सुनसरी १ य् जनता समाजवादी पार्टीया अशोककुमार राई निर्वाचित जूगु दु।

राई राष्ट्रिय स्वतन्त्र पार्टीया गोमा तामाङयात पराजितयासे प्रतिनिधि सभा सदस्यय् निर्वाचित जूगु खः। राई न १७ हजार ५९ मत हःगु खःसा तामाङं १६ हजार ६०६ मत हःगु खः।

अथेहे माओवादीया मुक्सामहाङ्ग सुब्बां १३ हजार ८७ मत हःगु खः। राप्रपाया अशोककुमार राई न ७ हजार ८८४, एमालेपाखे विद्रोह यना स्वतन्त्र उम्मेदवारी बिउम्ह मनोजकुमार मेयाङ्गबो न ७ हजार ८१२, स्वतन्त्र तर्कबहादुर मगरं ३ हजार ८१८, कुमार कार्कीं १ हजार ८६४, मातृकाप्रसाद भट्टराई न १ हजार ७६० मत हःगु खः।

नेपाली कांग्रेस नेता प्रकाशमान सिंह न थौं नेकपा एमालेया अध्यक्ष केपी शर्मा ओलीयात वयकःया निवास बालकोट नापलावंगु दु।

येँया १ पाखे प्रतिनिसभा सदस्यय् निर्वाचित जूम्ह सिंह थौं आइतबाः बहनि ५ बजेय् बालकोट नापालागु खः।

थौं नाप लायेगु झ्वलय् ओलीं प्रकाशमान सिंहयात भिंतुना बिःगु धका सिहंया प्रेस संयोजक यूपी लामिछाने न धाःगु दु।

प्रतिनिधिसभा निर्वाचनया सुनसरी–२ य् नेकपा एमालेया भीम आचार्यं निर्वाचित जुगु दु।

आचार्यं ३२ हजार ८ मत हया निर्वाचित जुगु खः। निकटतम् प्रतिद्वन्द्वी नेपाली कांग्रेसया सीताराम मेहतां २६ हजार ५८ मत हःगु खः।

धनुषा– १ या प्रतिनिधि सभा सदस्यय् जनता समाजवादी पार्टीया दीपक कार्की निर्वाचित जूगु खः।

निकटतम प्रतिस्पर्धी नेकपा माओवादी केन्द्रया उपमहासचिव मातृका यादवयात ५ हजार ४८ मतं पराजितयासे कार्की निर्वाचित जूगु खः।

कार्की न २७ हजार ४३१ मत हया निर्वाचित जुगु खःसा यादवं २१ हजार ४८३ मत हःगु खः।

अथेहे जनमत पार्टीया उम्मेदवार किशोरी साह न १४ हजार ४६७ मत हःगु खः। कार्की एमाले जसपा गठबन्धनया उम्मेदवार खःसा यादव सत्तारुढ गठबन्धनया उम्मेदवार खः।

इलाम २ या प्रतिनिधिसभा सदस्यय् नेकपा एमालेया नेता सुवासचन्द्र नेम्वाङ निर्वाचित जूगु दु।

नेम्वाङं ११४ मतं कांग्रेस उम्मेदवार डम्बरबहादुर खड्कायात पराजित याःगु खः।

नेम्वाङं ३० हजार २० मत हःगु खःसा खड्कां २९ हजार ९०६ मत हःगु खः।