Display Style:
Column Style
सशस्त्र प्रहरी महानिरीक्षक व अमेरिकी राजदूत थम्पसन भेटवार्ता
लहनान्युज | थिंलाथ्व तृतीया ११४३, मंसीर १० शनिवाः
सशस्त्र प्रहरी महानिरीक्षक राजु अर्यालव व अमेरिकी राजदूत डिन आर थम्पसन दथुइ शिष्टाचार भेटवार्ता जूगु दु।
शुक्रबाः सशस्त्र प्रहरी बल मुख्यालय हल्चोकय् महानिरीक्षक अर्याल व राजदूत थम्पसन दथुइ भेटवार्ता जूगु खः।
राजदूत भएर वये धुका थम्पसनं महानिरीक्षक अर्यालनाप थ्व हे न्हापागु पटक नापलागु खः। नापलायेगु झ्वलय् महानिरीक्षक अर्याल व राजदूत दथुइ निगु देय्या सम्बन्धय् खँल्हावल्हा जुगु खः धका सशस्त्र प्रहरीया सहायक प्रवक्ता डीएसपी शैलेन्द्र थापां जानकारी बिःगु दु।
रुपन्देही–३ य् गृहमन्त्री बालकृष्ण खाण बुइगु निश्चित
लहनान्युज | थिंलाथ्व तृतीया ११४३, मंसीर १० शनिवा
रुपन्देही–३ य् गृहमन्त्री बालकृष्ण खाँण बुइगु निश्चित जुगु दु।
राष्ट्रिय प्रजातन्त्र पार्टी (राप्रपा) या दीपक बोहोरानाप लिउने लानाच्वंम्ह खाँण बुइगु निश्चित जूगु दु।
करिब २५ सय मतगणना यायेगु ल्यः दनिइगु इलय् बोहोरां २८ सय मत न्ह्यने लाये धुकुगु दु ।
आः दक्को मत नेपाली कांग्रेसया उम्मेदवार खाँणयात वःसा त्याइगु अवस्था मदु।
थःगु निर्वाचन क्षेत्रय् जुगु धाधँली जुगुलि झलनाथया द्धपः
लहनान्युज | थिंलाथ्व तृतीया ११४३, मंसीर १० शनिवा
पूर्वप्रधानमन्त्री झलनाथ खनालं थःगु निर्वाचन क्षेत्रय् जुगु चुनावय् धाधँली जुगुलि हाकन मतदान यायेमाः धका धाःगु दु।
मत गणनाया झवलय् कुहावःगु मत स्वया अप्पो मत वःगुलि हाकन मतदान यायेमाः धका धाःगु दु।
लिपागु इलय् गणना जूगु खुगु केन्द्रय् मत गणना यायेगु झ्वलय् कुहावःगु स्वया २६६ अप्पो मत गणना जूइवं खनालं हाकन मतदान यायेगु माग याःगु खः।
आः छगु पत्रकार सम्मेलन थुकिया जानकारी बिइगु तयारी दु धका धाःगु दु।
काभ्रे–२ य् एमालेया गोकुल बाँस्कोटा निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
काभ्रे–२ या प्रतिनिधिसभाय् नेकपा एमालेया नेता गोकुल बाँस्कोटा निर्वाचित जूगु दु।
वयकलं नेपाली कांग्रेसया उम्मेदवार शिवप्रसाद हुमागाईयात ५ हजार ८६३ मतं पराजित याःगु दु।
बाँस्कोटां ४५ हजार ३४५ मत हःगु खःसाल हुमागाईं न ३९ हजार ४८२ व राष्ट्रिय स्वतन्त्र पार्टीया दिनेश हुमागाईं न १० हजार ५८६ हःगु खः।
सिरहा–३ य् एमालेया लीलानाथ श्रेष्ठ निर्वाचित
लहनान्युज | थिंलाथ्व द्धितीया ११४३, मंसीर ९ शुक्रवाः
सिरहा–३ य् नेकपा एमालेया लीलानाथ श्रेष्ठ निर्वाचित जूगु दु।
थौं शुक्रबाः न्हिनय् जुगु मतगणना कथं श्रेष्ठं २८ हजार ६४ मत हया निर्वाचित जुगु खः।
वयकःया प्रतिस्पर्धीे नेकपा माओवादी केन्द्रया विश्वनाथ साह न २६ हजार ८८२ मत हःगु खः ।
अथेहे जनमत पार्टीया दिनेशकुमार यादवं ११ हजार १४६ व राष्ट्रिय प्रजातन्त्र पार्टीया गोवद्र्धनदास तत्मा न १ हजार २५९ मत हःगु खः।
