न्ह्यने येँया क्षेत्र नं ६ (१) प्रदेस सभाय् नेपाली कांग्रेसया हरि प्रभा श्रेष्ठ खड्गी न्ह्यने लानाच्वंगु दु।

कांग्रेसया खड्गी ३३३१ मत हया न्ह्यने लाःगु दु। अथेहे राष्ट्रिय प्रजातन्त्र पार्टीया जगत सागर महर्जनं ३०१६ मत, एमालेया निरेशलाल सिह महर्जन २८११ मत व नेकपा माओवादीया रबिन्द्र प्रसाद श्रेष्ठं ९१४ मत काःगु दु।

अथेहे नेमकिपाया देवलक्ष्मी महर्जनं ५६८ मत व जसपाया गणेश शाक्यं ३५९ मत हःगु दु।

येँ क्षेत्र नम्बर ६ य् नेपाली कांग्रेस व एमालेया उम्मेदवार दथुइ कडा प्रतिस्पर्धा जुयाच्वंगु दु।

लिपागु मतगणनाय् कांग्रेसया उम्मेदवार भिमसेन दास प्रधान व एमालेया सर्वेन्द्र खनाल दथुइ प्यगु मतं न्ह्यने लिउने लानाच्वंगु दु।

एमालेया खनाल प्यंगु मत ३६ सय ३८ हःगु दु सा प्रधानं ३६ सय ३४ मत हःगु दु । दकलय् न्ह्यने राष्ट्रिय स्वतन्त्र पार्टीया शिशिर खनालं ५ हजार ६ सय ८४ मत हःगु दु।

यल निर्वाचन क्षेत्र नं २ या प्रदेशसभा १ य् नेकपा एमाले विजयी जुगु दु।

थौं मंगलबाः सम्पन्न मतगणनाय् एमाले उम्मेदवार रामेश्वर श्रेष्ठ विजयी जुगु दु धका निर्वाचन आयोगं धाःगु दु।

श्रेष्ठं कुल ८ हजार २ सय ९८ मत हःगु दु। श्रेष्ठया निकटतम प्रतिद्वन्द्वी राष्ट्रिय प्रजातन्त्र पार्टीया धनराम केसी न ६ हजार ८ सय ५१ मत हःगु खः।

राजनीतिक दलहपिनिगु समानुपातिक निर्वाचन प्रणाली अन्तर्गत जुयाच्वंगु मतगणनाय् एमाले न्ह्यने लानाच्वंगु दु।

समानुपातिकय् आःतक एमाले न ८३ हजार १८९ मत हये धुकुगु दु सा कांग्रेसं ७० हजार १९ मत हःगु दु।

अथेहे गं न ३५ हजार २८ मत, माओवादी केन्द्रं ३२ हजार ९३ मत, राप्रपां १९,७३६ मत काःगु दु ।

जसपां ५ हजार ९८९ मत, जनमत पार्टी न ५६३९ मत हये धुकुगु दु। नेपाल मजदूर किसान पार्टी न ४४३९ मत, नागरिक उन्मुक्तिं ३६९८ मत काःगु दु सा  नेकपा एसं ३५९४ मत हःगु दु।

कैलाली क्षेत्र नम्बर ३ य् नागरिक उन्मुक्ति पार्टी न प्रतिनिधिसभा सदस्यया खाता चाय्कूगु दु।

उगु क्षेत्रय् पार्टीया गंगाराम चौधरी २३ हजार १२० मत हया विजयी जूगु दु।

नेकपा माओवादी केन्द्रया कृष्णकुमार चौधरी १७ हजार ७४९ मत हःगु खः। चौधरी सत्ता गठबन्धनया उम्मेदवार खः।

नेकपा एमालेया गौरीशंकर चौधरीं ९ हजार ८७४ मत, राष्ट्रिय प्रजातन्त्र पार्टीया बिरेन्द्र बमं ७ हजार ४७ मत हःगु खः।