सपिङ मल, डिपार्टमेन्ट स्टोर व पार्टी प्यालेस सशर्त सञ्चालन याके बिइगु जुगु दु।

सरकारं जारी याउगु न्हुगु आदेश कथं आः सपिङमल व डिपार्टमेन्ट स्टोर छकलं २५ म्ह जक प्रवेश याके बिइगु जुगु दु सा मार्क न अनिवार्य याउगु दु।

अथेहे पार्टी प्यालेसय् न प्रमुख जिल्ला अधिकारीपाखे पूर्वस्वीकृति कया ब्याहा, कय्तापूजा नाप धार्मिक सांस्कृति ज्या सञ्चालन याये फइगु जुगु दु।

तर कुल क्षमताया छगु तिहाइ तया चले यायेमागु व ५० म्ह स्वया अप्पो उपस्थित याये दइमखु।

वंगु २४ घण्टाया दुने देयन्यक थप ४९६१ म्हेसित कोरोना भाइरस (कोभिड–१९) या संक्रमण पुष्टि जुगु दु।

देयन्यक १५ हजार १३१ म्हेसिगु नमुना परीक्षण याउगुलि उलि संक्रमण पुष्टि जूगु दु। वंगु २४ घण्टाय् ४३५ म्ह संक्रमणमुक्त जूगु दु सा स्वम्ह सीउगु दु।

स्वास्थ्य तथा जनसंख्या मन्त्रालयया कथं आःतक देयन्यक २५ हजार ६८० म्ह संक्रिय संक्रमितपि दु।

सरकारं कोभिड–१९ या संक्रमण अप्पोया वंगुलि माघ १५ गते तक सिनेमा व जिम हल बन्द यायेगु निर्णय याउगु दु।

शुक्रबाः च्वंगु मन्त्रिपरिषद् बैठकं सार्वजनिक थासय् भीडभाड कम यायेत मनोरञ्जन क्षेत्र माघ १५ गते तकया लागि बन्द यायेगु निर्णय जूगु दु धका सञ्चारमन्त्री ज्ञानेन्द्रबहादुर कार्की न जानकारी बिउगु दु।

राष्ट्रिय सभाया बैठक माघ ३ गते न्हिनय् १ बजेया लागि क्वछिगु बैठक विशेष कारणवश स्थगित जूगु दु।

राष्ट्रिय सभा नियमावली, २०७५ या नियम ६ बमोजिम मेगु सूचं मवतले बैठक स्थगित जूगु दु धका सङ्घीय संसदया महासचिव भरतराज गौतमं जानकारी बिउगु दु।

वाःया न्हापागु दिंया शेयर बजारय् उत्साह खनेदुगु दु। नेप्से परिसूचक तधःगु अंकं थहावंगु दु।

थौं नेप्से परिसूचक २९ सय स्वया च्वय वंगु दु सा कारोबार रकमय् न उत्साह खेदुगु दु। थौं आइतबाः ९ अर्ब ६३ करोड रुपैयाँ स्वया अप्पो कारोबार जुगु दु।

थुगु रकम वंगु स्वलाय् हे तधःगु कारोबार रकम खः । उखे शेयर कारोबार मापक नेप्से परिसूचक ६९ अंकं थहावना २ हजार ९ सय २६ दशमलव ७४ अंकय् थ्यंगु दु।