Display Style:
Column Style
पत्रकार शिवहरिया ‘होचो ढोका’ सफू पितब्बज्या
नृपेन्द्रलाल श्रेष्ठ | पोहेलाथ्व पारु ११३९ (जनवरी ७ २०१९)
पत्रकार शिवहरि घिमिरे च्वयादीगु ‘होचो ढोका’ सफू छगु ज्याझ्वः दथुइ पुलाम्ह उपप्रधानमन्त्री नाप प्रतिनिधि सभा सांसद टोपबहादुर रायमाझीं पितब्बज्या यानादीगु दु ।
उगु ज्याझ्वलय् शब्तादी पुरुष डा.सत्यमोहन जोशी, पशुपति क्षेत्र विकास कोषया पूर्व सदस्य सचिव डा गोविन्द टण्डन, पाटन उच्च अदालतया न्यायाधीश बासुदेव आचार्य, नागरिक दैनिकया प्रधान सम्पादक गुणराज लुइटेल, अभिनेता सुनिल थापा, अभिनेत्री ऋचा शर्मा, कलाकार कमल सौरागपिं पाँहा कथं झायादीगु खः ।
उगु पितब्बज्या जुगु सफुतिइ पशुपति क्षेत्र विकास कोषया पूर्व सदस्य सचिव डा गोविन्द टण्डन समालोचना यानादीगु खः ।
ख्वप नगरपालिकाया ग्वसालय् धाँ बाजं कासा
हसना लवजु, ख्वप | पोहेलाथ्व पारु ११३९ (जनवरी ७ २०१९)
ख्वपया दत्तात्रय देगः दुगु तचपाः त्वालय तःजिक धेधेंबल्ला जुगु खः । थुकिइ ख्वप नगरय् दुगु थीथी वडापाखें मुक्कं स्वीछगू पुचलं ब्वति काःगु खः ।
धेधेबल्लाय् नासः हैमा बाजा खलः न्हाप लाःगु खः । नृत्यनाथ दाफा भजन खलः ल्यू लाःगु खःसा एभरेष्ट ईङ्गिलस स्कूलया धाँ बाजं खलः लियाँल्यू लाःगु खः । अथेहे राइजिङ्ग कल्चर ग्रुप व आकाश भैरव नौ बाजा भजन गुठी ‘क’ पाखें सान्त्वना शिरपा त्याकेत ताःलाःगु खः ।
ज्याझ्वःया मू पाहाँ नेपाल मजदुर किसान पार्टीया नायः नारायणमान बिजुक्छेँ त्याःगु नापं ब्वति काःगु सकल पुचःयात शिरपा लःल्हानादीगु खः । न्हाप लाःगु पुचःयात शिरपा कथं स्वीद्वँतका ध्यबा नापं छगः धाँ बाजं व छज्वः छज्वः भुछ्या व सिछ्या लःल्हाःगु खः ।
अथेहे ल्यू लाःगु पुचःयात नीन्याद्वँतका ध्यबा नापं धाँ बाजं व भुछ्या लःल्हाःगु खःसा लियाँल्यू लाःगु पुचःयात नीद्वँतका ध्यबा नापं धाँ बाजं व सिछ्या लःल्हाःगु खः । सान्त्वना शिरपा त्याकूगु निगू पुचःयात म्हतिं झिद्वँ भिद्वँतका ध्यबा व धाँ बाजं लःल्हाःगु खः ।
नाप धेधेबल्लय् ब्वति काःगु दक्व पुचःयात प्रोत्साहन कथं छगः छगः धाँ बाजं शिरपा कथं लःल्हाःगु खः । ज्यझ्वलय् न्ववानादिसें मू पाहाँ बिजुक्छेँ ख्वपय् बाजागाजाय् तसकं हे सःपिं गुरुपिं दुगु धयादिसें ख्वपयात बाजागाजाया अथवा संगीतया विश्वविद्यालय दयेकेगु सम्भावना तकं दुगु न्ह्यथनादिल ।
ख्वपया नेवाःतय्सं परम्परागत शीप छ्यलेगु ज्यायात न्ह्याकाच्वंगु धयादिसें मेमेगु थासय् च्वँपिं सिबें नं ख्ववासीपिन्सं थःगु संस्कृतियात बाँलाक न्ह्याकाच्वंगु खँ नं वय्कलं तयादीगु खः । येँ यलय् व मेथाय् गननं देगः व सम्पदा दयेकेमाःसा पुरातत्व विभागं अज्वःगु ज्याया शीप दुपिं मनूत ख्वपय् माःवयेमालीगु धयादिसें बिजुक्छेँ गर्व यानादिल ।
झिम्ह बाजं गुरुपिन्सं थुगु धेधेंबल्लाया निर्णायक जुयामूल्यांकन यानादीगु खः । ज्याझ्वलय् न्ववानादिसें मूल्यांकन समितिया सदस्य विष्णु बहादुर मानन्धरं धार्मिक बोल नापं मनोरञ्नात्मक बोल दुगु अले थायेत यक्व मनूत माः धइगु मदुगुलिं युवा पुस्ता धाँ बाजंप्रति आकर्षित जुयावःगु खँ कनादिल ।
छुं नं कथंया धेधेंबल्ला जुइबले धाँ बाजं थाना थःगु पक्षया मनोबल अप्वकेगु व शत्रु पक्षया नुगलय् धाःसा ग्याचिकु व भ्रम ब्वलंकिगु धयादिसें थुगु बाजंया सांस्कृतिक पक्षयात कयाः न्ववानादीगु खः ।
ख्वप नगरपालिकाया वडा नम्बर ९ या नायः रबिन्द्र ज्याख्वं ज्यझ्वः न्ह्याकादीगु खः ।
किपाः –हसना लवजु, ख्वप
सुगतरत्नयात हाकः पाकूगुलिं जागरण मञ्चपाखें घोर भत्सर्ना
लहनान्युज | पोहेलाथ्व पारु ११३ (जनवारी ६ २०१८)
नेपाल वायुसेवा निगमया महाप्रबन्धक सुगतरत्न कंसाकारयात हाकः पाकेगु ज्यायात कयाः नेवाः जागरण मञ्चं छगू प्रेस वक्तव्य सार्वजनिक यासें उगु ज्याखँयात कयाः थुज्वःगु ज्या क्वह्यंगु व घृणित ज्या जूगु खँ धाःगु दु ।
उगु वक्तव्यय् धयातःगु दु, ‘स्वनिगःया छम्ह आदिवासी नेवाः जुयाः देसया छम्ह कुशल प्रशासकया रुपय् थःत स्थापित यायेत ताःलाःम्ह नेपाल वायुसेवा निगमया महाप्रबन्धक सुगतरत्न कंसाकारयात वैद्य माओवादीया कार्यकर्ता्पिन्सं हाकः पाकेगु थुज्वःगु क्वह्यंगु व घृणित ज्यां यानाः नेपाःया आदिवासी जनजातिपिन्त अपहेलना व तिरस्कार यायेगु ज्या याःगु दु ।’
उगु वक्तव्यय् सुं नं मनू न्यायालयपाखें प्रमाणित मजुइकं दोषी ठहर जुइमखु धैगु विश्वन्यंकंया सार्वभौम मान्यता खः । थुगु मान्यतायात वांछ्वयाः थःपिन्त क्रान्तिकारी धाइपिन्सं संसदया सार्वजनिक लेखा समितिं नीस्वंगु उपसमितिया कार्यकर्ता कथं थःत न्ह्यब्वःगु स्वयं नं मछालेपुसे खँ जूगु धासें वक्तव्यय् थ्वया न्ह्यः नं सुगतरत्न कंसाकारयात भ्रष्टाचारया द्वपनय् फसे यायेगु षडयन्त्रयात कयाः नेवाः समुदायया हे सक्रियताय् असफल यानाब्यूगु व न्यायालयपाखें भ्रष्टाचार मजूगु ठहर याःगु खँ थु थाय् लुमंके बहः जू धकाः धयातःगु दु ।
वक्तव्यय् अन्तय् सुगतरत्न कंसाकारयात हाकः पाकेगु ज्या याःपिन्सं थुज्वःगु छुं हे खँयात ल्याः मतसे क्यंगु ज्यायात कयाः घोर भत्सर्ना यासें देसय् दूगु गुगु नं पक्षपाखें नेवाःतय्गु विरुद्ध जूगु अपहेलना व दमन नेवाःतय्गु नितिं सह्य जुइमखु धासें थ्व खँय् सकल नेवाःत जानाः विरोधया सः थ्वयेकेत नं इनाप यानातःगु दु ।
मोति पत्रकारिता सिरपाः लःल्हात
लहनान्युज | थिंलागा औंसी ११३९ (जनवरी ५ २०१९)
नेवाः प्रेस दबूया ग्वसालय् थौं छगु ज्याझ्वः दथुइ मोति पत्रकारिता सिरपाः लःल्हाःगु दु ।
दबूया नायः नरेन्द्र श्रेष्ठया सभाधक्ष्यताय् जुगु उगु ज्याझ्वलय् कुसुम बज्राचार्यं न्ह्याकादीगु खः ।
थौं जुगु उगु ज्याझ्वलय् यल क्षेत्र न. ३ या प्रतिनिधिया सांसद पम्फा भुसाल मूपाहाँ कथ झायादीगु खःसा सिरपाःदाता समाजसेवी मोति लाल शिल्पकारंं लसकुस यानादीगृु खः ।
उगु ज्याझ्वलय् ३ न प्रदेशसभाया सांसद शोभा शाक्य, नरेश ताम्राकार, तिर्थ मान शाक्य, ऋषि प्रसाद श्रेष्ठ, इश्वरी मैया श्रेष्ठ, कुमार रञ्जितपिसं थःथःगु नुगः खँ तयादीगु खः ।
पत्रकार कुमार रञ्जितयात मोति पत्रकारिता सिरपाः लःल्हासे १० द्वः तका दां लःल्हाःगु खःसा ईश्वरी मैया श्रेष्ठ, पुष्प चित्रकार, गणेश राम लाछि स्वम्हेसित नेपालभाषा ख्यलय् मदिक्क
सेवायाना वया च्वनादीगुलिं दोसल्लां नाप हनापौ लःल्हागु खः ।
पाहाँ कथं रामकृष्ण कर्माचार्य, विजयरत्न असंबरे, डा.पुष्प राज राजकर्णिकार, राजा शाक्य, जुजुकाजी रञ्जित, शान्त राज शाक्य, जुलुम चित्रकार, सुवर्ण केशरी चित्रकार लगायत थीथी
मिडियाया पत्रकारपिसं ब्वति कयादीगु खः ।
बुखँ नेवाः सूचना केन्द्र किपा नातिकाजी महर्जन
यल ३ न वडाय् फोहरमैला चेतना अभियान न्ह्याइगु
नृपेन्द्रलाल श्रेष्ठ | थिंलागा औंसी ११३९ (जनवरी ५ २०१९)
यल महानगरपालिका ३ न वडाय् कन्ह्यनिसें फोहरमैला चेतना ज्याझ्वः अभियान न्ह्याइगु जुगु दु । उगु ज्याझ्वः कथं प्लाष्टिक झोला छ्यला बुलाय् बन्द याये त्यःगु दु । थौं छगु पत्रकार सम्मेलनया थुगु खँया जानकारी बियादीगु खः ।
थःगु थाय् थःम्हेसिया हे सफा याये धइगु नारा ज्वना कन्ह्य छगु ज्याझ्वः दथुइ यल क्षेत्र न. ३ या सांसद पम्फा भुषाल उलेज्या यानादीगु ज्याझ्वः दु ।
यल मनपा वडा ३ या २५ गु संघ संस्थाया सक्रियताय् जुइगु उगु ज्याझ्वलय् कन्ह्य निसें ध्वगिइगु फोहर वांछ्यत वाःगु बाल्टिन व ध्वगिइगु फोहर वांछ्यत ह्यागु बाल्टिन वडाय् इनिगु ज्याझ्वः
दु ।
थुगु वडां याकन हे न्हुगु ज्याझ्वः कथं ३ नम्वर वडा गज्यागु जुइमा धइगु छगु ज्याझ्वः यायेत्यःग्ु दु । उगु योजना न्ह्यब्बम्हेसित २५ द्धः तका नगदया सिरपा न बिइगु दु ।
