लगातार थौ न शेयर बजाः थहां वःगु दु। वंगु सोमवाः कुहां वःगु शेयर बजाः उगु इलय् निसें हे थहां वनाच्वंगु खः।

थौं शेयर बजाः परिसूचक नेप्से ५९.६८ ल्याखं थहावना २४२४.३२ अंकय् थ्यंगु दु। नेप्से नीन्ह्यय् ला लिपा दकलय् अप्वः थ्यंगु दु। थ्वः सिबें न्ह्यः २०७९ य् ११ बैशाखय् नेप्से २,४२० ल्याः थ्यंगु खः। थौं फाइनान्स व जलविद्युत बाहेक फुक्क पुचःया शेयर अप्वःगु दुसा बीमा, माइक्रो फाइनान्स, उत्पादन, बैंकिङ्ग पुचःया शेयरया भाः थहावःगु दु।

नेपाल इन्भेष्टमेन्ट मेगा बैंक, नेपाल फाइनान्स, आँखुखोला जलविद्युत कम्पनी, उपकार लगुवित्त व थ्री स्टार जलविद्युत कम्पनीया शेयर १० प्रतिशतं अप्वःगु दु। कुमारी सबल योजनाया सेयर साढे ५ प्रतिशत स्वयां अप्वः म्हो जूगु दुसा समग्र बजाः अप्वःगु दु। थौं कारोवारया रकम नं यक्व हे अप्वःगु दु।

३१२ गू कम्पनीया ३ करोड ९९ लाख ९० हजार कित्ता शेयर १५ अर्ब ५४ करोडया कारोवार जूगु दु। थ्व कारोवार ३५ महिना दुने दकलय् अप्वः खः। थ्वः सिबें न्ह्यः २०७८ साउन १३ गते १५ अर्ब ६५ करोडया कारोवार जूगु खः।

प्रधानमन्त्री केपी शर्मा ओलीं प्रमुख राजनीतिक सल्लाहकारय् विष्णु रिमालयात नियुक्त याःगु दु।

आइतवाः च्वंगु मन्त्रिपरिषद् बैठकं रिमालयात राजनीतिक सल्लाहकारय् नियुक्त याःगु दु। रिमाल थ्वः सिबें न्ह्यः ओली प्रधानमन्त्री जूबलय् नं राजनीतिक सल्लाहकार जूयादीगु खः।

अथे हे प्रधानमन्त्रीया आर्थिक सल्लाहकारय् डा. युवराज खतिवडायात नियुक्त याःगु दु। खतिवडा पूर्व अर्थमन्त्री जुयादी।

द्वारिकाज होटल एण्ड रिसोर्टया सचालक अम्बिका श्रेष्ठ मन्त। आइतवाः यलया मेडिसिटी अस्पतालय् वासः यायेगु झ्वलय् ९१ दँय् मदुगु खः।

निमोनियाया ल्वगि श्रेष्ठ निला न्ह्यःनिसें वासः याकाच्वंगु खः। छेँजःया कथं कन्ह्यः शुक्रवाः सनिलय् पशुपति आर्यघाटय् दाहसंस्कार याइगु जूगु दु। ६५ दँ न्ह्यःनिसें होटल व पर्यटन ख्यलय् सक्रिय जुयादीम्ह श्रेष्ठं १९९१ निसें द्वारिकाज होटेल कःघाना वयाच्वनादीम्ह खः।

श्रेष्ठं प्यदँ न्ह्यः क्यान्सरयात बुकूगु खः। वय्कःया निम्ह म्ह्याय् दु। वय्कःया भाःत व काय् मदयेधुंकूगु दु। श्रेष्ठया पर्यटन ख्यःया थीथी संघ संस्थाय् नेतृत्वया भूमिकाय् ज्या यायेगु ताःहाकःगु अनुभव दु।

श्रेष्ठं द्वारिकाजया नामं येँ व धुलिखेलय् होटल चले यानाच्वंगु खः। वय्कलं थीथी ट्राभल एजेन्सी नं चले यानादीगु खः।

येँया राष्ट्रियसभा गृहय् चान्ह्यः मदिक्क वा वया लः मुगु दु। सभागृहय् मुनाच्वंगु लः पम्प सेट छ्यलाः लः साला वाः छ्वयेगु ज्या जुगु दु।

भचा जक वा वइबलय् नं सभागृह लः बाः वयेगु याइ।

शेयर बजाः अप्वया वनाच्वंगुलिं डेढ दर्जन कम्पनीया मू आःतकया दकलय् अप्वः जूगु दु। बुधवाः नं भाः अप्वः कायम जूगु कम्पनीत मध्ये अप्वो धइथें न्हापाया बुल फेज क्वचायेधुंकाः प्रारम्भिक शेयर (आइपीओ) जारी याःगु कम्पनी खः।

थुगु इलय् छुं नं क्षेत्रया सूचकं रेकर्ड उच्च याःगु मदुनि। अय्न १८ गू कम्पनीया भाः धाःसा आःतकया दकलय् अप्वो जूगु दु। १८ गू कम्पनीया भाः आःतक दकलय् अप्वः जूगु दुसा थ्व स्वयां न्ह्यः हे बोनस शेयर वा राइट्स शेयरया हकय् समायोजन याःगु खः। आःतक दकलय् अप्वः मू दुगु कम्पनीत अप्वः धइथें जलविद्युत जूगु दु।

बुधवाः कारोवार बन्द जुगु इलय् १८ गू कम्पनीया भाः आःतकया दकले अप्वः जूगु खः। उकी मध्ये छगू होटल, छगू विकास बैंक, छगू वित्त कम्पनी दुसा ल्यं दुगु १५ गू जलविद्युत कम्पनी खः। सिटी होटल, ग्रीन डेभलपमेन्ट बैंक व मल्टिपर्पस फाइनान्सया भाः आःतकया दकलय् अप्वः जूगु दु।

आःतक दकलय् अप्वः भाः थहावःगु जलविद्युत कम्पनीत मध्ये मन्दाकिनी हाइड्रोपावर, माइखोला हाइड्रोपावर, सानिमा मिडिल तमोर, सुपर माइ हाइड्रोपावर, सीईडीबी हाइड्रोपावर, ग्रीन भेन्चर, अपर सोलु हाइड्रोपावर, भूगोल इनर्जी, माथिल्लो मैलुङखोला, मेन्छियाम हाइड्रोपावर, अपरहेवाखोला, इङवा हाइड्रोपावर, रावा इनर्जी, सिक्लेस हाइड्रोपावर र सयपत्री हाइड्रोपावर कम्पनीया शेयर भाः थहावःगु दु।