दोलखाया प्रदेश सभा २ य् नेकपा एमालेया भरतबहादुर केसी निर्वाचित जूगु दु।

मुख्य निर्वाचन अधिकृतया कार्यालय दोलखाया कथं केसी १९ हजार ४१४ मत हया प्रदेश सभा सदस्यय् निर्वाचित जूगु खः।

निकटत प्रतिद्वन्द्वी नेपाली कांग्रेसया बर्मा लामां १७ हजार ५९५ मत हःगु खः।

नेकपा एमालेया नेता नाप काभ्रे २ पाखे निर्वाचित सांसद गोकुल बाँस्कोटाया ख्वपय् च्वंगु छेँय् न्ह्यने शंकास्पद वस्तु लुइवं नेपाली सेनां डिस्पोज याःगु दु।

प्रेसर कुकरय् तयातःगु शंकास्पद खनेदुगुलि उगु वस्तु सेनाया बम डिस्पोजल टोलीं निष्क्रिय यासे जिल्ला प्रहरी परिसर, ख्वपया एसपी प्रजित केसीं धाःगु दु। उगु कुकरय् च्वंगु विष्फोटक पदार्थ मखु धका नेपाली सेनाया सहायक रथी नारायण सिलवालं धाःगु दु।

सिलवालया कथं शंकास्पद वस्तु नाप नेपाःया राष्ट्रिय ध्वाँय् व भचा पर्चा लुगु खः । प्रहरीया कथं छगु पर्चाय् कार्य मोर्चाया नामय् ‘स्वनिगलय् तधःपि नेतापि लिना छ्वयेगु’ धका उल्लेख यानातःगु दु।

युवा बौद्ध समूह, येँ व लुम्बिनी नेपलीज बुद्ध धर्म सोसाइटी, युकया मंकाः ग्वसालय् जुगु  ‘मानसिक स्वास्थ्यया लागि बुद्ध शिक्षा’ विषयक निबन्ध प्रतियोगिताय् त्याःपि च्वमिपिन्त छगु ज्याझ्वःयासे सिरपाः लःल्हागु दु।

झींप्यम्ह च्वमिपि दुगु उगु कासाय् पुष्प रत्न तुलाधर न्हाप, दीना कंसाकार ल्यु व जमुना गोसाइ ल्युयाल्यु जुगु खः। अथेहे हपाः सिरपाः सरोज कुमार बज्राचार्ययात लःल्हागु खः। सिरपाःया राशि न्हापयात च्याद्धः, ल्युयात खुद्धः, ल्युयाल्युयात प्यद्धः व हपाःयात निद्धः तका लःल्हागु खः।

उगु ज्याझ्वलय् बुद्ध विहार प्रमुख भिक्षु कोडण्य महास्थविरं निरोगी जुइत भगवान् बुद्धं इन्द्रिय संयम, भोजन मात्रा ज्ञान व जागरुकतायात बःबियादीगु धका धयादीगु खः। वयकलं धयादीगु दु बुद्ध शिक्षाया सार हे जीवन म्वायेगु कला खः।

युवा बौद्ध समूहया सल्लाहकार डा. त्रिरत्न मानन्धरं ल्याय्म्हपिन्त च्वयेगु कला विकास यायेगु कथं  बेलायतया धर्मानुरागी पासापिनिगु ग्वाहालि निदँय् छकः जीवनोपयोगी विषय बिया निबन्ध प्रतियोगिता सञ्चालन यायेगु जानकारी बियादीगु खः।

सोसाइटीया संस्थापक अध्यक्ष अमृत रत्न स्थापितं हरेक मनू तयेगु मानसिक समस्या दुगु तथ्ययात ध्यानय् तया आः पश्चिमा देशं न विपश्यना ध्यानयात उपचारय् छगु विधिया रुपय् मान्यता बिइ धुकुगु दु धका धयादीगु खः।

येँ महानगरपालिकााया विशेष ग्वाहालिं दयेके ज्या जूगु यलया बुंगद्यः जात्रालिसें स्वापु दुम्ह किपुुया प्यंगः थामय् विराजमान बुगद्यः वबुंगद्यःया मिसा धयातःम्ह द्यःया मुर्ति बखुमद अष्टमी कुन्हु यलया महाबौद्धय् छगू तःजिगुु ज्याझ्वःयासें लःल्हायेगु ज्या जुगु खः।

उगु ज्याझ्वलय् आर्थिक ग्वहालि, कलाकार, घःकु द्यः खलः, सम्बन्धित ब्यक्तित्वपिं सकलसित बेतालिं चिका स्वाँमाः क्वखायेका नेवाः परम्पराकथं खेँ सगं बिया सम्मान न याःगुु खः ।

हलिमय् हे ताःहाकगुु जात्रा कथं म्हसिउगु यलया बुुगद्यः जात्रा लिसे स्वापु दुगु छगूू किम्बदन्ती कथं जात्रा न्यायेकेगुु ज्याझ्वलय् बुुंगद्यः रथय् मदुु धैगुु खँ बयबय जुुल ।

किपु व यल देया साँस्कृतिक स्वाकेगु ज्या कथं न कायेछिंगु थुगु ज्याझ्वलय्लय् किपुपाखें नेवाः तिसाः वसः व साँस्कृतिक बाजं नाप करिब ३०० म्हेसिगु ब्वति दुगु उगु ज्याझ्वलय् यलया महाबौद्धय् जुगु ज्याझ्वलय् सभाध्यक्षता शान्तमान्द शाक्ययानादीगु ज्याझ्वः सुरज ब्यञ्जनकारं न्ह्याकादीगु खः ।

लहनान्युजया ग्वाहालिमि वरिष्ठ फोटोपत्रकार बालकृष्ण डङ्गोलया मां नानीमय्जु डङ्गोल ६४ दँय् मन्त।

निला न्ह्यः निसे वासः याकेगु झ्वलय् हरिसिद्धि क्यान्सर अस्पातालय् मदुगु खः। मदुम्ह नानीमय्जु डङ्गोलया निम्ह काय् निम्ह म्ह्याय् दी।

पत्रकार बालकृष्ण डंगोल तधिकम्ह काय् खः।