स्यस्यः समाजं न्हुदँया लसताय् छगु ज्याझ्वःयासे डा. सुन्दरकृष्ण जोशीया हंगु दु।

उगु ज्याझ्वलय् मूपाहाँ संस्कृति नाप पर्यटन मन्त्री जिवनराम श्रेष्ठं हनापौ लःल्हागु खः। समाजया नायः सुरेशमान श्रेष्ठया सभाध्यक्षताय् जुगु उगु ज्याझ्वलय् कृष्णगोपाल श्रेष्ठ, भिमसेनदास प्रधानपिनिगु न उपस्थिति दुगु खः।

एमालेया अध्यक्ष केपी शर्मा ओलीं किजा पूयायात नेकपा एमालेया अध्यक्ष केपी शर्मा ओलीं थःगु हे निवासय् किजा पूजा याउगु दु।

थिमिइ बालकोटय् थःगु हे निवासय् ओलीयात विष्णुमाया ढकाल, कौशिला कोइराला व विष्णु ओलीं सिन्हं टिका किजा पूजा याःगु खः।

लानीपूखुया दुने बालगोपालेश्वर द्यःया थाय् थौं किजा पूजा याइपि यक्को दु।

तता केँह मदुपि व दाजु किजा मदुपिन्स उगु द्यःया थाय् वना पूजा, दर्शन याना सिंन्ह टिइगु याइ।

थुगु द्यः दच्छि छकः किजा पूजा यायेत येँ महानगरपालिका चायकिइगु याइ।

नेपाल संवत न्हूगु दँ राष्ट्रिय समारोह समिति ११४३ या ग्वसालय् येँया बसन्तपुरय् तःजिक भिंतुना सभा व ¥याली जूगु दु।

बसन्तपुरय् न्ह्याना उगु ¥याली येँया थःने त्वाः क्वःने त्वाः चाहीला बसन्तपुरय् थ्यंका सभा जुगु खः।

प्रधानमन्त्री शेरबहादुर देउवाया मू पाहाँसुइ जुगु उगु ज्याझ्वलय् संस्कृति मन्त्री जीवनराम श्रेष्ठ, पूर्व उप प्रधानमन्त्री प्रकाशमान सिं, पुर्व सामान्य मन्त्री राजेन्द्र श्रेष्ठ, उप मेयर सुनिता डंगोल लिसें समारोह समितिया सल्लाकारपिं उपस्थिति जुगु खः।

समारोह समितिया नायः प्रा.डा. नरेशमान बज्राचार्यया सभाध्यक्षताय् जुगु उगु ज्याझ्वलय् मेयर शाह नं लसकुश यानादिगु खः।

येँ महानगरपालिकां स्वन्तिया इलय् पसः न्ह्यने तयातःगु स्वां चिइकूगु दु।

थौं आइतबाः सुथय् न्युरोडय् पसः न्ह्यने तयातःगु स्वां हटे याःगु दु। पसलय् न्ह्यने स्वां तया सिँगार याना तःगु स्वां महानगरया नगर प्रहरीं हटे याःगु दु।