Display Style:
Column Style
ल्याय्म्हतय्त ‘सामाजिक उद्यामशीलता’या अनलाइन कोर्ष
लहनान्युज | पोहेलागा औंसी ११३८ (फ्रेअवरी ४ २०१९)
सामाजिक उद्यामशीलताया विषयसल्यायम्हतय्त थुकइकेगु आज्जु ज्वनाः युथ इन्टरप्रिनर्सशीप क्लबपाखें छगू अनलाइन कोर्ष न्ह्याकूगु दु ।
ख्वपया सरस पाठशालाय् छगू ज्याझ्वःया दथुइ थुगु कोर्ष काःपिन्त दसिपौ लःल्हाय्गु व मकाःपिन्त थुगु कोर्षया विषयस जानकारी बीगु ज्याझ्वः ग्वसाःग्वःगु खः । सामाजिक उद्यामशीलताया विषयस थुइकूसें ल्यायम्हतय्त स्वरोजगार जुइकेगु व थः व थःगु समाजया नितिं योगदान बीफय्केगु हे थुगु कोर्षया मू आज्जु खः ।
नेपाःया थीथी थाय्या मुक्कं स्वीन्याम्हेसिन थुगु कोर्ष क्वचाय्कूगु खः । कोर्ष काय्धुंकूपिन्त ‘द अर्गनाइजेसन फर इन्डिजेन्ट टट्स् (त्वा)’या संस्थापक नायः इन्द्रप्रसाद खाइतुं दसिपौ लःल्हानादीगु खः ।
ज्याझ्वलय् सिम्ला ज्ञावा लामां थुगु कोर्षया विषयस प्रस्तुतिकरण यानादीगु खःसा तालिमय् ब्वति कयादीपिन्सं तालिमयात कयाः थःथःगु अनुभव कनादीगु खः ।
ज्याझ्वलय् सरस पाठशाला, प्रोक्सिमा इन्टरनेशनल एकेदमि, सरस हस्तकला, लियो क्लब अफ सूर्यविनायक नापं थीथी संस्थाया प्रतिनिधिपिन्सं नं न्ववानादीगु खः ।
शुभकाजीया नेतृतवय् शाक्य महाविहार सङ्घ
लहनान्युज | पोहेलागा औंसी ११३८ (फ्रेअवरी ४ २०१९)
शाक्य महाविहार संघया न्हापांगु तःमुँज्यां शुभकाजी शाक्यया नेतृत्वय् १५म्ह दुजः दुगु न्हूगु ज्यासना पुचः नीस्वन ।
कार्यसमितिया न्वकूकथं अमीरमान शाक्य व गौतम शाक्य, मूछ्याञ्जे संघरत्न शाक्य, छ्याञ्जे राजेश शाक्य, दांभरि चैतन्यराज शाक्य व ल्यूदांभरि दीलिपरत्न शाक्य निर्विरोधकथं ल्यःगु खः ।
अथे हे दुजलय् विजयरत्न असंबरे, रोशनबहादुर शाक्य, सुरेश शाक्य, आनन्दरत्न शाक्य, धर्मरत्न शाक्य, अमिरकुमारी शाक्य, दुर्गादेवी शाक्य व ज्योति शाक्य च्वनादीगु दु ।
ज्याझ्वलय् सङ्घया शाक्यवंशया पहिचानया नितिं उत्कृष्ट योगदान याःगुलिं कीर्तिपुण्य महाविहार, लगं बहाःया हर्षमुनि शाक्ययात ‘शाक्य रत्न’ उपाधि व मैत्रीपूर महाविहार, क्वाःबहाःया चक्रेश्वर धूपरत्न शाक्ययात ‘ध्रुबतारा सम्मान’ लःल्हा?गु खः ।
थ्व हे झ्वलय् ३ नं प्रदेशसभाया सांसद राजेश शाक्यं स्वनिगःया महाविहारया मौलिक स्वरुपय्हय्त व सरकारपाखें नियमित आर्थिक ग्वाहालिया नितिं छगू महाविहार व्यवस्थापन समिति नीस्वनेमाःगु बिचाः प्वंकादीगु खःसा ३ नं. प्रदेशया हे सांसद शोभा शाक्यं शाक्य व बज्राचार्यतय्गु थाय्वाय् बाहाः व बही त्वःताः मेथाय् च्वंवनाच्वंगु खँय् च्यूता प्वंकादिल ।
पेट्रोलिया भाः थिके जुल
पोहेलागा त्रयोदशी ११३९ (फ्रेअवरी २ २०१९)
सरकारं पेट्रोलियम पदार्थय् भाः थकाःगु दु
थौं चान्ह्यनिसे लागु जुइगु कथं पेट्रोल, डिजेल व मचिकलय् छगु लिटर नितका ध्यवा थकाःगु दु ।
आः थकाःगु भाः कथं छगु लिटर पेट्रोलया सच्छी व झीतक नाप डिजेल व मचिकंय् छगु लिटरया ९७ तक थ्यंगुु दु ।
भारतीय आयल कर्पोरेशनं न्हुगु भाः कथं नेपाल आयल निगमं थकाय् माःगु धकाः धाःगु खः ।
‘हस्तकलायात प्रर्वद्धन यायेत मेला ’
लहनान्युज | पोहेलागा त्रयोदशी ११३८ (फ्रेअवरी २ २०१९)
यल महानगरपालिका – १६ वडां थ्व हे वइगु १३ निसेें चैत्र १७ तक हस्तकला व सांस्कृतिक मेला जुइगु धका यल मनपा १६ वडाया वडाअधक्ष्य निर्मलरत्न शाक्यं थौं छगु पत्रकार सम्मेलनयासे हस्तकला मेलाया जानकारी बियादीगु खः ।
थौंया पत्रकार सम्मेलन नाप विश्व कला परिषद्ं यलयात विश्वया ३५ औं हस्तकला नगरी घोषणा जुगुया लसताय् थुगु मेलायाबारे सुझाव संकलन यायेगु नाप सरोकारवाला तयेत छगु भेला न सतगु धका वडाअधक्ष्य शाक्यं धयादीगु खः । नाप मेलाया अवधारणाबारे वडाअध्यक्ष शाक्य,ज्याझ्वया बारे रेणुका बज्रचार्यं थःथःगु धारणा तयादीगु खः ।
उगु ज्याझ्वलय् नेपाल हस्तकला महासंघया निर्वतमान अध्यक्ष धर्मराज शाक्य, ललितपुर हस्तकला संघया अध्यक्ष विसरामसिंह महर्जन, नेपाल हस्तकला महासंघया सदस्य प्रदीप शाक्य संघया सदस्य सुभानन्द धाख्वा,ललितपुर उद्योग वाणिज्य संघया अध्यक्ष कृष्णलाल महर्जन ,राष्ट्रिय उपभोक्ता मञ्चया अध्यक्ष प्रेमलाल महर्जन, ललितपुर हस्तकला संघया पूर्वअध्यक्ष रुपरत्न शाक्य, समाजसेवी नाप उद्योगी मोतिलाल शिल्पकार, वडा सदस्यपिं सुप्रभा शाक्य, विजय महर्जनपिन्सं नेपाल भाषा, संस्कृति, हस्तकला व पर्यटन प्रर्वद्धन यायेत ग्वाहालि जुइगु बिचाः तयादिगु खः ।
विश्वसम्पदा सूचीकृत कृष्ण देगः निसें हिरण्यवर्ण महाविहार (गोल्डेन टेम्पल), यशोधर महाविहार, रत्नाकर महाविहार लगायत लिच्छिवकालीन बौद्ध विहार, थी थी मूर्त, अमूर्त सम्पदा न थ्व हे वडा दु । नाप कार्तिक नाच, अष्टमातृका नाच थेजाःथु मल्लकालीन नाच न थ्व हे वडा जुया वयाच्वंगु खः ।‘थ्व हे स्वया यल १६ वडां सांस्कृतिक, हस्तकलाया विकास यायेगु आज्जु तयागु खः धका वडाअध्यक्ष शाक्यं थौं पत्रकार सम्मेलनय् जानकारी बियादीगु खः ।
विपश्यना ध्यान शान्तिया लागि उपयोगी
लहनान्युज | पोहेलागा त्रयोदशी ११३८ (फ्रेअवरी २ २०१९)
ध्यान गुरु भिक्षु प्रज्ञाश्रीं हलिमय् शान्ति, मैत्रीयुक्त वातावरणया लागि विपश्यना ध्यान महत्वपूण जुगु धका धया बिज्यागु दु ।
थौं युवक बौद्ध मण्डल यल धर्मोदय सभा व धर्मकिर्ति विहारं यलया जावलाख्यलय् विपश्यना ध्यान सम्बन्धी बृहत प्रवचन ज्याझ्वलय् थःथे ध्यान गुरु भिक्षु प्रज्ञाश्री धया बिज्यागु खः ।
ध्यान गुरु प्रज्ञाश्रीं जीवनय् मानसिक दुःख व दुःखया कारणयात थुइका दुःख निवारणयो लागि विपश्यना ध्यान अभ्यास यायेमाःगु खँय् बःबियादीगु खः । ‘ थ्व छु हे साम्प्रदायिक कमकाण्डी मखुसें थःयात थःम्हेसिया थुइकिगु विधि खः । थुकेहे मनया विकारयात निष्प्रभावि यासे शान्ति व सुखया अनुभूत याये फइगु धका न धया बिज्यागु खः ।
थुगु ज्याझ्वलय् युवक बौद्ध मण्डलया अध्यक्ष अरणीतारा बज्राचार्यं बुद्धया उपदेश छु हे धर्म विशेष स्वया वर्तमान जीवनय् सुखपूर्वक विते यायेत उपयोगि जुइगु बिचाः तयादीगु खः ।
