राष्ट्रिय स्वतन्त्र पार्टीया स्वम्ह मन्त्रीपिन्स राजीनामा बिःगु दु। म्हिगः बहनि प्रधानमन्त्री निवास बालुवाटारय् वना रास्वपापाखे श्रम, रोजगार नाप सामाजिक सुरक्षामन्त्री डोलप्रसाद अर्याल, शिक्षा, विज्ञान नाप प्रविधिमन्त्री शिशिर खनाल व स्वास्थ्य नाप जनसंख्या राज्यमन्त्री तोसिमा कार्की न प्रधानमन्त्री पुष्पकमल दाहाल प्रचण्डयात राजीनामा लःल्हागु दु धका प्रधानमन्त्रीया सचिवालयं जानकारी बिःगु दु।

प्रधानमन्त्री पुष्पकमल दाहाल प्रचण्डं रास्वपायात गृह मन्त्रालय मबिइगु व भौतिक पूर्वाधार नाप यातायात मन्त्रालय प्रस्ताव याःगु खः।

रास्वपां उगु प्रस्ताव स्वीकार मयासे सरकारं पिहावनेगु निर्णय याःगु खः । पार्टीया निर्णयबमोजिम मन्त्रीपिन्स राजीनामा बिःगु खः।

प्रधानमन्त्री पुष्पकमल दाहाल प्रचण्डं थौं संसदय् प्रतिनिधित्व यानाच्वपि दलया प्रमुख सचेतकपि नाप मंकाः कथं सहलह याइगु  जुगु दु।

उगु सहलह सुथय् ९ बजे बालुवाटारय् प्रधानमन्त्री निवासय् यायेत्यःगु दु। प्रतिनिधिसभा बैठकयात प्रभावकारी दयकेगु विषय प्रमुख सचेतकपि नाप सहलह यायेत्यःगु धका प्रधानमन्त्रीया सचिवालयं धाःगु दु।

 चिनाखया ख्यलय् पलाः न्ह्याकावया च्वंपिं नेवाः मिस्त दथुइ “सृजनात्मक च्वज्या व कविता लेखन” यात कया शनिवाः छगू कार्यशाला जूगु दु ।

किपूया हिलसाइड होटेल एण्ड रिसोर्ट्स जूगु उगु मुंज्या नेपालभाषा एकेडेमीया साहित्य कवःया ग्वसालय् जूगु खः । भाषाह्यःमि डा ज्योतिप्रभा तुलाधरया संयोजन व सहजीकरण यानादीगु उगु मुंज्याय् ग्वसाखलःया साहित्य कवः कजि त्रिरत्न शाक्यं लसकुसयासे देशया शासन प्रणाली हिले धुंकल धइगु अनुभूति खस भाषायापिं छथ्वः त्वता नेवाः भाय् लगायत मेमेगु भाय्या साहित्य सृजनाख्यलय् अनुभुत मजूनि धका धयादिलसा नेपालभाषा एकेडेमीं थज्यागु लकसय् छुं नं ज्याय् थाकुया च्वन धका धयादिल ।

ज्याझ्वलय् मुंज्या संयोजक तुलाधरं नेपालभाषा एकेडेमी थेंज्यागु नेवाः तयेगु गौरवशालि प्राज्ञिक संस्थां छुं ज्या यायेत स्रोतं साधन मगाना च्वंगु दु धका न्यना नुगः मछिन धका धासे एकेडेमीया ग्वसालय् थुकथं न्हूपिं पुलांपिं मिसा चिनाखँमि मुंका कार्यशाला जूगु यात च्वछाया दिल ।

सहसंयोजन कवि रजनीमिलां यानादीगु खःसा मुंज्याय् कवियत्री प्रतिसरा सायमिं मिसा छम्ह साहित्यकारया जीवनय् वइगु हाथ्या व च्वज्याय् निरन्तरताया बारे खँ तयादिल। मुंज्याया लिपांगु चरणय् नांजाम्ह चिनाखँमि व संचाःकःमि सुरेशकिरण मानन्धरं आधुनिक चिनाखंया विषयवस्तु व प्रस्तुतिकरण व नांजाम्ह साहित्यविद् व संचाःरकःमि रमेशकाजी स्थापितं चिनाखंय् ध्वनि, छन्द व लय् बारे खँ कनादिल ।

न्हूपि व पुलांपिं मिसा चिनाखँमि पिनिगु ब्वति दूगु उगु मुंज्याय् शोभा महर्जन, रश्मी नापित, हिसिलिना शाक्य, शिमला शर्मा, मिनर्वा शर्मापिन्स ब्वति काःगु खः । न्हापांगु चरणया ज्याझ्वलय् एकेडेमीया भाइस चान्सलर मल्ल के सुन्दर, सदस्य सचिव डा पुष्पराज राजकर्णिकार लगायत एकेडेमीया कार्य समिति दुजःपिनिगु नं विशेष ब्वति दूगु खः । आः थ्व मुंज्या मेगु ब्व कथं याकनं हे मिसा च्वमिपिनिगु चिनाखं ब्वज्या जुइगु खँ नं उगु मुंज्यां क्वछिउगु दु।

राष्ट्रिय स्वतन्त्र पार्टी (रास्वपा) सरकारं पिहावनेगु निर्णय याःगु दु। केन्द्रीय सदस्य व सांसदपिनिगु मंकाः बैठकं सरकारं पिहावनेगु निर्णय याःगु दु।

सरकारयात बियातःगु समर्थन धाःसा लितमकायेगु निर्णय जुगु दु धका छम्ह केन्द्रीय सदस्यं धाःरास्वपाया मन्त्रीपिन्स राजीनामा बुझे याइगु राष्ट्रिय स्वतन्त्र पार्टीया मन्त्रीपिन्स थौं आइतबाः हे प्रधानमन्त्री पुष्पकमल दाहाल प्रचण्डयात राजीनामा बुझे याइगु जुगु दु।

रास्वपाया केन्द्रीय समिति व संसदीय दलया मंकाः बैठकं सरकारपाखे पिहावेनगु निर्णय याःगु दु। बैठकलिपा ग्वसाः ग्वःगु पत्रकार सम्मेलनय् सभापति रवि लामिछाने न पार्टी न मन्त्री जूपि आइतबाः हे राजीनामा बुझे यायेगु जानकारी बिःगु दु।

रास्वपापाखे श्रम, रोजगार नाप सामाजिक सुरक्षामन्त्री डोलप्रसाद अर्याल, शिक्षा, विज्ञान नाप प्रविधिमन्त्री शिशिर खनाल व स्वास्थ्य नाप जनसंख्या राज्यमन्त्री डा. तोसिमा कार्की जूगु खः। सिल्लाथ्व पुन्ही ११४३, माघ २२ आईतवाःगु दु।

रास्वपापाखे डोलप्रसाद अर्याल श्रममन्त्री, शिशिर खनाल शिक्षामन्त्री व डा. तोसिमा कार्की स्वास्थ्य राज्यमन्त्री जूगु खः। रास्वपा सभापति रवि लामिछाने उपप्रधान नाप गृहमन्त्री जूगु खः। तर नागरिकता मुद्दाय् वंगु माघ १३ गते सर्वोच्च अदालतं सांसद पद खारेज यायेवं पदमुक्त जूगु खः।

राष्ट्रिय स्वतन्त्र पार्टी (रास्वपा) सरकारं पिहावनेगु निर्णय याःगु दु। केन्द्रीय सदस्य व सांसदपिनिगु मंकाः बैठकं सरकारं पिहावनेगु निर्णय याःगु दु।

सरकारयात बियातःगु समर्थन धाःसा लितमकायेगु निर्णय जुगु दु धका छम्ह केन्द्रीय सदस्यं धाःगु दु।

रास्वपापाखे डोलप्रसाद अर्याल श्रममन्त्री, शिशिर खनाल शिक्षामन्त्री व डा. तोसिमा कार्की स्वास्थ्य राज्यमन्त्री जूगु खः। रास्वपा सभापति रवि लामिछाने उपप्रधान नाप गृहमन्त्री जूगु खः।

तर नागरिकता मुद्दाय् वंगु माघ १३ गते सर्वोच्च अदालतं सांसद पद खारेज यायेवं पदमुक्त जूगु खः।