कोरोना भाइरसया निगुगु लहर सङ्क्रमणया कारण भारतय् ७ सय ३० म्ह डाक्टरपिन्स ज्यान गुमे याःगु दु।

भारतया मेडिकल एसोसिएशनया कथं निगुगु लहरय् जक ७ सय ३० म्ह डाक्टरपि सीगु दु धका धागु दु।

दकलय अप्वो बिहारय् १ सय १५ डाक्टरपि सीगु दु सा दिल्लीइ १०९ डाक्टर म्ह सीगु दु। अथेहे उत्तर प्रदेशय् ७९ म्ह, पश्चिम बङ्गालय् ६२म्ह, राजस्थानय् ४३म्ह, झारखण्डय् ३९ म्ह व आन्ध्र प्रदेशय् ३८ म्ह डाक्टरपि मदुगु दु धका मेडिकल एसोसिएशनं धागु दु।

अथेहे कोरोना सङ्क्रमण न आः कम जुया वनाच्वंगु दु। वःगु २४ घण्टाय् भारतमा ६७ हजार १०४ म्ह सङ्क्रमितपि थपे जुगु दु। १ लाख ३ हजार स्वया अप्वो कोरोनामुक्त जुगु दु।

अथेतु, वःगु २४ घण्टाय् १ हजार ४ सय सङ्क्रमितपिनिगु ज्यान वःगु दु। भारतय् सङ्क्रमित व ज्यान गुमेयापि न म्हो जुयावंगु दु।

भारतय् कोरोना भाइरस (कोभिड–१९) या डेल्टा भेरियन्टया म्युटेसन खने दुगु दु।

भारतय् म्हिगः मंगलवाः औपचारिक रुपं डेल्टा भेरियन्टया म्युटेसन (बी.१.६१७.२.१) खनेदत धका धागु खः। डेल्टा भेरियन्ट दकलय् न्हापा भारतय् खने दुगु खः।

मंगलवाः कोभिड–१९ खोप अभियानया विषय दयकूगु विशेषज्ञ समूहया प्रमुख भीके पालं धागु दु, ‘कोरोना भेरियन्टया न्हुगु म्युटेसन खनेदुगु खः।

तर, आः हे ग्याय् मागु छु न कारण मदु। जिमिके थुकिया विषय यक्को जानकारी मदु। आः थुकिया विषय जिमिसं अध्ययन याना च्वनागु दु। भारतय् थुगु संक्रमणया विषय न अध्ययन जुयाच्वंगु दु

’डाक्टर पालं धागु दु, ‘म्युटेसन छगु जैविक तथ्य खः। झीसं रोकथामया लागि माःगु सतर्कता पालना यायेमाः। झीसं थुगु ल्वय् फैलै जुइगु अवसर बिइ मज्यु।’

इजरायलं हाकनं गाजापट्टी हवाई आक्रमण याःगु दु।

अन्तर्राष्ट्रिय सञ्चारमाध्यम कथं इजरायली सेनां बुधबाः सुथय् विद्रोही पुचलं हमासयात ताक याना बम कयेकूगु खः।

इजरायलय् न्हूगु सरकार गठन जूगु स्वन्हू मबिइवं गाजाय् हाकनं हमला याःगु खः । वंगु लाय् ११न्हू दिं तक्क इजरायलं व हमासं रकेट कयेकूगु खः।

बन्यामि नेतन्याहू प्रधानमन्त्रीपाखें पिदनेधुंका इजरायल व प्यालेस्टाइन व हमासयात यायेगु व्यवहारय् हिउगु मनतुनाकथं बुधबाः हवाई आक्रमण जूगु खः।

हमासं छु बेलुन त दक्षिणी इजरायलय् छ्वःगुलिं आक्रमण यायेमाःगु इजरायलया सेनां न्ह्यथंगु दु । इजरायली सेनाया कथं हमासया नेतापिन्सं बैठकया नितिं छ्यलिइगु क्षेत्रयात ताक याना हताः याःगु खः।

इजरायलं कयेकूगु बमपाखें मानवीय क्षति जूगु विवरण वःगु मदुनि । वंगु लाय् जूगु रकेट हानाहानय् २सः व ५०म्ह प्यालेस्टाइनी व १३म्ह इजरायलीपिनिगु मृत्यु जूगु खः धाःसा गाजाय् १६द्वः सिबें अप्वः छेँय् क्षति जूगु खः।

हलिंया हे दकलं अपाः दुज दूगु परिवारया हामा जियोन चान मन्त । भारतया मिजोरम प्रान्तया आइजोललिक्क च्वंगु बख्तवांग गाँया ७६दँया जियोना चाना मदुगु बीबीसी न्ह्यथंगु दु । जियोनाया ३८म्ह कला, ८९मह मस्त, १४म्ह भौ व ३६म्ह छेय् त दु । उपिं फुक्कं हे १००गू कोठा दूगु प्यतजाःया छेँय् च्वनावयाच्वंगु खः । थ्वहे परिवारया कारण हे बख्तवांग गाँ पर्यटकया लागि आकर्षणया केन्द्र जूगु वीवीसीं धाःगु दु । जियोना पेशां सिकःमि जुयादिइ । परिवार न्ह्याकेत वय्कया तःधिम्ह कलां नं फुक्क परिवारपिन्त ज्या इनाबिइगु व अनुगमन नं याई । गुलिखे काय् पिं थःथःगु ज्या याइगु व मेपिं कला व भौमचापिन्सं बुँज्या याना परिवारया आर्थिक ग्वहालि यानावयाच्वंगु दु । वय्कया परिवारयात न्हियान्हिथं ४५गू केजी जाकी, ४०म्ह खाः, २५गू केजी दाल, ६०गू केजी तरकारी, दर्जनौं खँय् व २० केजी फलपूmल खपत जुइगु खः । यक्व परिवारया दुजः दूगु हुनिं हे भारतय् उगु क्षेत्रय् चुनाव जुइगु ईलय् दक्व नेतापिन्सं उगु परिवारयात लय्तायेकेगु कुतः याई । गुबले गुबलें लाः सुं नेतापिन्त त्यायेत उमिगु परिवार हे निणार्नायक नं जुयावयाच्वंगु धाःगु दु ।

बेलायतय् न्ह्यानाच्वंगु लकडाउन छलाः सिबें अप्वेयका १९ जुलाई तक्क ताःहाकेकू दु । कोरोना भाइरसया न्हूगु भेरियन्ट खनेदेवं बेलायतय् वंगु छुं ईनिसें न्ह्यनाचवंगु लकडाउनया ई आकनं थप याःगु खः । बेलायतया प्रधानमन्त्री बोरिस जोन्सनं डेल्टा भाइरस कोरोनां संक्रमित जूपिं म्हो मजूगु व न्हियान्हिथं अस्पताल भर्ना जुइपिनिगु ल्वगितय्गु ल्या अप्वयावंगु धासें कजय् कायेया नितिं लकडाउनया ई थप यायेमाःगु जानकारी बियादिल । अथेहे प्रधानमन्त्री जोनसनं वइगु १९ जुलाइलय् लकडाउन क्वचायेकेफइगु घोषणा तक्कं यानादिल । वय्कलं ४०दँसिबें अप्वः बेलायती नागरिकपिन्त कोरोनाविरुद्धया निगूगु डोज उपलब्ध यायेगु नं जानकारी बियादिल । बेलायतय् आःतक्क कोरोनाया कारण छगू लखः २७द्व व ९सः सिबें अप्वः मनुतय्जु ज्यान वनेधुंकूगु दु ।