येँ महानगरपालिकाया प्रमुख प्रशासकीय अधिकृत सहसचिव बसन्त अधिकारीयात दयेकुगु दु।

अधिकारीयात संघीय मामिला व सामान्य प्रशासन मन्त्रालयया अधिकारीयात प्रमुख प्रशासकीय अधिकृतका रूपय् सरूवा याःगु खः।

अधिकारीयात आइतवाः निसें महानगरयय् कार्यभार सम्हाले यायेत्यःगु दु।

नेकपा एमालें थ्व हे मंसीर ४ गते जुइगु प्रतिनिधिसभाया लागि येँया १० गू निर्वाचन क्षेत्रया उम्मेदवार सिफारिस याःगु दु । उकी मध्ये स्वंगू निर्वाचन क्षेत्रपाखें छम्ह–छम्ह जक उम्मेदवारया नां सिफारिस जुगु दु।

एमालें थौं १० गु क्षेत्रया पार्टी कमिटीया मुँज्या च्वंगु खःसा उगु मुँज्यां १ नं. क्षेत्रय् विदुर मैनाली, रुपनारायण श्रेष्ठ व टिकाराम भट्टराईया नां सिफारिस याःगु दु । अथेहे, २ नं. क्षेत्रं मणिराम फुयाँल व कृष्ण राईया नां सिफारिस जुगु दु। ४ नं. क्षेत्रं राजन भट्टराई व निर्मल लुईंटेलया नां सिफारिस जुगु दु सा ५ नं. क्षेत्रं ईश्वर पोखरेल छम्हेसिया नां सिफारिस जूगु खः।

अथेहे, ६ नं. क्षेत्रय् कल्पना रिजाल, योगेन्द्र संग्रौला, लेखनाथ फुयाँल, प्रेमराज सिलवाल, माधवप्रताप थापा, मीना थापा व हरिशंकर तिम्लिसिनाया नां सिफारिस जूगु दु । ७ नं. क्षेत्रय् बि.पि. ढकाल, इन्दिरा पन्त, श्यामसुन्दर घिमिरे, विद्यासुन्दर शाक्य व रघुजी पन्तया नां सिफारिस जूगु दु ।

८ नं. क्षेत्रं राजेश शाक्यया नां जक सिफारिस जूगु दु। अथे हे, ९ नं. क्षेत्रं धाःसा स्वम्ह नेवाःतय् नां सिफारिस जूगु दु । थथे सिफारिस जूपिं सांसद कृष्णगोपाल श्रेष्ठ, प्रदेश सभाया सांसद अजयक्रान्ति शाक्य व पुलांम्ह मेयर विद्यासुन्दर शाक्यया नां सिफारिस जूगु दु । विद्यासुन्दर शाक्यया नां क्षेत्र नं. ४ नं सिफारिसय् लाःगु दु ।अथे हे, १० नं. क्षेत्रं नं न्याम्ह नेवाःतय् नां सिफारिस जूगु दु ।

थथे सिफारिस जूपिं विनोद श्रेष्ठ, रमेश महर्जन, सुरेन्द्र मानन्धर, शम्भुराम महर्जन व सरब महर्जनया नां सिफारिस जूगु दु ।

वंगु २४ घण्टाया दुने देयन्यक २७१ म्हेसित कोरोना भाइरस संक्रमण पुष्टि जूगु दु। अथेहे छम्हेसिगु ज्यान वंगु दु।

स्वास्थ्य तथा जनसंख्या मन्त्रालयया कथं २ हजार ४८५ म्हेसित पीसीआर परीक्षण याःगुलि २२४ म्ह व १ हजार ४३५ म्हेसित एन्टिजेन परीक्षण याःगुलि ४७ म्हयाना २७१ म्हेसित संक्रमण पुष्टि जूगु दु धका मन्त्रालयं धाःगु दु।

२४ घण्टाय् १७५ संक्रमणमुक्त जूगु दु।

मंसिर ४ गते जुइगु प्रदेश व प्रतिनिधिसभा चुनावय् सिटया बाँडफाँट यायेत च्वंगु सत्ता गठबन्धनया शीर्ष नेतापिनिगु बैठक निष्कर्षय् थौं न मथ्यःगु दु।

बहनि ५ बजेनिसे ८ बजेतक सिट बाँडफाँट यायेगु विषय छलफल यायेत शीर्ष नेतापिनिगु सहमतिइ मजुगु कन्ह्यः हाकन बैठक च्वनिइगु धका धाःगु दु।

चुनावी तालमेल यायेगु इलय् थःपिन्त १०० सिट माः धका दावी नेपाली कांग्रेसं याःगु दु। माओवादीं ६०, नेकपा एकीकृत समाजवादीं ४०, जसपां ३२ व जनमोर्चा न निगु सिटया दावी याःगु खः।

नेवाः पत्रकार राष्ट्रिय दबु धादिङ जिल्लाय् स्वक्वःगु जिल्ला अधिवेशन थौं क्वचाःगु दु।

थौं जुगु अबिधेशनं सर्बसम्मत कथं अध्यक्षय् सन्तोषराज श्रेष्ठयात ल्यःगु दु।

अथेहे उपाध्यक्षय् राजाराम डङ्गोल, सचिवय् लक्ष्मी शाक्य, कोषाध्यक्षय् मनिश श्रेष्ठयात ल्यःगु खः।

अथेहे दुजलय् कल्पना श्रेष्ठ, सुजन श्रेष्ठ व सुरेश श्रेष्ठयात सर्वसम्मतं ल्यःगु खः।