नेकपा (एकीकृत समाजवादी) येँ महानगरपालिका १५ या शाखा अध्यक्ष राजा शाक्ययात कारवाही याःगु दु।

शाक्यं स्वतन्त्र उम्मेदवारी बिइवं पाटीया निर्णय अःखः ज्या याःगु धासे येँ जिल्ला कमिटीं पार्टीया साधारण सदस्य तक मजुइगु कथं कारवाही न्ह्याकूगु खः।

बिहीबाः जिल्ला कमिटी अध्यक्ष एलपी श्रेष्ठं छगु पत्र जारीयासे शाक्ययात कारवाही यानागु धका जानकारी बिःगु खः। श्रेष्ठं जारी याःगु पत्रय् शाक्ययात पार्टीया निर्णय विपरित ज्या याःगु धका धासे साधारण सदस्य तक मजुइगु कथं कारवाही यानागु धका उल्लेख याःगु दु।

नेकपा (एकीकृत समाजवादी) येँ जिल्ला निर्वाचन क्षेत्र नम्बर ८ अन्तरगत महानगरपालिका १५ या शाखा अध्यक्ष तक जुयादीम्ह शाक्यं पार्टीया निर्णय अःखः स्वतन्त्र उम्मेदवारी घोषणा याःगु खः।

नेकपा एमाले क्षेत्र न ८ य् थौंनिसे घरदैलो ज्याझ्वः न्ह्याकुगु दु।

क्षेत्र न ८ य् थौं येँया नबहीनिसे सुरुयाना दफतर, न्हुसा, लाय्कूसा, झोछेँ जुया नबहीलय् क्वचायकूगु खः।

थौं जुगु घरदैलो ज्याझ्वलय् एमाले ८ या प्रतिनिधि सभाय् शिवसुन्दर राजबैध व बागमती प्रदेशसभा क्षेत्र न ८ (१) य् राजेश शाक्यं उम्मेदवारी बिःगु खः।

संस्कृति, पर्यटन नाप नागरिक उड्डयनमन्त्री व बाम (लोकतान्त्रिक गठबन्धनपाखे येँ ८ य् प्रतिनिधि सभा सदस्यया लागि उम्मेदवार जीवनराम श्रेष्ठं थौंनिसे घरदैलो अभियान सुरु याःगु दु।

थौं बिहीबाः स्वयम्भुनिसे अभियान यानादीसे मन्त्री श्रेष्ठं थःगु निर्वाचन क्षेत्रयात नमुना क्षेत्रया रुपं विकास यायेगु प्रतिवद्धता यानादीगु खः। सहरयात माःगु पूर्वाधार निर्माणया ज्या न्ह्याकेगु बचं बियादीसे वयकलं थःगु क्षेत्रयात सांस्कृतिक नाप पर्यटकीय केन्द्रया रुपं विकास यायेगु धका धयादीगु खः।

वःगु कार्यकालय् थःगु अप्पो थे ज्या पुरा यानागु दु धका धयादीसे वयकलं संघीय संसदय् दुगु जनमुखी कानुन दयकेगु नाप थःगु निर्वाचन क्षेत्रयात नमुना दयकेगुलि सक्रिय भुमिका म्हितेगु जुइ धका धयादीगु खः। शिक्षा, स्वास्थ्य, भौतिक पुर्वाधार व पर्यटनयात बहुआयमिक विकासय् थः आफु केन्द्रित जुइ धका धयादीगु खः।

मन्त्री श्रेष्ठं, ‘पर्यटकीय आकर्षणया योजना न न्ह्यने हयेगु’ धका धयादीगु खः। घरदैलो अभियानया न्हापागु दिं येँया क्षेत्र न ८ या भगवान पाउ, विजेश्वरी, बडेगाल, फुर्के सल्ला, तल्लो बिजेश्वरी, सशुख्वाट मार्गर डल्लु चौताराय् बाम–लोकतान्त्रिक गठबन्धनया प्रतिनिधिसभा नाप प्रदेशसभाया उम्मेदवारपिन्स मतदाता भेटघाटया ज्याझ्वः न्ह्याकूगु खः।

यल महानगरपालिका वडा २१ य् आः वालय् छन्हु नेवाः वसः पुनाः ज्याकुथिइ ज्या याः वयेगु निर्णय जूगु दु ।

वंगु न्हूदँ ११४३ निसें वडा अध्यक्ष, वडा सदस्यपिं व कर्मचारीत सकसिनं नेवाः वसः पुनाः ज्याकुथिइ वयेगु धकाः निर्णय याःगु खः ।

उगु निर्णय लिपा वडा अध्यक्ष रविन्द्र महर्जन लिसें वडा सदस्य व मेपिं कर्मचारीत नं नेवाः वसः पुनाः ज्याकुथिइ वःगु खः ।

सरकारी ज्याकुथिइ कर्मचारीतय्सं पुनीगु बिस्कं हे वसःया व्यवस्था याना तःगु दु ।

नेपाल संवत न्हूदँ राट्रिय समारोह समिति ११४३ या ग्वसालय् शंखधर दिवस लखुतीर्थय् छगु ज्याझ्वः जुगु दु।

थौं जुगु उगु ज्याझ्वलय् समारोह समिति ११४३ या नायः प्रा.डा. नरेशमान बज्राचार्य, सल्लाहकार समितिया नायः तीर्थराम डंगोल, निवर्तमान नायः निरजनरत्न शाक्य लिसे बिशिष्ट मनूपिनिगु उपस्थिति दुगु खः।

नेपाल सरकार पाखें शखधर शाख्वायात राष्ट्रिय विभुति घोषणायाःगु न्हिंया लुमन्ति देय् दँसं कछला थ्व दशमीया दिंयात शखधर दिवस कथं हनावयाच्वंगु खः ।