छवाः न्ह्यःनिसे कुहावना च्वंगु सेयर बजाः परिसूचक नेप्सें थौं छगू अंकं थहावःगु दु। सोमवाः सेयर बजाः ७.०४ अंक (० दशमलव ३५ प्रतिशत) न थहावःगु दु।

सोमवाः नेप्से परिसूचक १९६७.८३ बिन्दुइ थहावना बन्द जूगु खः। सोमवाः २७० सूचीकृत धितोपत्रय् ३२ हजार ५३३ गु कारोबारपाखे ३४ लाख ३२ हजार २६७ कित्ता धितोपत्रया कारोवार जुगु खः।

१ अर्ब ९ करोड ९१ लाख ४० हजार रुपैयाँ बराबरया कारोबार जूगु खः। सोमवाः थ्री स्टार हाइड्रोपावरया कारोबार सकारात्मक सर्किट लेबलयय् थ्यःगु दु। थुगु भाः १० प्रतिशतं थहावना २७९.५० य् थ्यःगु दु।

अथेहे दोल्ती पावर कम्पनी, ग्रीन भेन्चर लिमिटेड, रुरु जलविद्युत परियोजना, आशा लघुवित्त वित्तीय संस्थाया नं धितोपत्रया भाः थहावंगु दु।

लिबर्टी इनर्जी कम्पनी, कुमारी धनवृद्धि योजना, सिक्लेस हाइड्रोपावर,आरबीबी म्युचुअल फन्ड २, ग्लोबल आईएमई फन्ड १ लगायतया धितोपत्रया भाः यक्को कुहावःगु दु।

जिल्ला प्रशासन कार्यालय येँ न राष्ट्रसेवक कर्मचारी वा सुरक्षाकर्मीपिनिगु कर्तव्य पालनाय् पगं मजुइगु कथं व सामाजिक सञ्जालय् न्ह्यंलाथे वक्तव्यबाजी मयायेत सकसित इनाप याःगु दु। सहायक प्रमुख जिल्ला अधिकारी खड्गबहादुर श्रेष्ठं थौं छगु प्रेस विज्ञप्ति जारी यासे अथे इनाप याःगु खः।

येँ महानगरपालिकाया मेयर बालेन शाहया जहान च्वनावंगु सरकारी नम्बर प्लेटया गाडी शनिवाः चान्ह्यः कोटेश्वरय् ट्राफिक प्रहरी चेकिङइ लाःगु दु। चालकनाप सवारी पास मदुगुलि आवंनिसे सवारी पास ज्वना जक वयेगु याः धासे ट्राफिक प्रहरीं त्वःता बिःगु खः।

सोमवाः जिल्ला प्रशासन कार्यालयं विज्ञप्ति जारी यासे छु खँ दु सा तथ्य प्रमाणनापं सम्बन्धित निकायया प्रमुख वा गुनासो न्यनेगु अधिकारीसमक्ष जानकारी बिइत व यःयःथे वक्तव्यबाजी मयायेत धाःगु दु। विज्ञप्तिइ धाःगु दु, ‘लिपागु इलय् बालागु मनसायपाखे सम्पादन जूगु सरकारी ज्या व अज्यागु ज्याय् खटे जूपि राष्ट्रसेवकपिन्त निरुत्साहित यायेगु कथं सामाजिक सन्जालय् व्यक्त जूगु अभिव्यक्तिइ थुगु कार्यालयया गम्भीर ध्यानाकर्षण जूगु दु।

अथहे थःगु पदीय जिम्मेवारी व कर्तव्य पालना याइपि राष्ट्रसेवक कर्मचारीपिन्स कर्तव्य पालना यायेगु लागि पंगः मथ्यनेत व थीथी सामाजिक सञ्जालय् यःयःथे वक्तव्यबाजी मयायेगु÷मयाकेत सम्बन्धित सकसितं इनाप यानाच्वना। 

पर्साया वीरगञ्ज महानगरपालिकां एसिया कप क्रिकेट कासा स्वयेगु निति थौं सोमवाः २ बजेलिपा सार्वजनिक विदा बिःगु दु।

महानगरया अधिकृत हरि राउतं क्रिकेट स्वयगु लागि महानगरपालिका अन्तर्गत अत्यावश्यक सेवा बाहेक दक्को सेवा बन्द जुइगु सूचं जारी याःगु दु।

उगु सूचं पिकागुलि धाःगु दु, ‘क्रिकेट कासाया भावना थकायेगु नाप एसिया कपय् नेपालं ब्बति काःगु हे गौरवान्वित महसुस जुगुलि नेपाली क्रिकेट टोलीया हौसला थकायेगु निति २ बजेनिसे अत्यावश्यक सेवाया वाहेक दक्को सेवा बन्द यानागु दु । ’

येँ महानगरपालिकाया मेयर बालेन्द्र शाहया जहान च्वना वःगु गाडी ट्राफिक प्रहरीं पनेवं सिंहरबारय् मिँ च्याकाबिइ धका धम्की बिःगु दु।

मेयर पुष्पकमल दाहाल नेतृत्वया सरकारयात खू तका धाःगु दु। बिदाया दिं सरकारी गाडी तीब्रगतिइ चलेयाना वःगुलि कोटेश्वर ट्राफिक प्रहरी वृतया टोलीं पनेवं शाह न थःगु सामाजिक सञ्जालय् तःपिकया अथे च्वंगु खः। फेसबुकय् शाह न च्वंगु दु,‘थौंया लागि छु म्वालं, कन्ह्यनिसे जिमिगु महानगरपालिकाया छु न गाडी सरकारपाखे पनकिइ सिंहरदरबारय् मिँ च्याकाबिइ । याद याः खुँ सरकार ।’

म्हिगः शनिवाः चान्ह्यः ९ बजेतिं बालकुमारीपाखे तीनकुनेपाखे वयाच्वंगु तुयु नम्बर प्लेटया ह्यागू गाडीयात कोटेश्वर ट्राफिक प्रहरीया प्रहरी नायब निरीक्षकं रोक यायेवं अथे तं पिकाःगु खः। ९ बजे प्रहरी नायब निरीक्षक सुशील न्यौपानें बिदाया दिं तुयुगु नम्बर प्लेटया गाडी चेक याना बिदाया दिं चले यायेगु अनुमति पौ फ्वंगु खः।

‘सिनियर प्रहरीं बिदाया दिं गाडी चले यायेगु अनुमति माग याःगु खः । अनुमति मदु,’ उपत्यका ट्राफिक प्रहरी कार्यालयया डीआइजी पोषराज पोखरेलं धाःगु दु,‘अप्पो याना २ निसे ३ मिनेट जक रोके याःगु खः। छु जुगु मदु।’ सरकारी गाडी दिकां गनयाःगु  गाडी, गाडीइ सू दु? धका न्यनेकने जक यानागु खः धका चेकिङय् खटे जूम्ह छम्ह प्रहरीं धाःगु द।

‘तसकं ब्बाका हःगु खः। सरकारी गाडी रोके याना न्यनेकने याःगुलि ड्राइभरं जिमिगु येँ महानगरया गाडी छाय् रोके यानागु खः धका ख्वाय्त स्वंगु,’ उम्ह ट्राफिक प्रहरीं धाःगु दु,‘गाडीइ लिउने मिसाम्ह दु। न्यनेगु यानागु इलय् ड्राइभरं म्याडम खः धाःगु । जिमिसं चिट तक काटे मयासे त्वःताःगु खः ।’

ट्राफिक प्रहरी कार्यालयं गाडी त्वःतागु छु ई लिपा हे येँ महानगरपालिकाया मेयर शाहं न काठमाडौंया प्रमुख जिल्ला अधिकारी जितेन्द्र बस्नेतयात फोन याना ट्राफिक प्रहरीं गाडी रोके याःगु धका अःखःतं थर्के यागु दु धका स्रोतं धाःगु दु। बस्नेतं गाडी रोके यायेगु विषय न्यनेकने याःगुलि काठमाडौं प्रहरी प्रमुखयात निर्देशन बिःगु खः।

पूर्वयुवराज पारस शाह अस्पतालय् भर्ना जूगु दु। छातीइ समस्या जुइवं म्हिगः शुक्रवाः सुथय्  मण्डिखाटारस्थित ह्याम्स अस्पतालय् भर्ना याःगु दु।

उपचारय् समलग्न जुयाच्वम्ह चिकित्सकया कथं र शाहयाःगु आः थीथी स्वास्थ्य परीक्षण जुयाच्वंगु दु।