अनुसन्धान नाप सूचनामूलक कार्यशाला गोष्ठी लय् लय् पतिकं जूयावयाच्वंगु ज्याझ्वलय् अनसन्धानकर्ता जितेन्द्र बिलास बज्राचार्यं नेवाःतयेस हनावयावंगु गणेद्यःया कार्यपत्र न्ह्यब्वयादीगु खः।

वयकलं न्ह्यब्बयादीगु कार्यपत्रय् गणेद्यः नाप स्वानाच्वंगु विषयवस्तु गणेद्यःया बाहं, विराजमान दिशा, थीथी नां, गणेद्यःया थीथी ल्हाः,गणेद्यःया ज्वंसा, छु छु विशेषता ज्वनातःम्ह गणेद्यः गन गन बिराजमान जुयाच्वंगु धइगु बिषय न्ह्यब्बयादीगु खः। वयकःया कार्यपत्रय् गणेद्यःया ल्हाः निपाःनिसें झिंखपा तक दुगु धका धयादीगु खः।

गणेद्यः धायवं महाद्यः व पार्वतीया काय् धकाः थुइका वयाच्वंगु दु । मुख्यतया गणेद्यःयात गणपति, छपू वा दुम्ह परव्रम्ह हेरम्बा, लम्वेदर व विनायक खः धकाः नं धायगु याना वयाच्वंगु दु धका धयादीसे वयकलं छ्यं किसिया जूगुलिं कपाः तःग्वःगु, न्हायपं तपाःगु, मिखा चिग्वःगु व वाः नापंया स्वं नं दुम्ह द्यःया गणेद्यः धकाः थुइकेगु याना वयाच्वंगु खँ उलादीगु खः। नेवाःत हरेक पूजा यायेगु इलय् गणेद्यःयात निं पुजा याय्गु परम्परा दु धका धयादीगु खः।

वयकलं न्ह्यब्बयादीगु कार्यपत्रय् नेवाःतयसं छ्यलीगु सुकुन्दाय् नं गणेद्यः दइ । गणेद्यः न्ह्यगू शताव्दीपाखे ओडियानाचार्य नां याम्ह छम्ह तान्त्रिक नेपालय् वया चोभारय् हेवज्र नैरात्मायागु पुरशचरण च्वंगु धका धयादीसे गणेद्यःया नां कया वनेबलय् पूर्व स्वम्ह सूर्यविनायक, जल विनायक ( क्वयना गणेद्यः), कार्य विनायक, अशोक विनायक, चन्द्र विनायक खः।

नेवाःतय्सं गणेद्यःयात त्वाःया रक्षक, रिद्धिसिद्धिया प्रदायककथं माने यानातःगु दु धका धयादीगु खः। रत्नकीर्ति महाविहार (मखन बहाल) अध्ययन मण्डलया ग्वसालय् न्ह्याकूगु थुगु गोाष्ठीस उपस्थित थीथी व्यत्तित्वपिन्सं गणेद्यःया बारे न्ह्यसः तयादीगु खःसा उकिया लिसः वयकलं बियादीगु खः।

रविन्द्र बज्राचार्यया सभाध्यक्षताय् जूगु उगु ज्याझ्वः मण्डलया दुजः सुजन विलास बज्राचार्य न्ह्याकादीगुलि रत्नकीर्ति महाविहारया छु्याञ्जे सागरमान बज्राचार्यजुं थःगु धार्मिक नुगः खँ तयादीगु खः।कार्यपत्रय् टिप्पणी मदनसेन बज्राचार्यंं यानादीगु खः ।

बाग्मती प्रदेश कृषि तथा पशुपन्छी मन्त्री डा. राजेन्द्रमान श्रेष्ठं बग्मती प्रदेशय् नेपालभाषा व तामाङ भाषायात प्रदेशया सरकारी कामकाजया भाषा दयेकेगु नीतिं विधेयक पारित याना ऐन हयेत महत्वपुर्ण भुमिका म्हितेगु बचं बियादीगु दु ।

जेठ २७ गते शनिवाः लसहना नापं भिंतुना अले कार्यकाल सफलताया कामना यायेगु झ्वलय् मन्त्री डा. श्रेष्ठं उगु कथंया बचं कियादीगु खः ।

भिंतुना लेछाय्त मन्त्रीया छेँ मध्यपुर थिमि नगरपालिकाय् नेवाः देय् दबू स्वनिगः बिशेष प्रदेशया नायः श्रीकृष्ण महर्जन, बरिष्ठ ज्वकू नवीन थेच्वमि, छ्याञ्जे हरिबहादुर श्रेष्ठ, सचिवालय दुजः नापं अधिवक्ता नरेश श्रेष्ठ, ख्वप जिल्ला समितिया नायः नरेश नेवाः व छ्याघ्जे जिवनपति श्रेष्ठ वनादीगु खः।

प्रधानमन्त्री पुष्पकमल दाहाल प्रचण्डं शनिवाः पशुपति महाद्यःया दर्शन याःगु दु।

म्हिगः शनिवाः बहनि मन्त्रीपि नाप पशुपतिइ वना दर्शन याःगु खः। पशुपतिइ वयकःपिन्त संस्कृति, पर्यटन नाप नागरिक उड्डयनमन्त्री सुदन किरातीं  लसकुस याःगु खः।

म्हिगः प्रधानमन्त्रीनाप अर्थमन्त्री डा. प्रकाशशरण महत, ऊर्जा, जलस्रोत नाप सिंचाइमन्त्री शक्तिबहादुर बस्नेत, परराष्ट्रमन्त्री एनपी साउद, उद्योग, वाणिज्य नाप आपूर्तिमन्त्री रमेश रिजालपि थ्यःगु खः।

लुँ तोलां थौं च्यासः कुहावःगु दु। लुँ तोलां च्यासः कुहावया थौं १ लाख १२ हजार ५ सय रुपैयाँ कारोवार जूगु दु धका नेपाल सुन चाँदी व्यवसायी महासङ्घं धाःगु दु।

अथेहे, वहः न पीतका थहावःगु दु। वहः तोलां पीतका थहावना १ हजार ४ सय ५५ रुपैयाँ न कारोबार जूगु दु धका महासङ्घं धाःगु दु।

प्रधानमन्त्री पुष्पकमल दाहाल प्रचण्डं मन्त्रिपरिषद् पुनर्गठनया तयारी यायेत्यःगु दु। जनमत पार्टीयात सरकारय् हयेगु निति अथे पुनर्गठन यायेत्यःगु खः ।

वंगु पुस १० गते प्रधानमन्त्री जुइ धका प्रचण्ड जेठ ९ गते जक सरकारयात पूर्णता बिःगु खः।