थौं सेयर बजाः परिसूचक नेप्से दोहोरो अंक कुहावंगु दु। निन्हुया दुने कारोबारय् १५० अंकय् कुहावंगु खःसा थौं मंगलबाः धासा नेप्से १७.१५ अंकं कुहावंया २६५०.९७ अंकय् बन्द जुगु दु।

मंगलबाः नेप्से नाप कारोबार रकम न कुहावंगु दु। आइतबाः करिब ५ अर्ब न्ह्यने थ्यःगु कारोबार रकम थौं साढे ३ अर्ब स्वया कुहावंगु दु। थौं न्हिच्छि बजारय् ३ अर्ब ३६ करोड ४२ लाख २९ हजारया कारोबार जुगु खः।

मंगलबाःनेप्से कुहावगुलि होटेल तथा पर्यटन, बिमा व म्युचुअल फन्डबाहेक दक्को उपसूचक कुहावंगु खः। नेपाल दुरसञ्चार कम्पनीया सेयर भाः दकलयु अप्पो ५.१३ प्रतिशतं कुहावंगु खः।

अथेहे यता इमर्जिङ नेपालया सेयर भाः थहावना सर्किट लेभलय् बन्द जुया सगरमाथा इन्स्योरेन्सया ६.६४ प्रतिशतं थहावंगु दु।

नेपाल दुरसञ्चार कम्पनीया दकलय् अप्पो ३४ करोड कारोबार जुगु दु सा अप्पी पावरया १२ करोड नेपाल लाइफया ११ करोड ८४ लाखया कारोबार जुगु दु। बजारय् १९३ कम्पनीया सेयर कारोबार जुगुलि १३० कम्पनीया सेयर भाः कुहावंगु खःसा ५२ कम्पनीया सेयर भाः थहावःगु खः। ११ कम्पनीया सेयर भाः धासा स्थिर जुगु दु।

वंगु २४ घण्टाया दुने थप ८३ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ४ हजार ७३४ म्हेसिगु पीसीआर परीक्षण याउगुलि ५७ म्ह व ३ हजार १५० म्हेसिगु एन्टीजेन परीक्षण याउगुलि २६ म्ह याना ८३ म्हेसित कोरोना संक्रमण पुष्टि जुगु दु।

अथेहे २४ घण्टाय् १३० म्ह कोरोना सक्रमणमुक्त व जुगु दु।

जुल शेयर बजार परिसूचक नेप्से थौं बुधवाः न घटे जुगु दु।

नेप्से थौं ३० दशमलव २९ अङ्कं घटे जुया २ हजार ५ सय १४ दशमलव ६५ विन्दुइ कुहावंगु दु। थौं दक्को समूहया शेयर घटे जुगु दु।

विकास बैंक, बीमा, जलविद्युत् व व्यापार समूहया शेयर तसकं कुहावंगु दु। २२९ गु कम्पनीया ४९ लाख ५९ हजार कित्ता शेयर २ अर्ब ३५ करोड २३ लाख रुपैयाँ कारोबार जुगु दु।

दकलय् अप्पो नेपाल दूरसञ्चार कम्पनीया १० करोड ५२ लाख रुपैयाँया शेयर किनबेच जुगु खः।

थौं दकलय् अप्पो विशाल बजार कम्पनीया शेयर झन्डै ६ प्रतिशत व सामुदायिक लघुवित्तया शेयर साढे ५ प्रतिशतं घटे जुगु दु। समग्र बजाः घटे जूसा माउन्टेन इनर्जी नेपालया शेयर ८ प्रतिशत स्वया अप्पो थहावंगु दु।

लुँया भाः थौं न्हुगु रेकर्ड बने जुगु दु।

थौं छन्हु हे तोलाया २५ सय रुपैयाँ थहावना १ लाख ५ हजार ५ सय रुपैयाँ थ्यंगु दु।

थ्व आःतक हे दकलय् अप्पो खः। थ्व स्वया न्ह्यः कोभिड १९ या कारण लकडाउन जुगु इलय् वंगु दँया साउन महिनाय् १ लाख ३ हजार ५ सय रुपैयाँ तक थ्यंगु खः।

अथेहे वहः तोला न ४० रुपैयाँ थहावंगु दु। थौं तोलाया ४० रुपैयाँ थहावंना १४ सय ५० रुपैयाँ थ्यंगु दु।

नेपाल राष्ट्र बैंकं थौंनिसे छतका वंगु न्हुगु सिक्का चलनचल्तीइ हयेत्यंगु दु।

उगु छतका वंगु सिक्काया न्ह्यने भागय् सिक्काया दुने ६४ थोप्ला दइ। उगु थोप्लाया दुने घेराय् हिमाल, पहाड व तराईया पृष्ठभूमिइ न्ह्यगू प्रदेश नाप नेपाःया नक्सा दइ।

सिक्काया च्वयेयाउगु ब्बय् अंग्रेजी रि वान व क्वय् या भागय् देवनागरी लिपिइ छतका धका च्वया तःगु दु। नेपाःया नक्सा जवःपाखे दृष्टिविहीनपिन्स थिया म्हसिके फइगु कथं छगु थोप्लो दइ धका राष्ट्र बैंकं धाउगु दु।

अथेहे सिक्काया बिच भागय् च्यागू थोप्ला दुने वर्गाकार आकृतिइ जवः खवंपाखे चन्द्र, सूर्य, चक्र, संख, पद्म, गदा व दथुइ सगरमाथाया आकृति व आकृति क्वय् अंग्रेजीं सगरमाथा च्वयातःगु दु।