सरकारं संघीय संसदपाखे पारित याःगु राष्ट्रपति कार्यालयय् अलपत्र जुयाच्वंगु नागरिकता विधेयक प्रमाणीकरणया लागि राष्ट्रपतियात इनाप यायेगु निर्णय याःगु दु।

शुक्रवाः च्वंगु मन्त्रिपरिषदया बैठकं वःगु असोजनिसे राष्ट्रपति कार्यालय निर्णयविहीन जुयाच्वंगुलि विधेयक प्रमाणीकरण यायेत इनाप यायेगु निर्णय याःगु खः।

निवर्तमान राष्ट्रपति विद्या भण्डारीं प्रमाणीकरण मयासे राष्ट्रपतिया कार्यालय अलपत्र याःगु नागरिकता विधेयक गये याना टुग्यें यायेगु धइगु बारे राष्ट्रपति रामचन्द्र पौडेलं कानूनी परामर्श याःगु खः।

वयकलं विधेयक प्रमाणीकरण यायेगु आधार व कानूनी धरातलवारे न्ह्यसः तयाच्वंगु खः। प्रधानमन्त्री पुष्पकमल दाहालं महान्यायाधीवक्ता नाप संवैधानिक मामिलाया कानुन व्यवसायपि नाप विधेयक न्ह्यने यकिइगु वारे परामर्श याना वयाच्वंगु खः।

प्रतिनिधिसभाया थौं च्वंगु बैठकय् पशुपतिइ जलहरीबारे वःगु न्ह्यसःया विषयमा सर्वदलीय बैठक जारी जूगु दु।

सभामुखया कार्यकक्षय् दक्को दलया प्रमुख सचेतक व तधःगु दलया सचेतकपिन्स ब्बति काःगु दु। जेठ १० गते माओवादी केन्द्रया सांसद लेखनाथ दाहालं एमाले अध्यक्ष केपी शर्मा ओलीया नेतृत्वय् सरकारं पशुपतिइ जलहरी तःगु इलय् अनियमितता जूगु धका न्ह्यसः तःगु खः।

लुँया जलहरी धका सिजः तःगु द्धपः बिःगु खः। उगु द्धपःया सत्यताया आधारित मदुगु धका धासे एमाले न विरोध याःगु खः। एमाले न मखु द्धपः बिःगु धासे प्रतिनिधिसभाया बैठक हे अवरुद्ध यागुलि समाधानया लँपू मालेगु निति सर्वदलीय बैठक च्वःगु खः।

सर्वदलीय बैठक नयाँ वानेश्वरस्थित सभामुख देवराज घिमिरेया कार्यकक्षय् सर्वदलीय बैठक जूया च्वंगु दु।

पशुपति द्यःया गजूलय् जलहरी लुँया खः कि सिजःया खः धइगु न्ह्यसः संसदय् थौं वःगु दु।

जेठ १० गते प्रतिनिधिसभाया बैठकय् नीति तथा कार्यक्रमया छलफलय् ब्बतिइ कायेगु झ्वलय् सत्तारुढ दल नेकपा माओवादी केन्द्रया सांसद लेखनाथ दाहालं तत्कालीन प्रधानमन्त्री केपी शर्मा ओलीया इलय् अनेकन भ्रष्टाचार जूगु धका द्धपः बिःगु खः।

दाहालं धाःगु दु, ‘वयकः (केपी शर्मा ओली) सरकारया इलय् गुलि न भ्रष्टाचारया काण्ड वःल ? गुलि, ओम्नी, वाइडबडी, स्वास्थ्य सामाग्रीइ निगु अर्बया भ्रष्टाचार। थुलि जक मखु, पशुपतिइ जलहरी तःगु इलय् लुँ तयेगु धका सिजः तया भ्रष्टाचार थे यक्को भ्रष्टाचारया काण्ड दु।’ सत्तारुढ दलया सांसदं पशुपतिइ लुँ धका सिजःयो जलहरी तःगु द्धपः बिःगु धासे प्रमुख प्रतिपक्षी नेकपा एमाले न थौं शुक्रवाः प्रतिनिधिसभाया बैठकय् न्ह्यसः तःगु खः।

थुगु विषयया सत्य तथ्य न्ह्यने महतले संसद न्ह्याके बिइमखु धका एमाले न अडान तःगु कारण शुक्रवाःया प्रतिनिधिसभा बैठक हे प्रभावित जूगु दु। एमालेया अवरोधलिपा सभामुख देवराज घिमिरे न बैठक हे स्थगित याःगु खः।

सजाय माफ याना थःत कैदमुक्त यायेगु माग यासे रेशम चौधरीं पौं राष्ट्रपति रामचन्द्र पौडेलं गृह मन्त्रालयय् छ्वःगु दु।

आम माफीसम्बन्धी प्रचलित कानुन, सर्वोच्चया फैसला, सर्वोच्च अदालतपाखे प्रतिपादित सिद्धान्त अःखः मजुइगु कथं कानुन बमोजिम यायेत धका राष्ट्रपति कार्यालयं गृह मन्त्रालय फाइल लित छ्वःगु धका राष्ट्रपतिया प्रेस सल्लाहकार किरण पोखरेलं जानकारी बिःगु दु।

टिकापुरय् २०७२ भदौय् न्ह्यम्ह सुरक्षाकःमि व छम्ह मचा मदुगु  हिंसात्मक घटनाय् दोषी ठहर जुइवं जन्मकैदया सजाय फय्चा च्वम्ह रेशमं ल्यःदुगु सजाय माफीया लागि बिःगु निवेदन गृह मन्त्रालयपाखे राष्ट्रपति कार्यालय छ्वःगु खः। चौधरी २०७४ फागुन १५ निसे कुता तःगु खः। रेशमयात अदालतं तोके याःगु जन्मकैदया सजाय कथं, २० दँ तक कैद भुक्तान यायेमाः।

अथेहे टिकापुरय् जुगु हत्याय् नेपाल प्रहरीया इन्स्पेक्टर केशव बोहराया जहान शारदा बोहरां राष्ट्रपति कार्यालय बिःगु निवेदनय् राष्ट्रपति कार्यालयं गृह मन्त्रालयया कार्यालये छ्वःगु खः। वयकलं रेशम लगायतयात थुनामुक्त याये मज्यु धका माग तया राष्ट्रपति कार्यालय निवेदन बिःगु खः।

नेकपा एमालें थौं स्थानीय तहया पार्टी याःगु जनप्रतिनिधिपिन्त अनुशिक्षण बिइगु जुगु दु। एमाले न पार्टी केन्द्रीय कार्यालय च्यासलय् निन्हुया अनुशिक्षण बिइत्यःगु खः।

अनुशिक्षण ज्याझ्वःया उलेज्या पार्टी अध्यक्ष केपी शर्मा ओलीं याइगु जुगु दु।