मिसा साहित्यकार मुना पुचःया ग्वसालय् वाङ्गमय शताब्दि पुरुष सत्यमोहन जोशीयात लुमंका सत्यमोहन लुमंका साहित्यिक ज्याझ्वः जूगु दु ।

उगु ज्याझ्वः यलया बखुम्बहालय् च्वंगु शताब्दी पुरुष जोशीया छेँय् निस्वनातःगु सत्यमोहन लोक साहित्य भवनया प्राङ्गनय् जूगु खः ।

मिसा साहित्यकार मुनाया नायः अन्जना ताम्राकारया सभाध्यक्षताय् जूगु उगु ज्याझ्वलय् प्रा डा सुन्दर कृष्ण जोशी मूपाहाँ कथं झायादीगु खः ।

ज्याझ्वलय् दिव्या ताम्राकारं शताब्दीपुरुष जोशीया जीवनी व मिसा साहित्यकार मुनायाबारे म्हसीका न्ह्यब्वयादीगु खः । अथेहे लोक साहित्य परिषदया नायः राजित बहादुर श्रेष्ठ, लुम्बिनि बौद्ध विश्वविद्यालयया डिन प्रा मानिक रत्न शाक्य, साहित्यकार प्रतिसरा सायमि व लोककवि राजभाई जकःमिपिन्सं नुगः खँ तयादीगु खः ।

मीना बज्राचार्य, बद्रि बेदना, दिलबहादुर चित्रकार तुयु पुं, निजिरोस श्रेष्ठ, रिता महर्जन, सुरेश प्रधान यल, दिब्या बज्राचार्य, रामेश्वर मिश्र जलन लगायतया साहित्यकारपिन्सं थःथःगु रचना ब्वना न्यंकादीगु खः।

ट्राफिक प्रहरीया नियमविरुद्ध आन्दोलन यानाच्वपि बालाजु क्षेत्रया यातायात मजदुरपिन्स प्रहरीया भ्यान मिँ तया च्याकाबिःगु दु।

बालाजुया बाइपास माछापोखरी सतकय् आन्दोलनकारीपिन्स प्रहरीया भ्यानय् मिँ तयाबिःगु खः।

अन्दोलनकारीपिन्स मू सतकय् हे प्रहरीया छगः गाडी च्याका बिःगु खःसा मेगु छगः गाडी तोडफोड याना बिःगु दु।

प्रदर्शनकारीपिन्स प्रहरीं सतकय् तयातःगु डिभाइडर न च्याका बिःगु खः।

ट्राफिक नियमविरुद्ध आन्दोलन यायेगु निति दयकातःगु यातायात मजदुरपिन्स थौें बालाजुइ सतकय् पंगः थःगु दु।

छु ई न्ह्यः जक उमिस सतकय् सवारी साधन दिकाः बालाजु चुकय् सतक अबरुद्ध यानाबिःगु दु। लँ दथुइ सतकय् हे सवारी साधन दिकाः मजदुरपिन्स लँय् पंगः थना यातायात आवागमन अवरुद्ध यानाबिःगु खः।

प्रहरी वृत्त बालाजुया कथं बालाजु चुकः माछा पूखलि सतकय् पंगः थहाबिःगु खः। ट्राफिक नियम यातायात मजदुरया हितय् मदु धका धासे लँय् पंगः थनाबिगु खः।

नेपाल सरकारं कोरोनाविरुद्धया बुस्टर डोज याःगु फाइजर हःगु दु।

कोभ्याक्स सुविधापाखे हःगु १५ लाख डोजमध्ये न्हापागु चरण थौं सुथय् ३ लाख ४५ हजार डोज खोप येँ हःगु दु।

ल्यः दनिइगु खोप फागुन ४, ८, ११ व १५ गते ३ लाख ४५ हजार लिपागु इलय् हइगु धका स्वास्थ्य सेवा विभागया आपूर्ति व्यवस्थापन शाखा प्रमुख सुरेन्द्र चौरासियां धाःगु दु।

आः हयेत्यःगु खोप १२ दँ स्वया च्वयेच्वपि निगु डोज पूरा याये धुकुपि नागरिकपिन्त बिइगु सरकारं तयारी यगु दु। उगु खोप ‘वाइभ्यालेन्ट’ न ओमिक्रोन व उकिया सब भेरियन्टहरुविरुद्ध न ज्या याइ धका धाःगु दु।

आः टेकइ च्वंगु केन्द्रीय कोल्डचेनय् तया तःगु दु सा उगु खोप छु ईलिपा दक्को प्रदेशय् छ्वयेगु योजना दु धका विभागं धाःगु दु।

ताप्लेजुङया फक्ताङलुङ गाउँपालिका–७ या ओलाङचुङ्गोलाय् केन्द्रबिन्दु जूया थौं सुथय् भुखाय् ब्बःगु दु।

राष्ट्रिय भूकम्प मापन केन्द्रया कथं र्थौं सुथय् ४ः३० बजे ताप्लेजुङया लेलेप व ओलाङ्चुङ्गोला जःखः केन्द्रबिन्दु जूया ४.८ म्याग्निच्युडया भुखाय् ब्बःगु खः ।

ताप्लेजुङ नाप च्वःगु जःखः जिल्लाय् तक भुखाय् ब्बःगु महसुस जूगु खः।