाच्वंगु विकृतिया विषयस च्वयातःगु चिबाखं तसकं च्वछाय्बहःगु धयादिल ।
क्षमता विकास तालिम क्वचाल
लहनान्युज | चौलागा पारु ११३९ (अप्रिल २० २०१९)
नेवाः ग्वहालि पुचः न्ह्योखा त्वाःया ग्वसालय् क्षमता विकास यायेगु तातुना येँ छगु वाः उद्घोषण व न्वचु कला तालिम जुगु दु ।
वःगु चैत्र २३ निसे २७ गते तक येँया न्ह्योखा त्वालय् जुगु खः ।
उगु तालिम समापन ज्याझ्वलय् थःगु नुँगः खँ तयेगु झ्वलय् नेवाः न्ह्यलुवा डा. महेशमान श्रेष्ठं मनू तयेगु क्षमता न्ह्य ब्बयेत स्पष्ट व सिलसिला मिले याना न्व वायेगु तसक आवश्यक जुगु धयादीसे नेपाली समाजय् मिसापिन्सं न्ववायेगु कमजोरं अवसर पाखें यक्को बञ्चित जुयाच्वंगु बिचाः तयादील ।
पुचःया अध्यक्ष विमला मानन्धरया संयोजनत्वय् जुगु उगु तालिम ज्याझ्वःयात सञ्चारकःमि केके मानन्धर प्रशिक्षण बियादीगु खः ।
उगु तालिमय् चिकित्सक, समाजसेवी, व्यवसायी, स्कूल व कलेजया विद्यार्थी ब्बति कयादीगु खः ।
