चीन सरकारं स्वदँ स्वया च्वय्यापि मस्तय्त कोरोना विरुद्धया खोप बिइगु अनुमति बिगु दु।

चिनियाँ खोप उत्पादक कम्पनी सिनोभ्याकया कथं स्वदँ स्वया अप्वोच्वपि मस्तय्त कोरोना खोप बिइत स्वास्थ्य विभागं अनुमति बिगु दु।

कोरोनाया स्वक्वगु लहर मस्तय्त तसकं दकलय् अप्वो जोखिम दुगुलिं चीनं थुगुपाखे निर्णय न छु भचा आशाया सञ्चार जुगु दु। आःतक प्रयोग जुयाच्वंगु १५ गु खोप अप्वो धइगु थे १८ दँ दुपिन्त जक बियाच्वंगु खः।

छु देशय् १३ दँ निसे १८ दँ तकया लागि खोप बिइगु अनुमति बिगु दु सा चीन हे छगु जक देय् खः व स्वया कम दँया मस्तय्त खोप बिगु अनुमति बिगु खः। आःतक मस्तय्त खोपं साइड इफेक्टया बारय् कम अनुसन्धान जुयाच्वंगु दु।

भारतय् म्हिगः आइतवाः १ लाख १४ हजार ४६० म्हेसित कोरोना संक्रमितपि थपे जुगु दु।

निक्वःगु लहरया कोरोना संक्रमण फैलै जुया च्वंगु इलय थ्व दकलय् म्हो खः। विश्व स्वास्थ्य संगठनया तथ्यांक कथं भारतय् संक्रमण कम जुया वनाच्वंगु दु। मे ७ य् भारतय् छन्हु हे दकलय् अप्वो ४ लाख १४ हजार १८८ म्ह कोरोना संक्रमित जुगु खः।

भारतय् आःतक २ करोड ८८ लाख ९ हजार ३३९ म्ह कोरोना संक्रमण जुइ धुकुगु दु। अथेहे ३ लाख ४६ हजार ७५९ म्ह संक्रमितपि सी धुकुगु दु।

लिपागु २४ घण्टाय् जक २ हजार ६७७ म्ह कोरोना संक्रमितपि सी धुकुगु दु।