Display Style:
Column Style
येँय् निम्ह प्रहरीयात कोरोना संक्रमण
लहनान्युज | बछलागा त्रयोदशी ११४०,जेष्ठ ७ बुधवाः
येँय् निम्ह नेपाल प्रहरीयात कोरोना भाइरसया संक्रमण खनेदुगु दु ।
थौं कोरोना भाइरसया संक्रमण खनेदुपि येँया महानगरीय प्रहरी वृत्त, कालिमाटीइ ज्या याइपि प्रहरी पुष्टि जुगु दु ।
संक्रमण खनेवं निम्ह प्रहरीयात मंगलवाः बहनी हे बलम्बु स्थित सशस्त्र प्रहरी अस्पतालय् यंकूगु दु ।
लकडाउनया इलय् ड्युटी दुपिं प्रहरी नायव निरीक्षक (सई) व प्रहरी जवनायात संक्रमन जूगु खः ।
कालिमाटी प्रहरी वृत्तया ९०म्ह प्रहरीतय्तगु परीक्षण जुइधुंकूगु व आः थप प्रहरीया परीक्षण यायेगु तयारी जुयाच्वंगु दु ।
स्वनिगलय् न्याम्ह नाप २७म्हेसित कोरोना संक्रमण
लहनान्युज | बछलागा द्धादशी ११४०,जेष्ठ ६ मंगलवाः
थौं हाकन मेपि २७ म्हेसित कोरोना भाइरस (कोभिड(१९) या संक्रमण पुष्टि जुगु दु । थपे जुपि मध्ये स्वनिगःया न्याम्ह थपे जुगु दु ।
स्वास्थ्य तथा जनसंख्या मन्त्रालयया कथं येँ स्वम्ह, ख्वप व यलय् छम्ह छम्हेसित संक्रमण पुष्टि जुगु दु ।
थौं थपे जुपि झापाया ९ म्ह, मोरङ व सुनसरीइ छम्ह छम्ह, सर्लाहीइ निम्ह, मनवानपुर व रामेछाप, सिन्धुली व लमजुङय् छम्ह छम्हेसित कपिलवुस्तइ म्यम्हेसित नाप छम्हेसित संक्रमण पुष्टि जुगु दु ।
थ्व नाप आतक संक्रमित जुपि ४०२ म्ह थ्यःगु दु । मन्त्रालयं बिःगु जानकारी कथं संक्रमण जुगु ३६ जिल्लाय् थ्यने धुकुगु दु ।
आतक प्रदेश १ य् ५४म्ह, २ य् १३६म्ह, बाग्मतीइ २७ म्ह व गण्डकी प्रदेशय् ४म्ह प्रदेश ५ य् १७६म्ह, कर्णालीइ १ म्ह व सुदूरपश्चिम प्रदेशय् न्याम्ह मा ५ संक्रमण जुइ धुकुगु दु ।
नीति तथा कार्यक्रम पारित
लहनान्युज | बछलागा द्धादशी ११४०,जेष्ठ ६ मंगलवाः
सरकारं आर्थिक वर्ष २०७७ व ७८ या नीति तथा कार्यक्रम प्रतिनिधि सभां पारित याःगु दु ।
वःगु जेठ २ गते राष्ट्रपति विद्यादेवी भण्डारीें संसदया मंकाःगु बैठकय् प्रस्तुत याःगु नीति तथा कार्यक्रम निन्हु छलफल लिपा थौं पारित याःगु दु ।
नीति तथा कार्यक्रमय् थीथी दलया सांसदपिन्स संशोधन प्रस्ताव दर्ता याःगु खः ।
नीति तथा कार्यक्रमय् वःगु न्ह्यसःया लिसः बियादिसे थौं मंगलवाः संसदय् प्रधानमन्त्री केपी शर्मा ओलीं लिसः
बियादिसे बहुमतं नीति तथा कार्यक्रम पारित जुगु खः । नीति तथा कार्यक्रमप्रति चित्त बुझे मजुगु धाःसा दर्ता याःगुसंशोधन प्रस्ताव लित मकाः ।
ध्वनि मतया आधारय् दक्को संशोधन प्रस्ताव अस्वीकृत जुगु खः । आः सरकारं थ्व हे वइगु जेठ १५ गते वइगु आर्थिक वर्षया बजेट प्रस्तुत याइ ।
प्रतिनिधि सभां नीति तथा कार्यक्रम पारित जुसा राष्ट्रिय सभा धाःसा पारित जुइ मानी ।
स्वनिगलय् फोहर वाछ्वयेगुलि पंग चिलावन
लहनान्युज | बछलागा द्धादशी ११४०,जेष्ठ ६ मंगलवाः
सिसडोलय् च्वपिनिगु कोरोना परीक्षण जुइवं आः स्वनिगःया फोहरया समस्या ज्यनिगु जुइगु जुगु दु।
सिसडोल च्वपिनिगु कारोना परीक्षणया माग याना एम्बुलेन्स बाहेकया गाडी पना तःगुलि स्वनिगया फोहर ज्वनावंगु गाडी अन थ्यकेमफुगु खः ।
येँ महानगरपालिका नाप सहलह जुइवं ककनी गाउँपालिकाया जनप्रतिनिधि पिन्स फोहोरया गाडी छ्वयेके बिइत तयार जुगु खः ।
येँ महानगपालिका व स्वास्थ्य सेवा विभागया टोलीं सिसडोल वना कोरोना परिक्षणया लागि नमूना सँकलन याइगु येँय् महानगरं जानकारी बिःगु दु ।
आःया लागि फोहर वाछ्वयेगु समस्या समाधान जुसा ज्यसाः । सिसडोलय् फोहोर वाछ्वयेत थाय् याः अभाव जुइ धुकुगु दु ।
महानगर निदँया लागि धकाः सिसडोलय् फोहोर वायेगु धाःसा अन फोहर वाःछ्वया वयाच्वंगु थौं १३ दँ दये धुकुगु दु । थन स्वनिगलय् च्वगु १८ गू पालिकां फोहर सिसडोलय् ब्यवस्थापन याना वयाच्वंगु दु ।
झापाय् ९ म्ह व सुनसरीइ निम्ह कोरोना संक्रमित खनेदत
लहनान्युज | बछलागा द्धादशी ११४०,जेष्ठ ६ मंगलवाः
प्रदेश १ य् थौं मंगलवाः ११ म्हेसित कोरोना भाइरस (कोभिड १९) संक्रमित खने दुगु दु ।
थौं खनेदुगु झापाय् ९ म्ह व सुनसरीइ निम्हसित कोरोना संक्रमण पुष्टि जुगु दु । इमिगु कोशी अस्पताल विराटनगरया प्रयोगशालाय् पीसीआर परीक्षण याःगु दु । संक्रमन जुपि झापाया
केचनकवल गाउँपालिकायापि खः ।
अन छम्हेसित म्हिगः सोमवाः कोरोना पुष्टि जुगु खः । संक्रमण जुम्ह मनूया त्वालय् च्वपि ३३ म्हेसित कोशी अस्पतालमा परीक्षण याःगु इलय् मेपि गुम्हसित पोजेटिभ खने दुगु खः ।
अथेहे विपी कोइराला स्वास्थ्य विज्ञान प्रतिष्ठान धरानय् याःगु परीक्षणय् सुनसरीया निम्हेसित न कोरोना पोजेटिभ खनेदुगु दु ।
कोरोना पोजेटिभ खनेदुपि इटहरीया १८ दँया छम्ह मनू व मेम्ह छम्ह सशस्त्र प्रहरी कर्मचारी खः ।
थ्व नाप सुनसरीइ कोरोना संक्रमित जुपि स्वम्ह थ्यःगु दु । अथेहे झापाय् कोरोना संक्रमितपि १२ म्ह थ्यःगु दु । प्रदेश १ य् जक संक्रमित जुपिनिगु ल्याः ५४ म्ह थ्यःगु दु ।
