Display Style:
Column Style
बलिउड कलाकार सिद्धार्थ शुक्ला ह्रदयघात जुया मन्त
लहनान्युज | गुंलागा एकादशी ११४१, भाद्र १७ बिहीवाः
बलिउड कलाकार सिद्धार्थ शुक्ला ह्रदयघात जुया मन्त। बिग बोस–१३ या विजेता तक जुयादीम्ह शुक्ला मुम्बईया कुपर अस्पतालय् मदुगु धका द हिन्दुस्तान टाइम्सं उल्लेख याउगु दु।
अस्पतालया कथं ४० दँ दुम्ह शुक्लां द्यन्य न्ह्यः नगु खः। वया लिपा मदनं। अस्पतालं वयागु ह्रदयघातया कारण मदुगु धका उल्लेख याउगु दु।
शुक्लां मोडलिङ जुया थःगु करिअर सुरु याउगु दु। शुक्लां टेलिशृंखला ’बबुलका आगन छुटे ना’, ’जाने पेहेचाने से ये अजनवी’, ’लभ यु जिन्दगी’ य् अभिनय याउगु दु। तर ’बालिका बधु’ पाखे धासा यक्को चर्चा जुगु खः।
रियालिटी सो बिग बोस–१३ बाहेक ’झलक दिखलाजा–६’, ’फियर फ्याक्टरः ’ खत्रोंका खिलाडी ७’य् ब्बति काउगु खः। शुक्लां सन् २०१४ य् ’हम्टी शर्माकी दुल्हनियाँ’य् सहायक अभिनेताया भूमिकाय् म्हितूगु खः।
जापानं काबुलस्थित दूतावास चिइकीगु
गुंलागा एकादशी ११४१, भाद्र १७ बिहीवाः
जापानं अफगानिस्तानया काबुलस्थित दूतावास चिइकीगु, फुक्कं ज्या दोहां याइगु, मेमेपिन्सं न राजनीतिक अस्थिरताया हुनिं नियोगत अस्थायी रुपय् चिइकाच्वन ।
जापान सरकारं अफगानिस्तानय् दुगु दूतावासया ज्या कतारं यायेगु निर्णय याःगु दु । जापानया विदेश मन्त्री तेशिमित्सु मोतेगीं अफगानिस्तानय् दुगु जापानीे दूतावासया ज्या आवलिं कतारया राजधानी दोहां न्ह्याकेगु तयारी जूगु पुष्टि यानादीगु दु ।
तालिवान विद्रोहीतय्सं अफगानिस्तानया सत्ता कब्जा यायेवं राजनीतिक अन्यौल ब्वलंगु जुयाः विदेशी कूटनीतिक नियोगतय्सं थःथःगु दूताबास अफगानिस्तानं चिइकाच्वंगु दु । अफगानिस्तानं यक्व हे देशं थः नागरिक लित यंकाच्वंगु ईलय् जापानं न दूतावासया ज्या मेगु हे देशं न्ह्याकेगु तयारी याःगु खः ।
आः न अफगानिस्तानस्थित दूतावासया ज्या अस्थायी रुपय् टर्कीया स्तानबुलस्थित कन्सुलेट जनरलपाखें यानाच्वंगु दु ।
भारतय् नं सायात राष्ट्रिय जनावर घोषणा यायेत अदालतया आदेश
गुंलागा एकादशी ११४१, भाद्र १७ बिहीवाः
भारतया इलाहावाद उच्च अदालतं सायात राष्ट्रिय जनावर घोषणा यायेत आदेश ब्यूगु दु । गौहत्याया द्वपं फयाःवःम्ह जावेद नांया मनूया मुद्दायात सुनुवाइ यायेगु झ्वलय् इलाहावाद उच्च अदालतं थन्यागु आदेश जारी यानाब्यूगु खः ।
अथेहे सायात संरक्षण बीमाःगु मौलिक अधिकारदुने तयेत न अदालतं धागु दु । देय्या संस्कृतिइ आघात लाइबलय् देय् कमजोर जुइ धइगु यथार्थ खँयात मनन यानाः सायात राष्ट्रिय जनावर घोषणा यानाः संरक्षण यायेत उच्च अदालतं धागु खः । अदालतं गौहत्याया द्वपं फःम्ह जावेदयात जमानतय् मत्वःतेत न धागु दु ।
अदालतं सा स्यानाः नयेदयेमाःगु धइगु विषयया विरुद्धय् आदेश न्यंकूसें थन्यागु ज्यापहः जूसा साया मौलिक अधिकार हनन जुइगु ठहर याःगु दु । बरु स्यायेगु थासय् अधिकार संरक्षण यायेमाः धकाः धागु दु । हिन्दुतय्गु जक मखु मुस्मांतयेगु शासनकालय् न भारतय् साया महत्व स्वीकार याःगु धासें गौहत्यायात छुं न त्वहलय् जायज धाये मफइगु अदालतया ठहर दु ।
भारतया उत्तरप्रदेशय् अज्ञात रोगया हुनिं ५०म्ह अप्वः मस्त सीत
गुंलागा दशमी ११४१, भाद्र १६ बुधबाः
भारतया उत्तर प्रदेशय् छवाया ई दुने ५०म्ह सिवें अप्वः मस्त अज्ञात ल्वचं सीगु दु ।
तच्वकं ज्वरो वइगु, वाकवाकी जुइगु, चःति वइगु, जोर्नी स्याइगु, ल्हा व तुतिइ दाग खनेदइगु लक्षण खनेदूपिं ५०म्ह मस्त सीगु खः । सीपिंलय् उत्तर प्रदेशया आगरा, मथुरा, मैनपुरी, एटाह, कासगन्ज व फिरोजाबादया जूगु धाःगु दु ।
सीपिं मस्तयेके कोरोना संक्रमण धाःसा मजूगु पुष्टि जूगु दु । उत्तर प्रदेश सरकारं मस्तयेके लिपांगु ई खनेदूगु थुगु ल्वयेय्या अनुसन्धान जुयाच्वंगु धासें डेंगु व पतिं न्याना जुइगु भाइरलया हुनिं थुगु ल्वयेय् जूगु ताकं याःगु दु ।
थुकिया नितिं उत्तर प्रदेश सरकारं भारतया संक्रमण ल्वयेय् बिशेषज्ञतये टोलीलिसे सहलह न्ह्यानाच्वंगु न्ह्यथंगु दु ।
अमेरिकाया अफगानिस्तान मिसन क्वचाल
गुंलागा नवमी ११४१, भाद्र १५ मंगलवा
अन्ततः अमेरिका २० दँ लिपा अफगानिस्तानं पिहांवंगु दु । वंगु चान्हय् काबुल विमानस्थलं अमेरिकी सेनाया लिपांगु विमान ब्वयेधुंकाः २० दँ न्ह्यःनिसेंया अमेरिकी मिसन क्वचाःगु खः ।
तालीवानया ल्हातया् सत्ता वनेधुंकाः वं ब्यूगु अगष्ट ३१ या ई सीमा दुने हे अमेरिका अनं पिहांवंगु खः । अमेरिकी सेना लिहां वनेधुंकाः तालीवानं हवाई फायर यानाः लसता हंगु दु । अमेरिकां तालीवानं ब्यूगु ई सीमा दुने हे उद्धारया मिसन पूवंकागु धाःगु दुसा तालिवानं काबुल विमानस्थलयात नं नियन्त्रणय् काःगु दु ।
थ्व हे दथुइ, अमेरिकी राष्ट्रपति जो बाइडेनं थः सैनिकतय्त सुभाय् बियादीगु दु । संयुक्त राष्ट्र सुरक्षा परिषदय् अफगानिस्तानबारे नवासें वय्कलं ग्यानापूगु परिस्थितिइ नं अमेरिकी सेनां साहस व उदारता क्यंगु धासें च्वछानादिल ।
अमेरिकाया अफगानिस्तान मिसन अमेरिकी सेनाया उदारताया हुनिं सुथां लाःगु बाइडेनया धापू खः । अफगानिस्तान तालिवानया कब्जाय् वनेधुंकाः अमेरिकां अनं १ लख २०द्वः अमेरिकी नागरिक, ग्वाहालिमि व अफगानी नागरिकलिसें मेपिं ग्वहालिमितय्त उद्धार यानागु अमेरिकी रक्षा मन्त्रालयं न्ह्यथंगु दु । अमेरिकी रक्षा मन्त्रालय पेन्टागनया कथं अफगानिस्तानय् अझं नं सलंसः नागरिक उद्धारया नितिं पियाच्वंगु दनिसां उद्धार यायेमफुनि ।
थ्व हे दथुइ, पाकिस्तानय् सुलावःम्ह अलकायदा प्रमुख २० दँ लिपा अफगानिस्तान लिहांवंगु दु । अमेरिकी सेना अफगानिस्तानं लिहां वनाकथं अलकायदा प्रमुख अले प्रभावशाली नेता अमीन उल हक अफगानिस्तान लिहांवंगु खः ।
अमेरिकी सेनाया तैनाथी लिपा पाकिस्तान थ्यंम्ह वय्कः ओसामा बिन लादेनया बिश्वाश पात्रलिसें ग्वहालिमि खः । ओसामा बिन लादेन मदय्धुंकाः अलकायदाया कमाण्ड कःघाःम्ह अमीन उल हक अफगानिस्तानया थःगु गृह जिल्ला नांगहार लिहांवःबलय् वय्कःया सलंसः समर्थकतया्सं स्वांमाः क्वखायेकाः लसकुस याःगु खः ।
अमेरिकां सन् २००१य् जारी याःगु आतंकबादीया धलखय् अमीनया नाम नं दुथ्याः । अमीन अफगानिस्तान लिहां वयेधुंकाः अन अलकायदाया पकड बल्लायेफुगु धुकुमां याःगु दु । तालीवानया ल्हातय् सत्ता वंगु अफगानिस्तानय् अलकायदाया प्रमुख नं थ्यंगुलिं थुगु निगू पुचःया गठबन्धनं आतंकबाद झन अप्वइगु आशंका नं याःगु दु ।
