Display Style:
Column Style
मुम्बईलय् कोरोना विशेष अस्पतालय् मिँ नंया १२म्ह मनू मन्त
लहनान्युज | चौलाथ्व एकादशी ११४१,बैसाख १० शुक्रवाः
भारतया मुम्बईलय् च्वंगु छगु कोरोना विशेष अस्पतालय् मिँ नंया अन झीनिम्ह मनू सीगु दु ।
मुम्बईया विरारस्थित विजय वल्लभ अस्पतालय् आईसीयू वार्डय् मिँ नंगु खः ।
मिं नया अस्पतालय् उपचार याना च्वपि १२ म्ह सीगु धका विरार नगर निगमया कोरोना कन्ट्रोल रुमयात उद्धृत यासे भारतया सञ्चार माध्यम धाःगु दु।
थौं सुथय् साढे ३ बजेति अन मिं नंगु खः । गुकथं मिं नगु धासा सिइ मदुनि।
कोरोनाया हटस्पट जुयाच्वंगु महाराष्ट्रय् थौं निसें लकडाउन घोषणा
चौलाथ्व दशमी ११४१,बैसाख ९ बिहीवाः
कोरोनाया हटस्पट जूगु भारतया महाराष्ट्रय् थौं निसें लकडाउन घोषणा याःगु दु । थौं चान्हय् ८ ता ई निसें वइगु मे १ तक्कया नितिं लकडाउन घोषणा याःगु खः ।
लकडाउनया इलय् सरकारी ज्याकुथिइ १५ गू प्रतिशत कर्मचारी जक ज्याय् दइगु व्यवस्था जूगु अनया सरकारं न्ह्यथंगु दु । इहिपाः महोत्सव २५म्हसिया पुचःलय् २ घौ दुने याये दइगु प्रावधान क्वजिउगु दु ।
नापं छगू जिल्लां मेगु जिल्लाय् सुं नं वयेवने मदइगु नियम लागु याःगु दु । महाराष्ट्र राज्यय् म्हिगः छन्हूं हे ६७ द्वः सिवें आपा संक्रमित पुष्टी जूगु लिसें ५ सः सिवे्ं आपा सिइधुंका अन लकडाउन याःगु महाराष्ट्र राज्य सरकारं न्ह्यथंगु दु ।
पाकिस्तानया क्वेटा शहरय् जूगु कार बम मूगुलिइ ४म्ह सित , १२ म्ह घाःपाः
चौलाथ्व दशमी ११४१,बैसाख ९ बिहीवाः
पाकिस्तानय् जूगु बम मूगुलिइ ४म्ह सीगु दु । दक्षिण पश्चिम पाकिस्तानया क्वेटा शहरया छगू होटलय मूगुलिइ लाना १२ म्ह घाःपाः जूगु बीबीसीं न्ह्यथंगु दु ।
पाकिस्तानया नितिं चिनियाँ राजदूत नङ रङ दूगु होटलया कार पार्किङ क्षेत्रय् हताः जूबलय् मूगु धाःगु दु । तर राजदूत नङ रङ अफागानिस्तानया सीमा लिक्कसंया बलूचिस्तान प्रान्तया भ्रमणय् दूगु गृह मन्त्रालयं न्ह्यथंगु दु ।
घटनाया आःतक्क सुनांनं भाला काःगु मकानिगु अनया सरकारं न्ह्यथंगु दु । बलुचिस्तानय् चिनियाँ लाय् दूगु तःधंगु पूर्वाधारत निर्माण जुयाच्वंगु दु ।
ताः ई निसें पाकिस्तानय् सशस्त्र आन्दोलन यानाच्वंगु विद्रोहीतयेसं चीनया लगानीइ न्ह्यानाच्वंगु आयोजनाया विरोध यानावःगु दु । राजदूत रङ उगु हे आयोजनातये निरीक्षणया नितिं क्वेटा शहरया भ्रमणय् दूगु अधिकारीतयेसं न्ह्यथंगु दु ।
भारतय् वंगु २४ घण्टाय् स्वंगु लाख स्वया अप्वो कोरोना सक्रमित
लहानान्युज | चौलाथ्व दशमी ११४१,बैसाख ९ बिहीवाः
भारतय् वंगु २४ घण्टाया दुने स्वंगु लाख स्वया अप्वोसित कोरोना भाइरसया सङ्क्रमण पुष्टि जुगु दु ।
लिपागु २४ घण्टाय् जक भारतय् स्वगु लाख १५ हजार ७२८ म्हेसित सङ्क्रमित जुगु दु। विश्वय् थ्व हे आःतक दकलय् अप्वो सक्रमण जुगु न्हापागु घटना खः।
भारतय् कोरोना सङ्क्रमण पुष्टि जूपि आःतक छगु करोड ५९ लाख स्वया अप्वो जुइ धुकुगु दु । अथेहे २४ घण्टाया दुने कोरोनाका कारण २१०२ म्ह सी धुकुगु दु ।
थ्व नाप भारतय् आःतक कोरोनां सीपि छगु लाख ८४ हजार स्वया अप्वो जुइ धुकुगु दु।
अथेहे २४ घण्टाय् छगु लाख ७९ हजार स्वया अप्वो डिस्चार्ज जुगु दु । थ्व नाप कोरोनामुक्त जुपि छगु करोड ३४ लाख अप्वो थ्यःगु दु ।
भारतय् आःतक २२ लाख ८४ हजार स्वया अप्वो सक्रिय सङ्क्रितपिन्त उपचार यानाच्वंगु दु।
भारतयया छगू अस्पतालय् अक्सिजन म्हो जुया २२म्ह सीत
चौलाथ्व नवमी ११४१,बैसाख ८ बुधवाः
भारतया महाराष्ट्र राज्यया छगू अस्पतालय् अक्सिजन भण्डारण यानातःगु ट्याङ्की प्वाःगना अक्सिजन म्हो जुयावसेंलि अक्सिजन अभावया हुनिं म्होतिं २२म्ह विरामीपिं सीगु दु ।
नासिकया अस्पतालय् जूगु उगु घटनाय् ३५म्ह विरामीया अवस्था गम्भिर जूगु भारतीय सञ्चारमाध्यमं न्ह्यथंगु दु । अक्सिजनया आपूर्ति दिकूगु ईलय् सच्छि व ५०म्ह विरामी दूगु खः ।
गुकिइ २३म्हेसित भेन्टिलेटरय् तयातःगु खः । अक्सिजन म्हो जुयावंसेलि बाघौ तक्क आपूर्ति बन्द जूगु खः । अक्सिजन आपूर्ति बन्द जुसेंलि अस्पतालय् भागदौड जूगु खः ।
ट्याकंरपाखे अक्सिजन तयेगु झ्वलय् उगु घटना जूगु खः । घटनाया अनुसन्धान न्ह्याकेधुंकूगु अधिकारीपिन्सं धाःगु दु ।
