भारतय् म्हिगः आइतवाः १ लाख १४ हजार ४६० म्हेसित कोरोना संक्रमितपि थपे जुगु दु।

निक्वःगु लहरया कोरोना संक्रमण फैलै जुया च्वंगु इलय थ्व दकलय् म्हो खः। विश्व स्वास्थ्य संगठनया तथ्यांक कथं भारतय् संक्रमण कम जुया वनाच्वंगु दु। मे ७ य् भारतय् छन्हु हे दकलय् अप्वो ४ लाख १४ हजार १८८ म्ह कोरोना संक्रमित जुगु खः।

भारतय् आःतक २ करोड ८८ लाख ९ हजार ३३९ म्ह कोरोना संक्रमण जुइ धुकुगु दु। अथेहे ३ लाख ४६ हजार ७५९ म्ह संक्रमितपि सी धुकुगु दु।

लिपागु २४ घण्टाय् जक २ हजार ६७७ म्ह कोरोना संक्रमितपि सी धुकुगु दु।

छकः कोरोना संक्रमण जुइ धुका १० महिना तक हाकन संक्रमण जुइगु जोखिम म्हो जक जुइगु छगु अध्ययनं खनेदुगु दु।

प्रतिष्ठित ल्यासेन्ट जर्नलय् नकतिनि पिथंगु छगु अध्ययनया लिच्वल छकः कोरोना संक्रमित जुइ धुका म्ह्य् १० महिना तक एन्टिबडी सक्रिय जुइ धका धागु दु।

युनिभर्सिटीक कलेज लण्डनय् अनुसन्धानकर्तापिन्स बेलायतय् निद्धः संक्रमितपिन्त यागु अध्ययन कथं न्हापागु संक्रमण जुया १० महिना तक पुनः संक्रमण दर म्हो जुइ धका धागु दु। उगु अध्ययनय् नेतृत्व याम्ह मारिया कुर्तिकोभं धागु दु छकः संक्रमित जुम्ह मनू मेगु १० महिना तक सुरक्षित खनेदगु दु, थ्व तसक बालागु खँ खःे, दोह¥य जुया संक्रमित जुपिनिगु प्रतिशत तसक कम खनेदु।

थुगु अध्ययनय् कोरोना संक्रणविरुद्धया खोप कापि मनूतय्त सहभागी यागु मदु। खोप काःपि मनू तयेके एन्टीबडी व प्रतिरोधी क्षमताबारे बिस्क  अध्ययन यायेगु धका धागु दु।