सार्क जर्नलिस्ट फोरमं अनलाइन अन्तर्राष्ट्रिय वार्ता याःगु दु।

उगु अनलाइन अन्तर्राष्ट्रिय पत्रकार ज्याझ्वलय् अफगानिस्तानय् जुयाच्वंगु पत्रकारपिन्त यानाच्वंगु अत्याचारया बिरुद्ध सः थ्वयेकगु निति सार्क देशया सरकारपिन्त इनाप यायेगु व तालिबान सरकारयात अफगानिस्तानय् हानक मीडिया नाप पत्रकारपिन्त स्वतंत्र कथं ज्या याये दयेमाः धका माग याःगु खः।

उगु अनलाइन अन्तर्राष्ट्रिय पत्रकार ज्याझ्वलय् फोरमया अध्यक्ष राजु लामां संयुक्त राष्ट्र संघयात पौं च्वया अफगानिस्तानया पत्रकारपिनिगु समस्या ज्यकेत इनाप याये धका धयादीगु दु खः।

अथेहे अफगानिस्तानय् मिसा पत्रकार अमीना आजिजीं थथे अफगानिस्तानया अवस्था जुया वन धाःसा आः मिसा पत्रकारिता व मिसा पत्रकारपि तनावनिइ धका च्यूता कया सार्क जर्नलिस्ट फोरमया अध्यक्ष (अंर्तराष्ट्रीय) राजू लामायात संयुक्त राष्ट्र संघयात पौं च्वया अफगानिस्तानया पत्रकारपिनिगु समस्याया समाधान यानाबीइत इनाप याःगु खः।

उगु ज्याझ्वलय् महाराष्ट्रया प्रदेश अध्यक्ष अनिल सांब, पाकिस्तानी पत्रकार हसनैन चौधरी, भूटानय रिंग्जिÞक वांगचुक, भारतया अनिरुद्ध व नेपाःपाखे प्रकाश सिलवाल, नृपेन्द्रलाल श्रेष्ठ व रत्नकाजी महर्जन नाप थीथी देशं ब्बति काःगु खः।

किपू नगरपालिका ६ वडा क्वाःरय् ‘भिँछेँ अय्लाः प्यालेस’ नेवाः रेष्टुरेन्ट चालीगु जूगु दु ।

वंगु शुक्रबाः छगू पत्रकार सम्मेलन यासें भिँछेँ नेवाः प्यालेसया दिनेश महर्जनं थ्वहे वइगु १४ फेब्रुअरी भ्यालेन्टाइन डेया दिं मंगलबाः कुन्हु रेस्टुरेन्टया उलेज्या जुइगु जानकारी बियादिल ।

स्थानीय क्वाःरया भैरव सनाः गुथिं रेस्टुरेन्ट संचालनय् हय्त्यंगु खः । उगु गुथिया ५५ म्ह दुजःतय् सक्रियताय उगु रेस्टुरेन्ट चायेकेत्यनागु जानकारी नं महर्जनं बियादिल । उलेज्याया दिं मंगलबाः १४ फेब्रुअरी भ्यालेन्टाइन डेकुन्हु सांगितिक लाइभ कन्सर्ट नं जुइगु धाःगु दु ।

थौं भ्यालेन्टाइनस डे अथे धइगु प्रेम दिवस ।

नेपाः नाप हलियकंच्वपिन्स मतिनायाइपिन्स थुगु दिवस हनिइगु याइ। छवाः तक न्ह्याइ भ्यालेन्टाइन्स डे अन्तरगत थौं दकलय् महत्वपूर्ण व लिपागु दिं खः।

थौं उपहार देछाना हनिइगु याइ। नेपालय् लिपागु इलय् फेब्रुअरी १४ कुन्हु प्रणय दिवस नेपालय् लोकंह्वाःगु दु।

आन्दोलन यानाच्वपि यातायात मजदुरपिन्स माछापोखरीइ अस्थायी प्रहरी बिट न च्याकाबिःगु दु।

थौं न्हिनय् १ बजेनिसे उगु थासय् आन्दोलन यानाच्वपि मजदुरपिन्स छु ई न्ह्यः जक प्रहरीया निगः भ्यान न च्याकाबिइ धुकुगु दु। प्रहरीविरूद्ध आक्रामक रुपं वयाच्वपि आन्दोलनकारीपिन्स नकतिनि हे अस्थायी प्रहरी बिट न च्याका बिःगु दु।

नेवाः पुचः नारायणगढं नेवाः मिसा मचातय् इहि ज्याझ्वः याइगु जूूगु दु ।
नेवाः पुचः नारायणगढं नेवाः समुदायया हे गुरु पुरोहित द्यःबाज्यापिनिगु पाखें मंकाः कय्ता पूजा व इहि याय्त्यंगु खः । पुचलं शनिबाः नारायणगढय् पुचःया ज्याकुथिइ  पत्रकार सम्मेलन यासें मंकाः इहि व कय्तापूजा ज्याझ्वः याय्त्यनागु जानकारी ब्यूगु दु।

फागुन २५ गते मंकाः ब्रतबन्ध व फागुन २८ र २९ गते इहि ज्याझ्वः याय्त्यनागु पुचःया नायः शुक्रकुमार श्रेष्ठं जानकारी बियादिल । ‘नेवाः कर्मकाण्ड याकीपिं द्यः बाज्यापिनिगुपाखें हे संस्कार याकेमाः धकाः येँय्नं हे द्यःबाज्यापिं सःताः विधिपूर्वक मंकाः कय्तापूजा व इहि ज्याझ्वः याय्त्यनागु खः’ नायः श्रेष्ठं धयादिल ।

मंकाः इहि ज्याझ्वःया कजि सुष्मा पियां न्यादँ, न्हय्दँ, गुदँ व ११दँया नेवाः मिसा मचातय् इहि याय्त्यनागु जानकारी बियादिल ।