Display Style:
Column Style
भारतय् खनेदूगु न्हूगु भेरियन्टयात फाइजरया एस्ट्राजेनेया खोप प्रभावकारी
बछलाथ्व द्धादशी ११४१,जेष्ठ ९ आईतवाः
अमेरिका व बेलायतय् दयेकूगु फाइजर व अक्सफोर्ड–एस्ट्राजेनेया खोप भारतय् खनेदूगु कोरोनाया न्हूगु भेरियन्टविरुद्ध नं प्रभावकारी सावित जूगु दु ।
पब्लिक हेल्थ इंग्ल्याण्डं याःगु अध्ययनय् फाइजर–बायोन्टेकया खोप भारतय् खनेदूगु भाइरसया बी १.६१७.२ भेरियन्टविरुद्ध प्रभावकारी खनेदूगु खः ।
थ्वः खोपया निगूगु मात्रा कयाः निवाः धुंकाः लक्षणलिसेंया संक्रमणविरुद्ध ८८ प्रतिशत प्रभावकारी खनेदूगु छगु अध्ययन क्यंग्ु खः ।
खोपया निगूगु मात्रा कायेधुंका बेलायतय् खनेदूगु भेरियन्टविरुद्धया प्रभावकारिता हे भारतय् नं खनेदूगु भेरियन्टय् खनेदूगु खः । बेलायतय् खनेदूगु बी.१.१.७ भेरियन्टविरुद्ध थुकिया प्रभावकारिता ९३ प्रतिशत खः ।
भारतय् मिखाँ स्यकिइगु ‘कालो ढुसी’ ९ हजार मनूत पिडित
लहानान्युज | कछलाथ्व द्धादशी ११४१,जेष्ठ ९ आईतवाः
भारतय् मिखाँ स्यकिइगु ‘कालो ढुसी’पाखे संक्रमित जूपि करिब ९ हजार मनूत पिहा वंगु दु।
सामान्य हिसाबं दुर्लभ खनेदुगु संक्रमणयात म्यूकर माइकोसिस धाइ। यक्को हे जोखिम माने यानातःगु थुगु संक्रमणपाखे सीपि ५० प्रतिशत दु ।
गुलि मनूतयेत मिखा लिकया बचे यागु दु। अयन लिपागु इलय् भारतय् म्यूकर माइकोसिसया यक्को थे संक्रमित व स्वया न्ह्यः हे कोरोना भाइरस (कोभिड–१९) पाखे संक्रमित जुइ धुकुपि खः ।
डाक्टरपिन्स कोरोनाया संक्रमितपिनिगु उपचारया लागि प्रयोग जुइगु स्टेरोइड वासःया कारण थुगु किसिमया समस्या जुगु धका धागु दु । थुकिइ विशेष याना चिनी ल्वय् दुपि बिरामीपि जोखिम जुइ धका विशेषज्ञपिन्स धागु दु।
डाक्टरपिनिगु कथं कोरोना संक्रमणमुक्त जूपि १२ निसे १८ दिं लिपा थज्यागु समस्या व धका धागु खः। म्यूकर माइकोसिसया संक्रमितपि मध्ये बच्छि महाराष्ट्र व गुजरातय् खनेदुगु खः।
भारतय् १५ गु मेमेगु राज्यय् न च्याम्ह निसे ९०० संक्रमित पिहा वंगु दु। भारतय् निरन्तर कोरोनाया संक्रमितपि इन्दौरया यसवन्तराव अस्पतालय् छगु वाः दुने जक म्यूकर माइकोसिसया च्याम्ह संक्रमितपि दुगु खःसा आः अन १८५ म्ह थ्यंगु दु।
कंगोय् ज्वामुखी तज्यात
बछलाथ्व द्धादशी ११४१,जेष्ठ ९ आईतवाः
कंगोय् ज्वालामुखी तज्याःगुलिं सम्भावित क्षतियात मध्यनजर यानाः अन जःखःया सर्वसाधारण मनूतय्त सुरक्षित थासय् स्थानान्तरण याकूगु दु ।
कंगोया मू शहरं थ्यंमथ्यं १०गू किलोमिटरया दूरीइ ज्वालामुखी तज्याःगु खः । नाराग्गो पहाडय् न्हियान्हिथं ज्वालामुखी तज्यानाच्वंगुलिं उगु क्षेत्र जःखःया मनूतय्त सुरक्षित थासय् यंकूगु धागु दु ।
ज्वालामुखी तज्याःगुनाप उकिया लाभा बाः वनाः विमानस्थललिक्क थ्यंगु दु । थ्वहेदथुइ सरकारं आपतकाल घोषणा याये न्ह्यः सर्वसाधारण मनूतय्त थःथःगु थाय् त्वःतवनेत धागु खः । आःतक मानवीय क्षति जूगु बुखँ सार्वजनिक मजूनीगु खःसां उकिया सम्भावना दुगुलिं कंगोया सरकार सचेत जूगु दु ।
थ्वसिवे न्हयः सन् २००२ य् न ज्वालामुखी तज्यानाः २५०म्ह मल्याक मनूत सीगु खः । थ्यंमथ्यं छगू लख २०द्व मनूत घरबारबिहीन जुइमाःगु खः ।
विश्व स्वास्थ्य संगठन स्वास्थ्य सामग्री ग्वाहालि याइगु
लहानान्युज | कछलाथ्व द्धादशी ११४१,जेष्ठ ९ आईतवाः
कोरोना भाइरस (कोभिड–१९) या संक्रमण अप्वोया वंगु कारण आः समस्या दुगुलि दक्षिण–पूर्वी एसियाली देशय् ३४० मेट्रिक टन स्वया अप्वो स्वास्थ्य सामग्री लल्हायगु धका विश्व स्वास्थ्य संगठन (डब्ल्यूएचओ) न धागु दु ।
आः वइगु वाः दुने नेपाल, भुटान, माल्दिभ्स व श्रीलंका लगायतया देशय् आवश्यक स्वास्थ्य सामग्री छ्वयेगु डब्ल्यूएचओ न धागु दु।
डब्ल्यूएचओ न अक्सिजन कन्सन्ट्रेटर, टेस्टिङ किट्स, अस्पतालया बेड, टेन्ट व पीपीई छ्वया हयेत्यंगु खः।
वंगु वाःय् कोरोनापाखे समस्या दुपि भारतय् छ्वया हयेत्यंगु स्वास्थ्य सामग्री आःतक थीथी २६ राज्यय् थ्यंगु दु।
वंगु साता प्यद्धः अक्सिजन कन्सन्ट्रेटर, १२० टेन्ट, ४०० मेडिकल बेड, १२ लाख रेस्पिरेटर मास्क व ६ लाख ५० हजार स्याम्पिलिङ किट्स भारत छ्वयत्यंगु खः।
आःतक डब्ल्यूएचओ न बंगलादेशय् ६० मेट्रिक टनया स्वास्थ्य सामग्री छ्वःगु खः।
अमेरिकाय् न्हुगु कोरोना भाइरसया संक्रमण खनेदत
लहानान्युज | कछलाथ्व द्धादशी ११४१,जेष्ठ ९ आईतवाः
कोरोना महामारीया दथुइ अमेरिकाय् हाकनं मेगु भाइरसया संक्रमण खनेदुगु दु।
अमेरिकी रोग नियन्त्रण तथा रोकथाम केन्द्र (सीडीसी) नं मनूतयेके साल्मोनेलाया अप्वोे प्रकोपया कारण खाँपाखे तापक्क च्वनेत निर्देशन बिगु दु ।
संयुक्त राज्य अमेरिकाया ४३ राज्यय् १६३ म्ह बिरामी थुकिया संक्रमण खनेदुगु धका सीडीसी व जनस्वास्थ्य अधिकारीपिन्स साल्मोनेला प्रकोपया बारेय् अनुसन्धान सुरु जुगु दु।
स्वास्थ्य एजेन्सीपिन्स धागु दु, “मनूतयसं खाँया न्ह्यने मवनिइगु फयाफतले थिइ मज्यु धका धागु दु।” अथे यातकि, उकिइ कीटाणु छिकपिन्त संक्रमण फैलै जुइफु व उकिइ बिरामी तक जुइ।” थथे चेतावनी न बिथु दु कि खाँ स्वस्थ व सफा जूसा उपि कीटाणुया वाहक जुइफु । थुकिया कीटाणु याउक गन गन खाँ दु उगु थासय् फैलै जुइफु ।
साल्मोनेला जीवाणु संक्रमणया छगु प्रकारया ज्वरो, पखाला, कोलिक व बान्ता जुइगु ल्वय् खः। अधिकांश मनूपि उपचारविना हे थिक जुइफु, तर अधिक गम्भीर अवस्थाय् मनूत सी तक फु।
