भारत व बेलायतय् न्हुगु कोरोना भाइरसया मिश्रणयुक्त न्हुगु भेरियन्ट भियतनामय् पिहावंगु दु धका अनयन स्वास्थ्यमन्त्रीं धागु दु।

भियतनामया स्वास्थ्यमन्त्री गुयन थान लङ्गं थुगु हाइब्रिड भेरियन्ट तसकं खतरनाक जुगु धका धागु दु । वयकलं सरकारया छगु बैठकय् थुगु न्हुगु भेरियन्ट फसँय् न याकन हे फैलै जुगु धका बीबीसीं धागु दु।

सन् २०१९ या लिपागु इलय् चीनय् न्हापा पिहावंगु कोरोना भाइरस स्वया हजारौंपटक उत्परिवर्तन दुगु धका धागु दु।

अझ बेलायत व भारतीय भेरियन्ट स्वया न तसक खतरनाक जुगु वैज्ञानिकपिन्स धागु दु। भियतनामय् पिहा वंगु न्हुगु भेरियन्टं मनू तयेगु स्वास्थ्यय् याइगु असरबारे अध्ययन याये ल्यंदनि धका बीबीसीं धागु दु ।

भियतनामय् पिहावंगु न्हुगु भेरियन्टया नां आतक तगु मदुनि। आःतक गन देशय् पिहावंगु खः । अन हे देशया नाम भेरियन्टलयात म्हसिका च्वंगु दु। विश्व स्वास्थ्य संगठन (डब्ल्यूएचओ) न आःतक प्यंगु भेरियन्ट (भारत, बेलायत, दक्षिण अफ्रिका व ब्राजिल) जक पुष्टि जुइ धुकुगु दु।

भियतनामय् पिहावंगु न्हुगु भेरियन्टबारे डब्ल्यूएचओया अधिकारीपिन्स टिप्पणी सार्वजनिक यागु मदुनि । 

अमेरिकी राष्ट्रपति जो बाइडेनं वइगु आर्थिक वर्षया लागि ६०गू खर्ब डलरया बजेट प्रस्ता याःगु दु ।

राष्ट्रपति बाइडेनं अमेरिकाय् निगूगु विश्वयुद्ध लिपाः दकले तःधंगु खर्च यायेगु तयारी यानाच्वंगु दु । अमेरिकी सदनं अनुमोदन यायेवं थ्व खर्च प्रस्ताव कार्यान्वयनय् वनिइ

वंगु दँय् तत्कालिन राष्ट्रपति डोनाल्ड ट्रम्पं ४८गू खर्ब डलरया बजेट हःगु खः । बाइडेनया यक्वः हे महत्वाकांक्षी बजेटय् थ्यंमथ्यं १० खर्ब बजेट संघीय सरकारया घाटा म्हो यायेत छ्यलिइगु जूगु दु ।

थ्वलिसें सामाजिक सुरक्षा व भौतिक पूर्वाधारया विकास एवं स्तरोन्नती नं तःधंगु भाग इंगु दु । खासयाना सतक, तां, तिव्र गतिया इन्टरनेट व त्वनेगु लःया पाइपलाइनय् यक्वः खर्च यायेगु बाइडेनया तयारी दु ।

थःगु प्रस्तावित बजेटया रक्षा यासें बाइडेनं थ्वः बजेटं प्रत्यक्ष कथं अमेरिकी जनतापिन्त लगानी यायेगु धाःगु दु ।

अथेहे अमेरिकी अर्थतन्त्र व वित्तिय स्थिरतायात बजेटं थप बल्लाकीगु नं दावी बाइडेनया दु ।

जापान सरकारं कोभिडया हुनिं घोषणा याःगु संकटकालया ईयात हाकनं स्वंगु वाः तंगु दु ।

जापानय् लिपांगु ईलय् संक्रमण दरय् म्हो जूसां नं अभंm खतरामुक्त मजूगु धासें जुन २० तक्कया लागि संकटकाल याःगु खः । एसिया प्रशान्त लागाय् कोभिड १९ संक्रमण व सीपिनिगु घटना अभंm अपेक्षाकृत कथं म्हो मजूगु धासें उगु लागाया अधिकांश देय्तयसं उच्च सतर्कता नालाकाःगु दु ।

कोभिड १९ कजय् कायेत नालाकाःगु प्रतिबन्धं रेस्टुरेन्टतय्त अयला मिइत व प्रत्यक्ष सेवाय् रोक तःगु दु । स्वास्थ्य साधानीया लागि ब्वनेकू बन्द याःगु दु धाःसा तःधंगु मुँज्या लिसें सम्मेलन याइबले स्वास्थ्य सुरक्षाया नियम पालना यायेमाःगु धाःगु दु ।

जापानय् संकटलया ई थपू यायेवं थ्वहे दँ जुइगु ओलम्पिक कासाय् लिच्वः लाइगु सम्भावना अप्वयावंगु दु । वंगु दँय् जुइमाःगु ओलम्पिक कोरोना महामारीया हे हुनिं थ्व दँय् जुइत्यंगु खः ।

भारतय् कोरोना भाइरस (कोभिड–१९) या न्हुपि संक्रमित जुपि ४४ दिं लिपा दकलय् कम खनेदुगु दु।

भारतया स्वास्थ्य तथा परिवार कल्याण मन्त्रालयया कथं लिपागु २४ घण्टाय् कोरोना १ लाख ८६ हजार ३६४ म्ह न्हुपि संक्रमित थपे जूगु दु।

उगु इलय भारतउ् कोरोना संक्रमणया कारण ३ हजार ६६० म्ह सीगु दु। अथेहे  भारतय् कोरोनाया समग्र संक्रमितपि २ करोड ७५ लाख ५५ हजार स्वया अप्वो जुगु दु।

अथेहे भारतय् कोरोनां सीपि ३ लाख १८ हजार ८९५ म्ह थ्यंगु दु। न्हापागु २४ घण्टाय् भारतया तामिलनाडुइ दकलय् अप्वो ३३ हजार म्ह न्हुपि संक्रमितपि  थपे जुगु दु।

अथेहे केरला व कर्नाटकय् न्हुपि संक्रमितपि २४ हजार स्वया अप्वो दु। महाराष्ट्रय् न २१ हजार स्वया अप्वो न्हुपि संक्रमित थपे जुगु दु।

भारतय् कोरोना सक्रिय संक्रमितपि २२३ लाख ४३ हजारय क्वहावंगु दु।

भारतय् वंगु २४ घण्टाय् कोरोना भाइरस (कोभिड–१९) संक्रमणं ३ हजार ८४७ म्ह सीगु दु।

थ्व नाप आःतक भारतय् कोरोना संक्रमणं सीपि ३ लाख १५ हजार २३५ म्ह थ्यंगु दु।

भारतया स्वास्थ्य तथा परिवार कल्याण मन्त्रालयया कं २ लाख ११ हजार स्वया अप्वो न्हुपि संक्रमित थपे जूगु दु।

आःतक भारतय् कोरोना संक्रमित जूपि २ करोड ७३ लाख ६९ हजार स्वया अप्वो थ्यंगु दु।

अथेहे संक्रिय संक्रमित २४ लाख १९ हजार दु।