Display Style:
Column Style
येँ महानगरय् बालेन शाह न्ह्यने
लहनान्युज | बछलागा पारु ११४२, जेष्ठ ३ मंगलवाः
येँ महानगरपालिकाय् स्वतन्त्र उम्मेदवार बालेन शाह अझ न न्ह्यने लानाच्वंगु दु।
बालेन शाह न आःतक ९ हजार ६ सय १४ मत काये धुकुगु दु सा एमालेका मेयर उम्मेदवार केशव स्थापित ५ हजार १ सय ५७ मत काउगु दु।
अथेतु कांग्रेसया सिर्जना सिंह न ४ हजार ४ सय ७७ मत काउगु दु।
किपू नगरपालिकाय् कांग्रेसया मेयर व उपमेयर निर्वाचित
लहनान्युज | बछलाथ्व पुन्हि ११४२, जेष्ठ २ सोमवाः
किपू नगरपालिकाय् मेयर व उपमेयर नाप ४६ म्ह जनप्रतिनिधिपि नेपाली कांग्रेसपाखे निर्वाचित जुगु दु सा एमालेपाखे निम्ह मिसा सदस्यय् निर्वाचित जुगु खः।
मेयरय् कांग्रेसया राजकुमार नकःमि व उपमेयरय् शुभलक्ष्मी शाक्य निर्वाचित जुगु दु।
मेयरय् नकःमिं ९ हजार ४३ मत हया निर्वाचित जुगु खःसा एमालेया केशरत्न बज्राचार्य न ५५०७ मत काउगु खः।
अथेहे उपमेयरय् कांग्रेसया शुभलक्ष्मी शाक्यं ८६६५ मत हःगु खःसा एमालेया उम्मेदवार विन्दु महर्जनं ७२०६ हःगु खः।
कांग्रेसं मेयर, उपमेयर नाप १० मध्ये ९ वडाध्यक्ष व ३३ म्ह वडा सदस्यपि त्याकूगु खः।
दक्षिणकाली नगरपालिकाया मेयरय् कांग्रेसया मोहन बस्नेत निर्वाचित
लहनान्युज | बछलाथ्व पुन्हि ११४२, जेष्ठ २ सोमवाः
दक्षिणकाली नगरपालिकाया मेयरय् नेपाली कांग्रेसया मोहन बस्नेत निर्वाचित जुगु दु।
बस्नेतं नेकपा एमालेया उम्मेदवार श्रीराम आचार्ययात २ हजार ९ मत अन्तर पराजित याउगु खः।
बस्नेतं ७ हजार २०१ व आचार्यं ५ हजार १९२ मत काउगु खः। नेपाली कांग्रेसया बस्नेत २०७४ या स्थानीय तह निर्वाचनय् न कांग्रेसपाखे मेयरय् निर्वाचित जुगु खः।
अथेहे उपमेयरय् कांग्रेसया हे बसन्ती तामाङ निर्वाचित जुगु दु।
येँ महानगर वडा ३२ या मतगणना हाकन सुरु
लहनान्युज | बछलाथ्व पुन्हि ११४२, जेष्ठ २ सोमवाः
येँ महानगरपालिका वडा नम्बर ३२ य् मतगणना हाकन सुरु जुगु दु।
सोमबाः सुथय् मत गणना जुयाच्वंगुलि नेकपा एमाले व सत्तारुढ दलया प्रतिनिधिपि दथुइ विवाद जुया मतगणना स्थगित जुगु खः।
लया प्रतिनिधिपि दथुइ चर्काचर्की जुगुलि सुरक्षाकर्मी तक परिचालन याउगु खः।
विवाद जुगु वडा सदस्यया मत हाकक ल्याखायेगु सहमति जुगुलि मतगणना सुरु जुगु दु।
इन्द्रसरोबर गाउँपालिकाया अध्यक्षय् नेकपा एमालेया देवकृष्ण पुडासैनी शर्मा निर्वाचित
लहनान्युज | बछलाथ्व पुन्हि ११४२, जेष्ठ २ सोमवाः
मकवानपुरया इन्द्रसरोबर गाउँपालिकाया अध्यक्षय् नेकपा एमालेया देवकृष्ण पुडासैनी शर्मा निर्वाचित जुगु दु।
पुडासैनीं नेपाली कांग्रेसया विश्व लामायात पराजित याउगु खः। इन्द्रसरोबर गाउँपालिकाया प्रमुख व उपप्रमुख निगुलि हे नेकपा एमालेया उम्मेदवार निर्वाचित जुगु खः।
गाउँपालिकाया उपप्रमुखय् एमालेया हे उमाकुमारी लामा निर्वाचित जुगु खः। प्रमुख पुडासैनीं ३ हजार ७२२ मत हःगु खःसा नेपाली कांग्रेसया विश्व लामां ३ हजार ४७२ मत हःगु खः।
अथेहे उपप्रमुखय् एमालेया लामां ३ हजार ७२५ मत हःगु खःसा नेपाली कांग्रेसया निर्मला रुम्बा ३ हजार ६५६ मत हःगु खः। इन्द्रसरोबर गाउँपालिकाय् न्यागु वडामध्ये नेपाली कांग्रेसं स्वंगु व नेकपा एमाले निगु वडाय् त्याकूगु खः।
