Display Style:
Column Style
यल महानगरपालिकापाखें आव २०७६/७७या नितिं बजेट पारित
लहना न्यूज | ने.सं. ११३९ दिल्लागा पारु (१७ जुलाइ, २०१९), बुधवाः
यल महानगरपालिकाया आर्थिक वर्ष २०७६/७७ या नितिं ५गू अर्ब ३१गू करोड ४३गू लख ५७द्वः तकाया बजेट पारित याःगु दु ।
महानगरया म्हिगः मंगलवाः च्वंगु प्यक्वःगु नगरसभापाखें पूर्वाधार, मूर्त व अमूर्त सम्पदा संरक्षण, हरियाली संरक्षणलिसेयात प्राथमिकताय् तयाः उगु बजेट पास याःगु खः ।
पूर्वाधार निर्माण व हरियाली प्रबद्र्धन प्राथमिकताय् तःगु महानगरपालिकाया प्रमुख चिरीबाबु महर्जनं धयादीगु दु । महानगरया हरेका वडायात विकास सूचांकया लिधंसाय् स्वंगू कथं वर्गिकरण यानाः बजेट फ्याःगु खः । गुकी मध्ये न्हापांगु वर्गय् लाःगु वडा ल्याः १, ६, ७, ८, १०, ११ व १९य् १गू करोड ६५गू लखतका बजेट विनियोजन याःगु दु । निगूगु वर्गय् लाःगु वडा ल्याः २, ३, ४, ५, ९, १३, १४, १५ व १७ य् २गू करोडतका व स्वंगूगु वर्गय् लाःगु वडा ल्याः १२, १६, १८, २०, २१, २२, २३, २४, २५, २६, २७, २८ व २९यात २गू करोड ७५गू लखतका बजेट फ्याःगु दु ।
महानगरया फुक्क वडाया विकास समान गतिइ मजूगुलिं वर्गीकरण यानाः विकास खर्च बजेट फ्यानागु महानगर प्रमुख महर्जनं धयादीगु दु ।
क्षत्रपाटी अस्पतालय् थौंनिसे डा.मनोजमानं ज्या न्ह्याकल
नृपेन्द्रलाल श्रेष्ठ | दिल्लागा पारु ११३९ (जुलाई १७ २०१९)
क्षत्रपाटी निःशुल्क अस्पतालया गुक्वःगु साधारण सभां निर्वाचित जुयादिपि न्हुगु कार्यसमितिं थौं न्हापांगु मुँज्या च्वंगु दु । वःगु जेष्ठ ३२ गते जुगु निर्वाचनय् डा.मनोजमान श्रेष्ठया नेत्वृतय् न्हुगु कार्यसमिति निर्वाचित जुगु खः ।
उगु कार्यसमितिइ उपाध्यक्ष कुमारदेव मानन्धर, महासचिव राजेन्द्रप्रसाद मानन्धर, सचिव हरि ॐ महर्जन, कोषाध्यक्ष सजनी जोशी व सहकोषाधक्ष्यय् कृष्णप्रसाद मानन्धर निर्वाचित जुयादिगु खः । अथेहे दुजलय् सुमनकृष्ण श्रेष्ठ, जुजुकाजी महर्जन, जगदीस माली, सुचेनमान माली व कपिल श्रेष्ठपिं निर्वाचित जुःगु खः ।
म्हिगः छगु ज्याझ्वःया दथुइ शपथग्रहण यासे दथुइ थःथपिनिथगु कार्यभार लःल्हाना कयादिगु खः ।
थौं न्हुम्ह नायः डा.मनोजमान श्रेष्ठया सभाध्यक्षताय् न्हगु कार्यसमितिया न्हापांगु मुँज्या च्वंगु दु । उगु कार्यसमितिं थौं निम्हेसित दुजलय् मनोनित याःगु दु ।
थौं जुुगु मुँज्या डा.प्रेमलकुमार जोशीयात क्षत्रपाटी निःशुल्क अस्पतालया न्हुम्ह मेडिकल डाइरेक्टय् नियुक्तिm याःगु दुुसा कार्यसमितिया न्हुपि दुजलय् सुरज श्रेष्ठ व जमुनादेवी मालीयात मनोनित याःगु खः ।
थौं हे क्षत्रपाटी निःशुल्क अस्पतालया न्हुम्ह नायः डा.मनोजमान श्रेष्ठं न्हुपि दुजःपिन्त शपथग्रहण याकुगु खः ।
ज्यापु दिवसया पाःब्बः लःल्हात
नृपेन्द्रलाल श्रेष्ठ | दिल्लागा पारु ११३९ (जुलाई १७ २०१९)
ज्यापु संस्कृति विकास कोषं गुरुपुन्हीया लसताय् छगु ज्याझ्वः यासे ६३ गू त्वाःया बाजं गुरुपिन्त हनेज्या याःगु दु ।
उगु ज्याझ्वलय् मूपाँहा कथं येँ महानगरपालिकाया मेयर विद्यासुन्दर शाक्य व बिशेषपाहाँ उपमेयर हरिप्रभा खड्गी श्रेष्ठ पाँहा ज्यापु महागुथि नेपाःया नायः राजभाई जकःमि, येँ महानगर समितिया कार्यबाहक नायः नानीहेरा महर्जन झायादिगु खः ।
उगु ज्याझ्वलय् झिंखुक्वःगु ज्यापु दिवस हनेगु निंतिं मू पाहाँ येँ महानगरपालिकाया मेयर विद्या सुन्दर शाक्यं गोफः त्वाः माकः गल्ली ज्यापु समाजयात ने.सं. ११४० या ज्यापु दिवस हनेगु पाःब्वः लःल्हानादिगु खः ।
ज्याझ्वलय् गोफः त्वाःया नायः गोविन्द महर्जनयात पाःब्वः लःल्हाना कयादिगु खःसा कोषया न्वकु सन्त महर्जनं ज्यापु दिवस हनेगु निंतिं छगू लाख तकाया चेक नं लःल्हानादिगुु खः ।
ज्याझ्वलय् थःगु खँ तयादीसें मेयर शाक्यं थगुने निसें महानगरपालिकां बाजंगुरुपिंत हनेज्या सुरु यानागु खँ कयादिसे थुगु ज्यां निरन्तर न्ह्याइगु खँ धका बचं न बियादिल ।
उगु ज्याझ्वः विकास कोषया न्वकु सन्त महर्जनंया सभाध्यक्षताय् जुगु खः ।
इन्टरनेटया भाः थौंनिसे अप्वोइगु
लहनान्युज | दिल्लागा पारु ११३९ (जुलाई १७ २०१९)
थौं साउन १ गते निसे इन्टरनेटय् शुल्क भाः थःकागु दु ।
सरकारं दूरसञ्चार सेवा शुल्क इन्टरनेट सेवा प्रदायकं साउन १ निसे ग्राहकपाखे हे कायेगु निर्णय यागुलि सर्वसाधारणं पुलेगु इन्टरनेटया भाः शुल्क १३ प्रतिशत थिके जुइगु दु ।
वःगु दँय् सरकार व इन्टरनेट सेवा प्रदायकं ग्राहक पुले माःगु इन्टरनेट भाः अप्वो मकायेगु सहमति याःगुलि इन्टरनेट सेवा प्रदायकं उगु भाः ग्राहकपाखे कायेगु नर्णय याःगु खः ।
क्षत्रपाति चिकित्सालय नवनिर्वाचित जुपिन्स थौं शपथ काल
नृपेन्द्रलाल श्रेष्ठ | दिल्लाथ्व पुन्हि ११३९ (जुलाई १६ २०१९)
क्षत्रपाति निःशुल्क चिकित्सालय (अस्पताल )या न्हूम्ह नायः डा. मनोजमान श्रेष्ठं नाप न्हु निर्वाचित जुयादि पिन्स थौं छगु ज्याझ्वः दथइ थःपिनगिु कार्यभार लःल्हाना काःगु दु ।
थौं छगु औपचारिक ज्याझ्वः यासे न्हुपि निर्वाचित जुयादिपिन्त शपथ ग्रहण ज्या जुगु खः ।
निर्वतमान नायः नापं समाजसेवी विजयबहादुर मालीं न्हूम्ह नायः श्रेष्ठयात गं व मुगः लःल्हानाः कार्यभार लःल्हाःगु खः ।
उगु ज्याझ्वलय् ज्याझ्वःया सभापति विजय मालीं न्हुपिन्त लसकुस नाप कार्यकाल सुथा लाक्क न्ह्याका फयेमा धका भिंतुना न बियादीगु खः । पुलांम्ह मूछ्याञ्जे जलकृष्ण श्रेष्ठं न्हूम्ह मूछ्याञ्जे
राजेन्द्रप्रसाद मानन्धरयात चिकित्सालयया माइन्यूट व पुलांम्ह दांभरी दिनकर मानसिंह प्रधानं आर्थिक नियमावली न्हूम्ह दांभरी सजन जोशीयात लःल्हानादिगु खः ।
उगु ज्याझ्वलय् पुलांम्ह न्वकू विद्यावन माली प्रधान व येँमनपा १७ या वडाध्यक्ष नवीन मानन्धरं न्हूपिं पदाधिकारीपिनिगु कार्यकाल सुथां लायेमाः धकाः कामना यासें भिंतुना देछानादीगु खः ।
उगु ज्याझ्वलय् न्हूम्ह नायः डा. श्रेष्ठं आ क्षत्रपाति चिकित्सालयय् नं ७५ दँया जेथाजेथिपिन्त छेय् छेँय् वना सेवा बिइगु धका घोषणा यानादिसे थःत त्याकादिगुलि सकल सित सुभाय् न बियादिगु खः ।
न्हुपि निर्वाचितपिन्स कन्ह्यनिसे थःपिननिगु ज्या शुर याइ ।
