मुस्लिम धर्मावलम्बीया नखः इदया लसताय् कन्ह्य मंगलबाः  सार्वजनिक बिदा जुइगु दु।

इदया लसताय् थौं सोमबाः विदा जुइ धका धासा म्हिगः आइतबाः बहनि तिमिला खनेमदुनि थौं विदा जुइमखु धका गृह मन्त्रालयं धाउगु दु।

मन्त्रालयया कथं मुस्लिम आयोगं सिफारिस याउगु कथं इदया विदा बिइगु निर्णय जुइ, आइतबां आयोगं सिफारिस याउगु मदु।

निर्वाचन आयोगं उम्मेदवार व राजनीतिक दलयात लक्षित याना सामाजिक सञ्जालय् गलत सूचं व द्वेषपूर्ण अभिव्यक्ति बिलकि कारबाही यायेगु ख्याच्वः बिउगु दु।

आइतबाः छगु विज्ञप्ति जारी यासे आयोगं उम्मेदवार व राजनीतिक दलयात लक्षित याना मखुगु, भ्रामक, चरित्र हत्या जुइगु, व्यक्तिगत लाञ्छना बिइगु, मानहानी जुइगु कथं सामग्री सामाजिक सञ्जालय् पोष्ट जुया निर्वाचनय् स्वच्छता, स्वतन्त्रता व गरिमाय् आँच वइ धका धाउगु दु।

थज्यागु ज्यायातकि निर्वाचन आचार संहिता विपरीत जुइगु व आयोगं कारबाही याइ धका प्रवक्ता शाालिग्राम शर्मा पौडेलं धाउगु दु। निर्वाचनया इलय मखुगु सूचं दुष्प्रचार व द्वेषपूर्ण अभिव्यक्ति बिलकि आचार संहिता उल्लंघन याउगु कथं काइगु निर्वाचन आयोग ऐन २०७३ दफा २३ बमोजिम कारबाही यायेगु धका आयोगं धाउगु दु। दफा २३ य् आयोगया निर्देशन अखं ज्या याइपिन्त १ लाख रुपैयाँ तक जरिवानाया व्यवस्था दु ।

आयोगं आम सञ्चार माध्यमपाखे मखुगु हुने मिथ्या सूचं, दुष्प्रचार व द्वेषपूर्ण अभिव्यक्ति अनुगमन यायेत प्रेस काउन्सिल नेपाल व नेपाल पत्रकार महासंघयात निर्देशन बिउगु दु। थज्यागु ज्या रोके यायेत फेसबुक, ट्विटर, टिकटक, भाइबर व गुगलया कार्यालयनाप सम्पर्क स्थापना व सहकार्यया लागि कुतः जुगु दु धका आयोगं धाउगु दु।

बुंगद्यःयात रथय् बिज्याकूगु दु।

बुंगद्यःयात पानेजुपिं, द्यःपाःलाः लिसें स्थानिय बासिन्दापिन्स द्यः लायगु ज्याझ्वः जूगु खः।

द्यः लाय् धुंकाः विशेष पुजायाना बुंगद्यःयात कलशय् बिज्याकाः तःबहालय् हगु खः।

बुंगद्यःया रथय् धकिबाँयम्वः तयधुंकाः द्यः रथय् बिज्याकेगु चलन दु।

स्थानीय तह निर्वाचनय् महानगरपालिकाया मतपत्रय् राजनीतिक दलं छगु जक पदय् उम्मेदवारी बिउसा न्ह्यगु हे चुनाव चिं दइ धका धाउगु दु।

निर्वाचन आयोगं खुगु महानगरपालिका व ख्वपया प्यंगु ४ नगरपालिकाय् मतपत्र छपाइ सुरू याउगु दु। सुरूइ उम्मेदवारी बिउगु पत्रय् जक दलया चुनाव चिं दइ धका धाउगु खः।

तर आयोगं छु न दलं स्थानीय तहया प्रमुखनिसे वडा सदस्यतक न्ह्यगू पदमध्ये छु न छगु पदय् जक उम्मेदवारी बिउगु मतपत्रय् दलय् झ्वःलिकः लहरय् न्ह्यगु हे चुनाव चिं दइ धका धाउगु दु।

मतपत्रय् पालिकाया प्रमुख, उपप्रमुख, वडाध्यक्ष, मिसा वडा सदस्य, दलित मिसा वडासदस्य, व खुला निम्ह वडा सदस्ययाना हरेक दलं न्ह्यगु चुनाव चिं छगु हे लहरय् तयातःगु दु। थुगु मध्ये छु न छगु पदय् उम्मेदवारी बिउसा उगु दलया न्ह्यगु चुनाव चिं दइ धका आयोगया प्रवक्ता शालिग्राम शर्मा पौडेलं जानकारी बिउगु दु।

‘प्रमुखय् उम्मेदवार मदु, उपप्रमुखय् मदु, वडाध्यक्ष न मदु तर वडाय् छु न छम्ह सदस्यय् उम्मेदवारी दु सा उगु दलया निर्वाचन चिं लहर दइ, न्ह्यगु हे चुनाव चिं दइ’ आइतबाः जुगु पत्रकार सम्मेलनय् प्रवक्ता पौडेलं धाउगु दु।

स्थानीय तह निर्वाचनय् महानगरपालिकाया मतपत्रय् राजनीतिक दलं छगु जक पदय् उम्मेदवारी बिउसा न्ह्यगु हे चुनाव चिं दइ धका धाउगु दु।

निर्वाचन आयोगं खुगु महानगरपालिका व ख्वपया प्यंगु ४ नगरपालिकाय् मतपत्र छपाइ सुरू याउगु दु। सुरूइ उम्मेदवारी बिउगु पत्रय् जक दलया चुनाव चिं दइ धका धाउगु खः।

तर आयोगं छु न दलं स्थानीय तहया प्रमुखनिसे वडा सदस्यतक न्ह्यगू पदमध्ये छु न छगु पदय् जक उम्मेदवारी बिउगु मतपत्रय् दलय् झ्वःलिकः लहरय् न्ह्यगु हे चुनाव चिं दइ धका धाउगु दु।

मतपत्रय् पालिकाया प्रमुख, उपप्रमुख, वडाध्यक्ष, मिसा वडा सदस्य, दलित मिसा वडासदस्य, व खुला निम्ह वडा सदस्ययाना हरेक दलं न्ह्यगु चुनाव चिं छगु हे लहरय् तयातःगु दु। थुगु मध्ये छु न छगु पदय् उम्मेदवारी बिउसा उगु दलया न्ह्यगु चुनाव चिं दइ धका आयोगया प्रवक्ता शालिग्राम शर्मा पौडेलं जानकारी बिउगु दु।

‘प्रमुखय् उम्मेदवार मदु, उपप्रमुखय् मदु, वडाध्यक्ष न मदु तर वडाय् छु न छम्ह सदस्यय् उम्मेदवारी दु सा उगु दलया निर्वाचन चिं लहर दइ, न्ह्यगु हे चुनाव चिं दइ’ आइतबाः जुगु पत्रकार सम्मेलनय् प्रवक्ता पौडेलं धाउगु दु।