वंगु २४ घण्टाया दुने देयन्यक १७३ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं २ हजार ८३९ म्हेसिगु परीक्षणय् १७३ म्हेसित संक्रमण पुष्टि जुगु खः।

६४३ म्हेसिगु पीसीआर परीक्षणय् ६५ म्ह व २ हजार १९६ म्हेसिगु एन्टिजेन परीक्षणय् १०८ म्ह याना १७३ म्हेसित संक्रमण पुष्टि जूगु दु।

वंगु २४ घण्टाय् ३९६ म्ह संक्रमणमुक्त जुगु दु धका मन्त्रालयं धागु दु। आःतक देयन्यक कोरोना भाइरसया सक्रिय संक्रमितपि ३ हजार १२ म्ह थ्यःगु दु।

नेवाः समुदायपिनिगु आस्थाय् घाः लाका व्यंग्य याःगु धाःसे कमेडियन अपूर्व क्षितिज सिंहविरूद्ध जिल्ला प्रहरी परिसर येँ जाहेरी बिःगु दु।

थौं शनिबाः नेवाः समुदायया अभियन्तापिन्स टेकुइ वना सिंहविरूद्ध जाहेरी बिःगु खः। सिंह न स्ट्यान्डअप भिडिओ कमेडी क्याफेया युट्युब च्यानलपाखे ‘नेवाः परम्परा’ शीर्षकय् तःगु खः।

नेवा समुदायया भाषा, संस्कृति नाप सभ्यताय् लक्षित यासे अपमानजनक व्यंग्य याःगु धासे जाहेरी बिःगु खः। जाहेरीइ मतियार जूपिन्त तक कारबाहीया माग याःगु दु।

सिंहं हाँस्यव्यंग्य यायेगु झ्वलय् नेपाल भाषा, नयेगु व मिसापिन्त व्यंग्य याःगु द्धपः बिःगु खः। सिंहविरूद्ध ८५ म्हेसित जाहेरी बिःगु खः।

नेवाः देय् दबूया अध्यक्ष पवित्र बज्राचार्य न कमेडियन अपूर्व क्षितिज सिंह थःगु स्ट्यान्डअप कमेडीइ नेवाः समुदाययात अपमान यायेगु ज्या याःगुलि कार्वाही यायेत माग याःगु दु ।

दबूया अध्यक्ष बज्रचार्य थौं शनिवाः छगू वक्तब्य पिकया नेवाः बिराधी सकतां ज्या खँयात बिरोध यानाः धकाः न्ह्यथंनातःगु दु ।

उगु वक्तब्यय् कमेडियन अपूर्व क्षितिज सिंह न्ह्यब्वःगु कमेडिइ नश्लीयता सम्वधि अपराध व भाषिक हिंसा जुगु धासें सकलं पक्ष जिम्मेवार व सचेत जूयत इनाप याःगु दु।

संस्कृति, पर्यटन नाप नागरिक उद्यानमन्त्री जिवनराम श्रेष्ठं संस्कृतियात आर्थिक आर्जन याना समाज नाप स्वायेमाः धका बः बियादीगु दुु।

थौं येँ महानगरपालिका २३ वडाय् दफ्तर युवा क्लव भवनया उलेज्या यानादीसे मन्त्री श्रेष्ठं संस्कृति, मौलिक जात्रा व परम्परायात समुदाय नापं स्वाना पर्यटन ख्यलय् बिकास यायेमाः धका धयादीगु खः। उगु ज्याझ्वलय् संस्कृतियात सरक्षण याना उकियात आन्तरिक नाप पिनेया पर्यटकपिनिगु लागि आकर्षण यायेफत धाःसा बालाक्क आयआर्जन जुइफइ धका धयादीगु खः।

मन्त्री श्रेष्ठं धयादीगु दु ‘ जि थःगु कार्यकालया सुरुनिसे देयन्यक सिथिल अवस्थाय् दुगु पर्यटन ख्यःयात न्हुगु ढंग गये याना उत्थान यायेगु धका कार्ययोजना हे तयार याये धुकगु दु। स्वनिगःया मौलिक जात्रा, परम्परा, सम्पदाया माध्यमं पर्यटक अप्पोके फइ धका धयादीगु खः।

उगु ज्याझ्वलय् नेवाः दबुया अध्यक्ष पबित्र बज्राचार्य, वडा न २३ या अध्यक्ष मचारजा महर्जन, क्लवया सरक्षकं रबिचरण श्रेष्ठपिन्स थःथःगु बिचाः तयादीगु खः।

येँ महानगरपालिकां त्रिपुरेश्वरय् च्वंगु राहदानी विभागय् अण्डरग्राउण्ड पार्किङ खाली याकूगु दु।

ट्राफिक व्यवस्थापनया लागि अण्डरग्राउण्ड पार्किङय् बः बियावयच्वंगु महानगरया टोलीं थौं शुक्रबाः राहदानी विभागय् अनुगमन याःगु खः।

उगु झ्वलय् बेसमेन्टय् प्रतिक्षालयया रुपं छ्यलाच्वंगुलि नगर प्रहरीपिन्स अन च्वंगु मेच चिइका बिःगु खः।