स्वनिगःया फोहर व्यवस्थापनया ज्या थौंनिसे रोके जुगु दु। थ्व स्वया न्ह्यः फोहर व्यवस्थापन याना वयाच्वंगु नुवाकोटया सिसडोलय् दीर्घकालीन फोहर व्यवस्थापन जुइगु थाय् बञ्चरेडाँडा वनिइगु २ किलोमिटर लँ मर्मत यायेगु ज्या जुयाच्वंगुलि छवाः तक फोहोर ढुवानीया ज्या बन्द याउगु खः।

सहरी विकास मन्त्रालयं फोहरया गाडी वयेगु वनेगु लँ मर्मतया ज्या जुयाच्वंगु धासे येँ महानगरपालिकायात छु दिं फोहोर ढुवानीया गाडी चले मयायेत इनाप याउगु दु।अथे इनाप याउगु कथं येँ महानगरं थौंनिसे फोहोर व्यवस्थापन ज्या रोके याउगु खः।

न्हि न्हि स्वनिगलय् १ हजार २०० मेट्रिकटन फोहोर सिसडोलय् व्यवस्थापन याना वयाच्वंगु खः। उकिमध्ये येँ  महानगरपाखे ५०० मेट्रिकटन फोहर फिहावइ। निजी व येँ महानगरं न्हि २०० गः गाडी फोहर वनाच्वंगु खःसा आः मुस्किलं ५० गः गाडी जक सिसडोल वनाच्वंगु दु।

भाषा आयोगया सिफारिसय् वागमती प्रदेशय् सरकारी कामकाजी भाषा कथं नेपालभाषा व तामाङ भाषायात लागू यायेमाःगु माग याना नेवाः देय् दबू किपू नगर समितिं साउन ४ गते किपुलिइ प्रदर्शन याःगु दु।

किपूया लोकतान्त्रिक चोकय् मुना प्रदर्शन शुरु याःगु खः। उगु प्रदर्शनय् देय् दबू किपू नगर समितिया अध्यक्ष बुद्धिलाल ज्यापु, किपू नगर समितिया सल्लाहकार उज्जल महर्जन, येँ जिल्ला समितिया न्वकू रामभोला महर्जन, दबू स्वनिगः विशेष प्रदेशया दुजः अधिवक्ता नरेश श्रेष्ठपिन्सं भाषा आयोगया सिफारिस कथं नेवाः भाय् व तमाङ भाय्यात वागमती प्रदेशय् सरकारी कामकाजि भाषाया रुपय् कार्यान्वयन यायेमाः धकाः माग यानादिल।

अनं लिपा प्लेकार्ड सहित जुलुस पिकया किपूया न्हूबजाः लागााय् चाःहिउगु खः। सभाय् मूवक्ता कथं देय् दबू स्वनिगः विशेष प्रदेशया अध्यक्ष श्रीकृष्ण महर्जनं साउन ५ गतेनिसें वागमती प्रदेशया संसदया अधिवेशन जूगुलिं संसदया दबाव बिइगु नितिं जूगु प्रदर्शन तकं पायछि इलय् पायछि ज्या जुल धकाः धयादिल।

वयकलं यदि वागमती प्रदेशं भाषा आयोगया सिफारिस कथं नेपालभाषा व तामाङ भाषायात सरकारी कामकाजिया भाषाया रुपय् लागू मयात धाःसा तःधंगु आन्दोलन यायेत बाध्य जुइ धकाः ख्याच्वः बियादीगु खः।

वंगु २४ घण्टाया दुने देयन्यक थप ३९१ म्हेसित कोरोना संक्रमित जुगु दु।

३ हजार ९८१ गु स्वाब नमुना परीक्षण याउगुलि ३९१ म्हेसित कोरोना सक्रमित जुगु खः। अथेहे ४६ म्ह संक्रमणमुक्त जुगु दु।

आःतक देयन्यक २ हजार २७६ म्ह सक्रमित जुुयाच्वंगु दु धका स्वास्थ्य तथा जनसंख्या मन्त्रालयं धाउगु दु।

दक्षिण अफ्रिकाया लागि नेपाली राजदूतय् दानबहादुर तामाङ नियुक्त जुगु दु।

बुधबाः राष्ट्रपति विद्यादेवी भण्डारीं तामाङयात राजदूतय् नियुक्त याउगु खः।

मन्त्रिपरिषदं राजदूतय् सिफारिस यायेवं तामाङया नां संसदीय सुनुवाई समितिइ नियुक्तिया लागि अनुमोदन याउगु खः।

नेप्से ४.८९ अंक (०.२४ प्रतिशत) न थहावना थौ २०५०.५९ बिन्दुइ थ्यःगु दु। नेम्सेय् थौं बैंकिङ व्यापार, होटल नाप पर्यटन, हाइड्रोपावर व जीवन बीमा उपसूचक घटे जुगु दु।

विकास बैंक वित्त कम्पनी लगायतया उपसूचक धासा थहावंगु दु। वित्त कम्पनी उपसूचक १.९१ प्रतिशतं थहावंगु दु। बजाः थौं मंगलबाःया तुलनाय् कारोबार रकम धासा घटे जुगु दु।

मंगलबाः २ अर्ब २९ करोड ९३ लाखया कारोबार जुगुलि थौं बुधबाः ४१ लाख ३३ हजार ७०९ कित्ता सेयर किनबेच जुगुलि १ अर्ब ७३ करोड १८ लाख कारोबार जुगु खः। कारोबार जुगु मध्ये शिवम् सिमेन्ट लिमिटेडय् १६ करोड ४३ लाखया कारोबार जुगु दु। \

अथेहे हिमालयन डिस्टिलरीइ ७ करोड ३१ लाख व आइसीएफसी फाइनान्सया ५ करोड ३१ लाखया कारोबार जुगु खः। बुधबाः यक्को थहावंगुलि ५.६९ प्रतिशत कर्णाली डेभलपमेन्ट बैंकया ४.३५ प्रतिशत व शिवम् सिमेन्टय् ३.८७ प्रतिशतं थहावःगु दु।

अथेहे घटे जुगुलि प्यगु ऋणपत्र व सामुहिक लगानी कोषया खः। सूचीकृत कम्पनी इमर्जीङ नेपालया सेयर भाः ४.३१ प्रतिशतं कुहावंगु खः। १७९ कम्पनीया सेयर कारोबार जुगुलि ८६ कम्पनीया सेयर भाः थहावःगु दु। अथेहे ८७ कम्पनीया सेयर भाः कुहावःगु दु सा खुगु कम्पनीया सेयर भाः स्थिर जुगु दु।