Display Style:
Column Style
यल महानगरय् चिरिबाबु न्ह्यने
लहनान्युज | बछलाथ्व पुन्हि ११४२, जेष्ठ २ सोमवाः
यल महानगरपालिकाय् सत्ता गठबन्धनया उम्मेदवार नेपाली काँग्रेसया चिरिबाबु महर्जन न्ह्यने लाउगु दु।
महर्जन आःतक २ हजार ५ सय ७१ मत काउगु दु सा एमालेया हरिकृष्ण व्यञ्जनकारं १ हजार सय ८४ मत काउगु दु।
भरतपुर महानगरय् विजय सुवेदी न्ह्यने
लहनान्युज | बछलाथ्व पुन्हि ११४२, जेष्ठ २ सोमवाः
भरतपुर महानगरय् नेकपा एमालया मेयर उम्मेदवार विजय सुवेदी न्ह्यने लायगु दु।
गठबन्धनया पाखे माओवादीया उम्मेदवार रेनु दाहालयात सुवेदीं २९ मतं न्ह्यने वःगु दु। थौं सोमबाः सुथय् ३ः३० बजेतक भरतपुर महानगरय् ८ हजार ५ सय ९१ मत ल्याखाय् धुकुलि सुवेदीं ३ हजार ७५ मत व दाहालं ३ हजार ४६ मत हःगु दु।
अथेहे भरतपुर महानगरया उपमेयरय् कांग्रेसया चित्रसेन अधिकारी ३ हजार ३ सय १ मत व एमालेया समर्थनय् राप्रपाया हिमला गुरुङं २ हजार ४ सय ५ काउगु दु।
यल महानगरय् कांग्रेसया चिरिबाबु न्ह्यने
लहनान्युज | बछलाथ्व चतुर्दशी ११४२, जेष्ठ १ आईतवाः
यल महानगरपालिकाय् गठबन्धनपाखे कांग्रेसया उम्मेदवार चिरिबाबु महर्जन न्ह्यने लानाच्वंगु दु।
आःतक २ हजार ६२६ मतगणना जुगुलि कांग्रेसया उम्मेदवार महर्जनं १ हजार ३८९ मत काउगु दु सा एमाले उम्मेदवार हरिकृष्ण व्यणन्जकारं ५९२ मत काउगु दु।
अथेहे उपप्रमुखय् एमालेया उम्मेदवार मन्जली शाक्यं ६७१ मत हःगु दु सा गठबन्धनया माओवादीपाखे उम्मेदवार बाबुराज बज्राचार्य न ३७८ मत काउगु दु।
राप्रपाया स्वणिमा शाक्यं २९५ मत हःगु दु।
अनिता मानन्धर मन्त
लहनान्युज | बछलाथ्व चतुर्दशी ११४२, जेष्ठ १ आईतवाः
वर्ल्ड नेवाः अर्गनाइजेसन नेपाः च्याप्तरया दुजः अनिता मानन्धर मन्त।
वयकः थौं न्हिनय् २.३० बजे हरिसिद्धी नेपाल क्यान्सर अस्पतालय् ६५ दँय् मदुगु खः।
वयकः निन्हु न्ह्यः सास ल्हायेगु समस्या जुइवं अस्पतालय् यकूगु खः।
मदुम्ह मानन्धर डा. सुमित्रा मानन्धर गुरुङ व डा.लोचन मानन्धरया केँह खः।
येँ महानगरय् एमालेया १ वडाध्यक्षय् भरतलाल श्रेष्ठ निर्वाचित
लहनान्युज | बछलाथ्व चतुर्दशी ११४२, जेष्ठ १ आईतवाः
येँ महानगरपालिकाया वडा न १ य् वडाध्यक्षय् भरतलाल श्रेष्ठ निर्वाचित जुगु दु।
श्रेष्ठं ६२२ मत हया निर्वाचित जुगु खः। निकटतम प्रतिस्पर्धी नेपाली कांग्रेसया किरण श्रेष्ठं ५९८ मत काउगु खः।
