प्रधानमन्त्री पुष्पकमल दाहाल ‘प्रचण्ड’ न नेकपा एमालेया उपाध्यक्ष सुवास नेम्वाङ मदुगुलि थः तसकं मर्माहत जूगु दु धका धयादीगु दु।

सामाजिक सञ्जाल एक्सय् वयकलं च्वयादीगु दु नेम्वाङ मत्यकं मदुगुलि मर्माहत जुगु धका धयादीगु खः।

वयकः धयादीगु दु, ‘मदुम्ह कमरेड नेम्वाङप्रति भावपूर्ण श्रद्धान्जली अर्पण यासे शोकाकुल परिवारपिन्त बिचाः हायेका च्वना।’

वंगु १ बजे हृदयघात जुगुलि वयकःयात त्रिवि शिक्षण अस्पतालय् यकूगु खः। 

संविधान सभाका अध्यक्ष नापं नेकपा एमालेया उपाध्यक्ष सुवास नेम्वाङ छेँ दुने चःबिइ हे बेहोस अवस्थाय् लुगु खः।

वया लिपा परिवारपिन्स त्रिवि शिक्षण अस्पताल यकूगु इलय् मदुगु खः। सुवास नेम्वाङ बालुवाटारस्थित निवासय् च्वनिइ खः। परिवारया सदस्यपिनिगु कथं चान्ह्यः १ बजेति नेम्वाङ चःबिइ बेहोस् अवस्थाय् लूगु खः।

वयकःयात बालुवाटारस्थित निवासपाखे त्रिवि शिक्षण अस्पताल महाराजगञ्जय् यकूगु इलय् चान्ह्यः १ः५० बजे जूगु खः। त्रिवि शिक्षण अस्पतालया भ्वतय् नेम्वाङयात १ः५० बजे अस्पताल यकूगु उल्लेख जूगु दु ।

नेकपा एमालेया उपाध्यक्ष सुवास नेम्वाङय् मदुगुलि प्रधानमन्त्रीनापं शीर्ष नेतापि अस्पतालय् वःगु दु।

नेम्बाङ थौं चान्ह्यः १ बजे हृदयघात जूया मदुगु खः। उपचारया लागि त्रिवि शिक्षण अस्पतालय् वःगु खः ।

वया खबर वयेवं हे प्रधानमन्त्री पुष्पकमल दाहाल प्रचण्ड, सभामुख देवराज घिमिरे, एमाले अध्यक्ष केपी शर्मा ओली लगायतया नेतापि अस्पतालय् वःगु खः।

नेकपा एमालेया उपाध्यक्ष सुवास नेम्वाङया शव कन्ह्यः बुधबारः तक नेकपा एमालेया च्यासलस्थित पार्टी कार्यालयय् तइगु जूगु दु ।

श्रद्धाञ्जलीया लागि पार्टी कार्यालयय् यकेगु तयारी जूयाच्वंगु दु। पूर्वसभामुख तक जूयादीम्ह नेम्वाङ थौं चान्ह्यः १ बजे हृदयघात जूगु खः।

त्रिवि शिक्षण अस्पताल थ्यनेवं हे चिकित्सकपिन्स मदुगु घोषणा याःगु खः।

नेकपा एमालेया उपाध्यक्ष सुवास नेम्वाङ मन्त। थौं चान्ह्यः १ बजे हृदयघात जुया वयकः त्रिवि शिक्षण अस्पताल, महाराजगञ्जय् यकूगु खः ।

चिकित्सकपिन्स अस्पतालय् थ्यनेवं हे नेम्वाङ मदुगु घोषणा याःगु धका अस्पतालया स्रोत धाःगु दु। इलामबजार नापसं सुन्तलाबारय् बूम्ह नेम्वाङ इलाम क्याम्पसय् ब्बना च्वंगु इलय् हे अनेरास्ववियुय् लगे जूया २०२९ साल निसे कम्युनिस्ट राजनीतिइ दुहावम्ह खः।

२०३३ सालय् राजद्रोह मुद्दाय् छु ई जेलय् लाःगु खः। २०४८ व २०५२ सालय् राष्ट्रिय सभाया सदस्य जुयादीम्ह वयकः मनमोहन अधिकारी नेतृत्वया न्हापागु कम्युनिस्ट सरकारय् कानुन, न्याय लिसे संसदीय व्यवस्था मन्त्री जुयादीगु खः। वयकः जनआन्दोलन २०६२–६३ नापं पुर्नस्थापित संसदय् न सभामुख जूयादीगु खः।

२०६४ व २०७० य् इलामपाखे चुनाव त्याकादीया संविधानसभाया अध्यक्ष जूयादीगु खः। प्यकं तक सभामुख जुयादीगुलि वयकः न्ह्यावलय् सर्वसम्मत जूयादीम्ह खः।