लुँ तोलां थौं गुसः कुहावःगु दु। लुँ तोलां गुसः कुहावया १ लाख ९ हजार ३ सय रुपैयाँ न कारोबार जुगु दु धका नेपाल सुनचाँदी व्यवसायी महासङ्घं धाःगु दु।

अथेहे थौं वहः तोलां न्यातका कुहावःगु दु। वहः तोलां न्यातका कुहावया १ हजार ४ सय ४० रुपैयाँ न कारोवार जुगु दु धका महासङ्घं धाःगु दु।

उपचुनावया कारण चितवन व तनहुँया लँय् दक्को गाडी चले यायेगुलि रोक लगे याःगु दु। थौं सुथय् ६ बजेनिसे चितवनया क्षेत्र नम्बर–२ पाखे वनिइगु गाडी धादिङ व नवलपरासीइ गाडी रोके यानातःगु दु।

नवलपरासीपाखे गैँडाकोट, रजहर व कावासोतीइ न गाडी रोके यानातःगु दु। अथेहे, मकवानपुरया हेटौँडा जूया चितवन वनिइगु गाडी न रोके याःगु दु। थौं बहनि ५ बजे लिपा चुनाव क्वचाये धुका ६ बजेलिपा गाडी चले याकेबिइगु धका ट्राफिक प्रहरीं धाःगु दु।

अत्यावश्यक सेवाया गाडी एम्बुलेन्स, फोहर उठे यायेगु, दुरु ल्ह्यइगु व अनुमति कयातःगु गाडी जक चले याकूगु दु।

तनहुँ क्षेत्र नं. १ य् प्रतिनिधिसभा सदस्यया लागि उपनिर्वाचन जारी जुयाच्वंगु दु ।

वंगु मंसिर ४ गते निर्वाचनय् विजयी नेपाली कांग्रेसया उम्मेदवार रामचन्द्र पौडेल राष्ट्रपति जुइवं खाली जूगु सांसद पदपूर्तिया लागि थौं उपनिर्वाचन जुइत्यःगु खः।

अन नेपाली कांग्रेसया गोविन्द भट्टराई, नेकपा एमालेया सर्वेन्द्र खनाल व रास्वपाया डा.स्वर्णिम वाग्ले लगायतपि उम्मेदवार जूगु दु।

उपनिर्वाचनया लागि तनहुँ क्षेत्र नम्बर १ य् १ लाख २३ हजार ३५० मतदातापि दु। उपनिर्वाचनया संवेदनशीलता यात ध्यानय् तया पृथ्वी राजमार्गया तनहुँ–१ खण्ड नाप स्थानीय राजमार्ग पूर्णरूपं बन्द याःगु द।

हिन्दु धर्मावलम्बीपिन्स वैशाख शुक्ल तृतीयाया दिं अक्षय तृतीया कुन्हु सातु नयेगु व साखःती त्वनाः हनेगु याइ।

नेवाः तयेसं थाय् थासय् साखःती त्वकेगु याइ। सातु व साखःती वैशाखय् यक्को तांन्वइगुलि अमृत थे जुइगुलि थःपिन्स न त्वनेगु व मेपिन्त न दान यायेगु वैदिक कालनिसे चलन व परम्परा दु।

सातु व साखःती त्वनेगु इलय् शरीरय् ल्वय् मदइगु व प्रतिरोधात्मक क्षमता अप्पोगु स्वास्थ्य विज्ञपिन्स धाःगु दु।

थौं वैशाख शुक्ल तृतीयाया दिं दान बिलकि यक्को अक्षय फल दइ थौं ज्या याइगु तसक बालाइगु धका न बिश्वास याइ।

बुंगद्यः जात्राया झ्वलय् पूच्वय् रथय् बुंगद्यः बिज्याकेगु ज्या जुगु दु ।

तःबहालय् तयातःम्ह बुंद्यःयात खतय् तया हसें पूच्वय् रथय् बिज्याकेगु ज्या जूगु खः ।