Display Style:
Column Style
बाँकेय् ४७म्हेसित थप कोरोना
लहनान्युज | बछलागा एकादशी ११४०,जेष्ठ ५ सोमवाः
नेपालय् कोरोना भाइरसपाखें सक्रमण जुपि ३५७म्ह थ्यंगु दु । बाँके नाप थीथी जिल्लाय् थौं थप ५३ म्हेसित संक्रमण जूगु दु ।
थ्व नापं नेपालय् आतक कोरोना संक्रतित जुपि ३५७म्ह थ्यंगु दु ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटां थौं सोमवाः ५३म्हेसित कोरोनाया संक्रमण जूगु पुष्टि यागु दु ।
कोरोनापाखें बाँकेय् ४६म्ह मिजं व छम्ह मिसा यानाः ४७म्हेसित संक्रमण जूगु दु । इमित परीक्षण भेरी अस्पतालया प्रयोगशालाय् याःगु खः ।
अथेहे मोरङया प्रादेशिक प्रयोगशालाय् छम्ह, भैरहवाया प्रयोगशालाय् गुल्मीया ४०दँया छम्ह मिजं व धुलिखेल अस्पतालया प्रयोगशालाय् धनुषा, रौतहट, दाङ व धादिङया छम्ह(छम्हेसित कोरोनाया संक्रमण खनेदुगु खः ।
थौं सुथय् न बाराय् ८म्हसित व रौतहटय् छम्हेसित संत्रमण जूगु खः ।
थौं न निसे लँ पनीपिं कारवाही याइगु
लहनान्युज | बछलागा एकादशी ११४०,जेष्ठ ५ सोमवाः
कोरोना भाइरसया कारण थीथी थासय् पनेगु नामय् त्वाःत्वालय् पं, खिपः व कथि तयाः लँ बन्द याइपिंत प्रहरीं थौं न निसे कारवाही याइगु जूगु दु ।
छु दिं न्ह्यःनिसे येँया थँहिति, कालिमाटी, ताहाचः, यल व ख्वपया थीथी थासय् खिपः, पं तया लँ बन्द यायेगु ज्या जुया च्वंगु खः ।
अज्यागु ज्या याना लँय् जुइपिंत समस्या वगुलि ना छुं कथंया आपतकालीन स्थिति वये फइगुलि अथे लँ पनेगु ज्या मयायेत गृह प्रशासनं इनाप याःगु दु ।
लकडाउनया इलय् न सनिलया ५ बजे जुल कि पिहां वइपि यक्को दु । अथे जुगुलि उगु इलय् प्रहरीयात गल्लि गल्लिइ चाःहिके छ्वयेगु ज्या समेत यानाहःगु दु ।
जेठ २० गतेतक लकडाउन यायेगु मन्त्रिपरिषदया निर्णय
लहनान्युज | बछलागा एकादशी ११४०,जेष्ठ ५ सोमवाः
सरकारं जेठ २० गते तकया लकडाउन थपे यायेगु निर्णय याःगु दु । प्रधानमन्त्री निवास बालुवाटारय् च्वंगु मन्त्रिपरिषदयाा बैठक लकडाउन थपे यायेगु निर्णय जुगु धका सरकारया प्रवक्ता एवं सञ्चार नाप अर्थमन्त्री डा. युवराज खतिवडां जानकारी बिःगु खः ।
नेपालय् कोरोना संक्रमण खने दया वयाच्वंगुलि सरकारं वःगु चैत ११ गते निसे देय् यकं लकडाउन लागू याःगु खः । लिपागु पटक थपे याःगु लकडाउन थौं जेठ ५ क्वचाइगु खः ।
थ्व स्वयां न्ह्यः कोरोना नियन्त्रण व रोकथाम सम्बन्धी उच्चस्तरीय समन्वय समितिं नं लकडाउनया ई निवाः थपे यायेमाःगु सुझवा बिउगु खः ।
उगु मुँज्यां नेपालय् कोरोना भाइरसया कारणं संक्रमित जुइपिनि ल्याः अप्वयाच्वंगु व निम्ह संक्रमित सी धुंकूगुलिं लकडाउन थप यायेगुया विकल्प मदुगु निष्कर्ष पिकाःगु खः ।
नेपालय् आतकया दुने २९५म्ह मनूतय्त कोरोनाया संक्रमण जुइधुंकूगु दु ।
सीमाय् च्वपि नेपाली नागरिकपिनिगु क्वारेन्टाइनया स्तर व क्षमताबारे तक छलफल जुगु धयादिसे मन्त्री खतीवडां मेगु बैठकं लकडाउनया मोडालिटीबारे निर्णय यायेगु धका धयादिगु खः ।
शान्त पुखुलिइ चागःचा कयेके थें जुल येँय्
बिराजकाजी राजोपाध्याय | बछलागा दशमी ११४०
येँ महानगरपालिकाया मेयर विद्यासुन्दर शाक्यं कोभिड १९ संक्रमणया खँय् थौंया दिनय् येँया अवस्था शान्त पुखुलिइ अप्पां कयेके थें जूगु धयादीगु दु ।
लहना मिडियापाखें नेवाः टिभिइ प्रसारण न्ह्याःगु लहना गतिविधि ज्याझ्वलय् खँ ल्हासें मेयर शाक्यं म्हिगःया दिनतक्क कोभिड १९ या संक्रमणपाखें येँ सुरक्षित दु धायेफयाच्वंगुलिइ आः उगु अवस्था मदुगु धयादिल ।
‘लकडाउनया पूर्ण पालना जूगु खःसा थन येँया वासिन्दां सुरक्षित महसूस यायेफइगु खः, तर थन जिम्मेवार मनूतयसं हे लकडाउनया उल्लंघन यानाः मनूतयत येँय् दुकयाब्यूबलय् येँ जक मखु, यक्व हे थाय् असुरक्षित जुयाबिल’ मेयर शाक्यया धापू खः ।
न्हापा संघीय सरकारया मन्त्रीतयसं हे मनूतयत छेँय् छ्वयाबीगु धासें संघीय सरकारं हे जारी याःगु लकडाउन उल्लंघन याःगुया लिच्वः थौं येँ लिसें स्वनिगलं फयेमाःगु शाक्यं धयादिल ।
‘म्हिगःया दिनय् जिं लगायत सकसिनं नयेमखनी धकाः ग्यायेम्वाः, जिमिसं नके, पिहांवनेम्वाः धयागु हे खः, तर छम्ह निम्ह मन्त्रीतयसं छेँय् छ्वयाबीगु धासें मनूतयत थनं पिछ्वल’ शाक्यं धयादिल । ‘आः पिहांवंपिं हानं धमाधम थन लिहांवल, समस्या ला पिछ्वःबलय् हे न्ह्याःगु खत नि ।’
थन लिपा आर्थिक समस्या फयेम्वाःलेमा धकाः उद्योग न्ह्याकेब्यूगुलिइ नं उद्योगीतयसं मापदण्ड अनुसार ज्या यानामबियाः समस्या जूगु नं शाक्यया दावी खः ।
छुं दिं न्ह्यः तिनि हे उपत्यका नगरपालिका फोरमया जनप्रतिनिधिपिन्सं गृहमन्त्री रामबहादुर थापायात नापलानाः स्वनिगः दुहांवयेगु सीमानाकाय् कडाई यायेत इनाप याःगु खः ।
थनया अर्थतन्त्र चलायमान जुयाच्वनेमा धकाः थन उपलब्ध जनशक्तियात हे छ्यलाः उमित नयेगु, द्यनेगु व्यवस्थालिसें उद्योग संचालन या धाःगुलिइ उद्योगीतयसं पिनं मनू सःतूबलय् नं समस्या जूगु मेयर शाक्यं विश्लेषण यानादिल ।
नियमयात लिनाः व्यक्तिगत स्वार्थ जक मस्वसें समुदायया हित, राष्ट्रिय स्वार्थपाखे बिचाः याःगु जूसा थज्याःगु समस्या मवइगु शाक्यया दावी खः ।
लिसें मेयर शाक्यं लँय् पंया बार तयाः पंगः मथनेत नं सकसितं इनाप यानादिल ।
‘लँय् अत्यावश्यक सेवाय् जुइपिन्त पंगः थनेमज्यू, सर्वसाधारणपाखें लकडाउनया पूर्ण पालना हे आःया छगू जक लँ खः’ मेयर शाक्यया धापू खः । ‘अथे पं तयाः कोरोना पनेफइगु नं मखु, समस्या ज्यनीगु नं मखु ।’
उकथं पं तयाः लँ मपनेत व तयातःगु पंगः चीकाबीत मेयर शाक्यं इनाप यानादिल ।
कोरोना संक्रमणं सीम्ह बाँकेय् निवाः न्ह्य भारतं वःगु खः
लहनान्युज | बछलाथ्व दशमी ११४०,जेष्ठ ४ आइतवाः
कोरोना भाइरस (कोभिड–१९)या संक्रमणं सीम्ह बाँके नरैनापुरया २५ दँयाम्ह मनू बुधवाः जक नेपाल वःगु सिइ दुगु दु ।
नरैनापुरया दीपेन्द्र मावि भोजभगवानपुरया क्वारेन्टाइनय् च्वना च्वम्ह नरैनापुर–५ या न्हुगु बस्तीइ उम्ह मनू सीगु खः । वयागु कोरोना परीक्षण रिपोर्ट पोजेटिभ वःगुु धका स्वास्थ्य तथा जनसंख्या मन्त्रालयं धाःगु खः ।
उम्ह मनू मुम्बई न निगु वाः लगे याना नरैनापुर वम्ह खः । निवाः तक न्यासि वःगु कारण वयाउनको गु तुति मना वःगु खः । वयात शनिवाः तसक ज्वरो वःगु खः ।
सासः ल्हायेत समस्या वःगुलि एम्बुलेन्स मालेगु झ्वलय् वयागु क्वारेन्टाइनय् मदुगु खः ।
क्वारेन्टाइनय् वयात छन्हु न्ह्यः हे वाकवाकी वइगु समस्या वःगु खः । शनिवाःचान्ह्य निसे हे लगातार वान्ता ज्ुया च्वंगु खः ।
वयात अस्पतालय् यंकिगु लागि पीपीई मदुगु कारण एम्बुलेन्स मवःगु खः ।
