Display Style:
Column Style
सरुना व रियाया द इसेन्स ब्बज्या
नृपेन्द्रलाल श्रेष्ठ | थिंलागा षष्ठी ११३८ (दिसेम्वर २८ २०१८)
पाटन संग्राहलयय् लाईट व द इसेन्स नांया नीम्हेसीया एकल चित्रकला ब्बज्या जुगु दु ।
योङ् पिकासोया ग्वसालय् चित्रकार सरुनादेवी महर्जनया लाईट व रिया बज्राचार्यको द इसेन्स नाया नीम्हेसीयागु मंकाः एकल चित्रकला ब्बज्या जुगु खः ।
उगु ज्याझ्वःया उलेज्षा ललितपुर उद्योग बाणिज्य संघया अध्यक्ष कृष्णलाल महर्जनं छगु ज्याभ्वः दथुइ उलेज्या यानादीगु खः । मूपाँहा बाणिज्य संघका अध्यक्ष महर्जनं थःज्यागु ब्बज्यां कलाकार पिनिगि हौसला थःहा वइगु धका कनादीगु खः ।
उगु चित्रकला ब्बज्याय् सरुनादेवी महर्जनया लाईट नांया १४ गु चित्र दुथ्या । महर्जनया चित्रय् मिसा तयेगु संवेदनामा आधारित व मिसा पिनिगुु दुःखं संसार न्ह्यानाच्वंग थःगु चित्रं न्ह्यब्बयेगु प्रयास यानागु धकाः चित्रकार महर्जन लहनान्युजयात कनादीगु खः ।
अथेहे चित्रकार रिया बज्राचार्यया १४ गु चित्रय् जीवनया उमंग व उत्साह न्ह्यब्बयेगु दु धकाः लहनान्युजयात कनादीगु खः ।
उगु ज्याझुवलय् ग्वसाः खलः योङ् पिकासोया निर्देशक अजय देशारं न्हुगपि चित्रकार न्ह्यब्बयेगु हे थःपिनगु लक्ष्य खः धयादीगु खः । ब्बज्या आइतवाः तक जुइ ।
नरः देशय् नेवाःलिपि
नृपेन्द्रलाल श्रेष्ठ | थिंलागा द्धितीया ११३९ (दिसेम्वर २४ २०१८)
हनेबहःम्ह पुण्ण भन्तेया ग्वाहालिकथं नरः बुद्ध विहारया ग्वसालय् नेपालभाषा व नेपाललिपि स्यनेज्या वंगु ११३९थिंलाथ्वनवमिनिसें न्ह्यात ।
थुगु ज्याझ्वःया संयोजन नरेश डंगोल व उगु वडाया वडा दुजः मय्जु मीना सिं प्रजापतिं यानादीगु दुसा स्यनेकने ज्या बाखं च्वमि राजाशाक्यं यानादीगु दु ।
नेपाललिपि स्यनेज्या धुंकाः ‘भुजिंम्वः’ व ‘रञ्जनालिपि’ नं स्यनीगु खँधाःगु दु ।
श्याम आशाया निगू सफू पितब्वज्या
लहनान्युज | थिंलागा पारु ११३९ (दिसेम्वर २३ २०१८)
याता जः नेपालभाषा साहित्य दबू ख्वपया ग्वसालय् नेपालभाषाया साहित्यकार श्याम आशाया ‘बाःवःगु ख्वबि’ (बाखं मुना) व ‘पिज्वये मफूगु सः’ –चिबाखं मुना) शताब्दी पुरुष सत्यमोहन जोशीं छगु ज्याझ्वः दथुइ निगु सफू पितब्वज्या यानादीगु दु ।
उगुु ज्याझ्वलय् च्वमि साहित्यकार श्याम आशा व वय्कःया जहान विष्णु कुमारी कायस्थं ‘याताजः नेपालभाषा साहित्य श्याम विश्व सिरपाः’ ५ लख तका दांया अक्षयकोष न नीस्वनादीगु दु ।
ज्याझ्वलय् प्रा. नर्मदेश्वर प्रधानं पिदंगु सफूया समालोचना यानादीगु खःसा नेपाल साहित्य मन्दिरया नायः तिलक प्रकाश कायस्थ, सिद्धिदास प्रतिष्ठानया नायः नरेन्द्रभक्त हाडा, रामशेखर
लुमन्ति दबूया नायः गोविन्दमान श्रेष्ठ, न्ह्यज्या खलःया नायः सुशिला श्रेष्ठपिसं थःथगु नुगःखँ तयादीगु खः ।
दबूया दुजः शौरभ शाक्यया सभाधक्ष्यतायु जुगु उगु ज्याझ्वलय् कृष्ण भक्त बोडें न्ह्याकादीगु खः ।
बुखँ नेवाः सुचना केन्द्र किपा राजेन्द्र रजिंत
भक्तपुर सुनचाँदी व्यवसायीया न्याक्वःगु दँमुँज्या
लहनान्युज | थिंलागा पारु ११३९ (दिसेम्वर २३ २०१८)
भक्तपुर सुनचाँदी व्यवसायी संघं न्याक्वःगु दँमुँज्याया उलेज्या नेपाल सुनचाँदी व्यवसायी महासंघया नायः मोहन कुमार बि.क.छगु ज्याझ्वः दथुइ यानादीगु दु ।
उगु ज्याझ्वलय् महासंघया बरिष्ठ न्वकू माणिक रत्न शाक्य, न्वकू नापं प्रदेश नं. ३ या कजि दियश रत्न शाक्य, भक्तपुर प्रहरी नायव निरीक्षक रेवति रमण पोखरेल, समाजसेवी मुरारी प्रसाद आचार्य, भक्तपुर उद्योग वाणिज्य महासंघया नायः राम प्रसाद प्रजापति पाहाँ कथं झायादीगु खः ।
मूपाहाँ बि.क.लं देशय् सुनचाँदी व्यवसायी तयेग् छगु हे ऐन नियमया आवश्यक दुगु धइगु बिचाः प्वकादीगु खः ।
उगु ज्याझ्वः पद्मसुन्दर शाक्यया सभाधक्ष्यताय् जुगु खःसा संघया मूछ्याञ्जे प्रदिप रत्न शाक्यं न्ह्याकादीगु उगु खः ।
बुखँ नेवाः सुचना केन्द्र किपा राजेन्द्र रजिंत
मोनोरेलया सम्झौता जुल
नृपेन्द्रलाल श्रेष्ठ | थिंला एकादशी ११३८ (दिसेम्वर १९ २०१८)
येँया चक्रपथय् मोनोरेल सञ्चालनया विस्तृत परियोजना प्रतिवेदन तयार यायेत चीनया चाइना रेल वे २५ औं व्युरो ग्रुप कम्पनी नाप थौं छगु सम्झौता जुगु दु ।
थौें राष्ट्रिय सभा गृहय् छगु ज्याझ्वलय् येँ महानगरपालिकाया प्रमुख विद्यासुन्दर शाक्य व रेल वे कम्पनीया ओभरसिज बिजनेस म्यानेजमेन्ट विभागया प्रमुख झ्यु ग्वाङ्बिङ् दथुइ सम्झौता जुगु खः ।
थुगु परियोजना प्रतिवेदनया चाः परीक्षण याये धुका वातावरणीय प्रभाव मुल्याङ्कन (इआइए) याइगु, मोनोरेलया डिजाइन, प्राविधिक नाप निर्माण क्षमता, लागत अनुमान, ट्राफिक व्यवस्थापनया अनुमान, योजना सञ्चालनया चरण व लाभ विश्लेषण याइगु जुइ ।
विस्तृत परियोजना प्रतिवेदनया विवरण पूर्ण वा आंशिक स्वीकार यायेयु अधिकार येँं महानगरं याइ । डिपिआर तयार यायेगु खर्च सिसिआरसि हे याइ ।
सम्झौता पत्रय् ल्हाःचिं तये धुका थःगु नुगः खँ तयादीसे येँं महानगरया प्रमुख विद्यासुन्दर शाक्यं मोनोरेल सञ्चालन यायेगु झीगुुुु लागि न्हुगु खँ खः धयादीसे. थपीनीगु चुनावी घोषणा पत्रय् मोनोरेल यायेग् खँ न्ह्यथनग् धयादील ।
थुगु मोनोरेलया सम्भाव्यता अध्ययनं गौशाला निसे चावहिल तक सतक विस्तार समस्याया समाधान सरकारं ग्वहाली यासा विस्तारित चक्रपथया लँया निगु लाइनया मोनो रेल च याये फइगु धका क्यना तःगु परियोजनाया प्रतिवेदन थुइगु आधार हे तयार याइ ।
थुगु मोनोरेलया लागत करीब १ खर्ब १६ अर्ब ध्यबा तुइग अनुमान याना तःगु दु सा साढे २७ किलोमिटर चक्रपथ मध्यय् यल महानगर क्षेत्रय् करीव १० किलोमिटर सतक ला ।
