श्रद्धेय भन्ते धर्ममूर्ति महास्थवीरजु व श्रद्धेय भन्ते शान्त सिद्धार्थ स्थवीरया ल्हातं नेपालभाषाया च्वमि नाप कवि पुष्परत्न तुलाधरं च्वयादीगु बुद्धधर्मय् गर्भावक्रान्ति सफू चिखि फ्यने ज्या आनन्द कुटी विहार स्वयम्भूइ मंकाः कथं शनिवाः पितब्बज्या जुगु दु।

नेपालभाषा परिषदया ग्वसालय् जुगु उगु ज्याझ्वलय् सफूच्वमि पुष्परत्न तुलाधरजुं लसकुस याना न्ह्याःगु खः । ज्याझ्वलय् पितव्वज्या जूगु सफूयात कयाः धर्ममूर्मि भन्तेपाखें गर्भधारण जूम्ह जीवयात गर्भधारणया विकास जुया वनिबलय् थीथी दुःख जुइगु खँ थुगु सफू ब्वनेबलय् सिकेफइगु धारणा तया बिज्यासें धर्मय् नं थुकथंया खँत दुला धैगु सिके फइगु सफू ब्वना स्वल धाःसा प्रष्ट जुइगु खँ वसपोल कयाबिज्यागु दु।

कवयित्री प्रतिशरा सायमिं न्ह्याकादीगु उगु ज्याझ्वलय्, भिक्षु धर्ममूर्ति महास्थवीर, मंगला कारन्जितं थःथःगु नुगँ खँ तयादीगु खः।

नेपाल भाषा व साहित्य ख्यलय् वंगु ६० दँ निसे सक्रियया एतिहासिक संस्था विराट नेपालभाषा साहित्य सम्मेलन गुथि, ख्वपया नी छक्वःगु तःमुज्या व न्यय्निक्वःगु दँ जःमुज्या क्वःचाःगु दु।

शनिवाः जुगु उगु ज्याझ्वःया सल्लाहकार त्रिरत्न मानन्धरं उलेज्या याना न्हाःगु खः। उगु तःमुज्यां अध्यक्षय् महेन्द्रगोपाल कर्माचार्य सर्वसम्मत ल्यःगु खः।

अथेहे उपाध्यक्षय् महेन्द्रलाल कायस्थ, सचिवय् प्रदीपरत्न शाक्य, कोषाध्यक्षय् रामगोपाल चगुठी व सहसचिवय् सूलोचना सैँजूयात न सर्वसम्मतं ल्यःगु खः।

 दुजलय् हिरण्य साङ्गामी, विजेन्द्रवीर कर्माचार्य, इन्द्र शाखः, रत्नालक्ष्मी भैल, योगी स्यःस्यःयात ल्यःगु खः।

येँया जात्राया लागि यसिं थनेगु निति थौ भोताहिति सालाः हनुमानध्वाखाय् हःगु दु।

हनुमानध्वाखाय् यसिं थनेवं येँया जात्रा औपचारिक रुपं न्ह्याइगु खः। थुगु यसिं भाद्र २२ गते सुथय् थनिइगु जुगु दु।

नेकपा एमालेया उपाध्यक्ष नाप पूर्व गृहमन्त्री रामवहादुर थापा (बादल) या मां मन्त।

बादलया मां नन्दकुमारी थापा थौं आइतबाः सुथय् ७ बजे चितवनया क्षेत्रपुरय् थःगु निवासय् मदुगु धका एमालेया स्थानीय नेता सुरज थपलियां जानकारी बिःगु दु।

नेपालभाषाया संकिपाख्यलय् ताःइनिसें सक्रिय छगू इलय् नां जाःगु “फयगं” टेलिसिरियल निर्माता लिसें कलाकार सुरेश स्थापितया अबु द्वारिका स्थापित थौं सुथय् आकाझाकां मन्त ।

८२ दँ दुम्ह द्वारिका स्थापितया स्वम्ह म्ह्याय् व छम्ह काय् दु । मदुम्ह स्थापितया दाह संस्कार येँया टेकु घाटय् जुइगु खँ वयकःया छेँजःपिन्सं जानकारी बिगु दु।