Display Style:
Column Style
पाङ्ग्रा त्वधुला एयर एम्बुलेन्स आकस्मिक अवतरण
मनिष | चौलागा एकादशी ११४१,बैसाख २४ शुक्रवाः
भारतया मुम्बईलय् छगः एयर एम्बुलेन्स आकस्मिक अवतरण यागु दु।
नागपुरपाखे उडान भरे याना वंगु पाङ्ग्रा त्वधुला एयर एम्बुलेन्स विहीवाः चान्ह्य मुम्बई एयरपोटय् आकस्मिक अवतरण यागु खः।
एयर एम्बुलेन्स निम्ह क्रु मेम्बर, छम्ह बिरामी, छम्ह बिरामी कुरुवा व छम्ह डाक्टर च्वना वंगु खः । स्थानीय प्रशासनया कथं उगु हवाईजहाज नागपुरपाखे हैदरावाद वनाच्वंगु खः ।
प्राविधिक समस्या वयेवं क्याप्टेनं फूल इमरजेन्सी घोषणा यागु खः। उगु जहाजयात बिहीवाः चान्ह्य भारतीय ई कथं ९ बजे जुया ९ मिनेटय् मुम्बईया छत्रपति शिवाजी महाराज अन्तर्राष्ट्रिय विमानस्थलं बेली–ल्याण्डिङ यागु खः ।
नागरिक उड्डयनमन्त्री हरदीप सिंह पुरीं थुगु घटनाया जानकारी ट्वीटरपाखे बिगु खः।`
मालदिभ्सया पूर्वराष्ट्रपति मोहम्मद नाशिद विष्फोटय् घाइते जुल
लहानान्युज | चौलागा एकादशी ११४१,बैसाख २४ शुक्रवाः
मालदिभ्सया पूर्वराष्ट्रपति मोहम्मद नाशिद विष्फोटय् घाइते जुलमालदिभ्सया पूर्वराष्ट्रपति मोहम्मद नाशिद राजधानी मालेय् जुगु विष्फोटय् घाइते जुगु दु ।
बहालवाला सभामुखसमेत जुयादीम्ह अनयन छगु अस्पतालय् उपचार जुयाच्वंगु दु छ । मालदिभ्सया प्रहरीं ट्वीटरपाखे थुकिया जानकारी बिगु खः । राजधानी मालेया निलोआफरु मागु इलाकाय् जुगु विष्फोटय् पूर्वराष्ट्रपति नाशिद घाइते जुगु धका प्रहरीं धागु खः। स्थानीय मिडियाया कथं विहीवाः बहनि वयकःया छेँ पिने हे विष्फोट जुगु खः। कार गयत्यंगु इलय् विष्फोट जुगु धका धागु खः ।
वयकःया छेँ पिने पार्किङ याना तःगु मोटरसाइकलय् विष्फोटक पदार्थ तया विष्फोट यागु प्रारम्भिक अनुमान दु धका बीबीसीं धागु खः। मोहम्मद नाशिद मालदिभ्सय् प्रजातान्त्रिक रुपमा निर्वाचित जुम्ह न्हापाम्ह राष्ट्रपति खः । सन् २००८ य् बहुदलीय निर्वाचनय् विजय जुया राष्ट्रपति जुगु खः ।
धार्मिक कट्टरपन्थी विरुद्ध कडा मालदिभ्सया पूर्वराष्ट्रपति मोहम्मद नाशिद विष्फोटय् घाइते जुल मालदिभ्सया पूर्वराष्ट्रपति मोहम्मद नाशिद राजधानी मालेय् जुगु विष्फोटय् घाइते जुगु दु । बहालवाला सभामुखसमेत जुयादीम्ह अनयन छगु अस्पतालय् उपचार जुयाच्वंगु दु छ । मालदिभ्सया प्रहरीं ट्वीटरपाखे थुकिया जानकारी बिगु खः ।
राजधानी मालेया निलोआफरु मागु इलाकाय् जुगु विष्फोटय् पूर्वराष्ट्रपति नाशिद घाइते जुगु धका प्रहरीं धागु खः। स्थानीय मिडियाया कथं विहीवाः बहनि वयकःया छेँ पिने हे विष्फोट जुगु खः। कार गयत्यंगु इलय् विष्फोट जुगु धका धागु खः । वयकःया छेँ पिने पार्किङ याना तःगु मोटरसाइकलय् विष्फोटक पदार्थ तया विष्फोट यागु प्रारम्भिक अनुमान दु धका बीबीसीं धागु खः।
मोहम्मद नाशिद मालदिभ्सय् प्रजातान्त्रिक रुपमा निर्वाचित जुम्ह न्हापाम्ह राष्ट्रपति खः । सन् २००८ य् बहुदलीय निर्वाचनय् विजय जुया राष्ट्रपति जुगु खः । धार्मिक कट्टरपन्थी विरुद्ध कडा आलोचकया रुपं म्हसिम्ह वयकःयात राष्ट्रपति जुगु प्यदँ लिपा हे सैनिक विद्रोहपाखे सत्ताच्युत यागु खः।
राष्ट्रपति वाइडेनया योजना
चौलागा नवमी ११४१,बैसाख २२ बुधवाः
अमेरिकी राष्ट्रपति जो बाइडेनं जइगु जुलाई ४ तक्क ७० गू प्रतिशत ल्याम्ह अमेरिकीयात कोरोना भाइरसविरुद्धया खोप तयेकेगु योजना सार्वजनिक यानादीगु दु ।
अथेहे गुलिफु याकनं १२ दँ निसें १५दँ वैंश तक्कया मस्तयेत नं खोप बिइगु न्ह्याकेगु योजनाय् दूगु राष्ट्रपति बाइडेनं धाःगु दु । अमेरिकी स्वतन्त्रता दिवस तक्क देय्या १६गू कोति ल्याम्हयात कोरोना भाइरसविरुद्धया खोपया पूर्ण मात्रा कायेगु क्वचायेकेगु न्हूगु लक्ष्य बाइडेनं क्वजिउगु खः ।
आः तक्क १०गू कोति ५०गू लख अमेरिकीं कोरोना भाइरस विरुद्धया खोप कायेधुंकुगु दु । अमेरिकाय् आः न्हिं १०गू लख मनूखं खोप कयाच्वंगु दु । तर आः े खोप कायेगु दर ३वा न्ह्यः सिवें बाब्व कुहाँवःगु दु । खोपयात कया शंका जूगु व खोप अभियानया विरोध यानाच्वंपिन्त नं थुइकेगु कुतः जुयाच्वंगु बाइडेन प्रशासनं न्ह्यथंगु दु ।
कोरोना भाइरसविरुद्धया खोप अभियानय् हलिंमय् बाँलाःगु इजरायलय् ६०गु प्रतिशत सिव्ें अप्वः मनूखं खोपया म्होतिइ छगू मात्रा काःबलय् हे संक्रमण लगभग शून्यय् कुहाँवःगु दु व अन अप्वः धैथें प्रतिबन्धत फुकुवा जूगु दु ।
आःया निला दुने देय्या स्वतन्त्रता दिवसलिसें कोरोना भाइरसं स्वतन्त्र वा मुक्त जूगु दिवस हनेगु आज्जु दूगु राष्ट्रपति बाइडेनं धाःगु दु । खोप कायेगु केन्द्रया जानकारी जूगु व खोप कायेगु प्रक्रियायात अपुकेत बाइडेनं न्हूगु वेबसाइटया तकं घोषणा याःगु दु ।
थ्वहे दथुइ अमेरिकाया फुड एण्ड ड्रग एड्मिनिस्ट्रेशन (एफडिएं) १२दँ सिवें च्वयेय्यापिन्त कोरोना भाइरसविरुद्धया फाइजरया खोप छ्यलेगु नितिं स्वीकृति बिइगु तयारी याःगु दु । उगु स्वीकृति चूलायेधुंका १२दँ निसें १५दँ तक्कयापिन्त नं खोप बिइगु योजना बाइडेनं दयेकुगु खः ।
इजिप्टं फ्रान्सलिसे लडाकु विमान न्याइगु
चौलागा नवमी ११४१,बैसाख २२ बुधवाः
इजिप्टं फ्रान्स लिसे ३०गः राफेल लडाकू बिमान न्याइगु जूगु दु । थ्व नापं इजिप्टलिसे ५४गः राफेल लडाकू बिमान जुइ । अधिकारीतये कथं फ्रान्सेली वायुसेना लिपा राफेल दक्वःलय् दूगु देय् इजिप्ट जुइ ।
निगुलिं देशं राफेल बिमान खरिद सम्झौता जूगु घोषणा याःगु दु । इजिप्टया सेनां राफेल बिमान खरिदया नितिं फ्रान्सलिसे १० दँया ऋण काःगु न्ह्यथंगु दु । तर सम्झौता गुलि ध्यबाया जूगु खः धइगु इजिप्टया सेनां छुं उल्लेख याःगु मदु ।
इजिप्टं सन् २०१५ य् २४ गः राफेल लडाकू बिमान ५गू अर्ब ९३गू कोति डलरय् खरिद याःगु खः । फ्रान्सय् उत्पादित अत्याधुनिक थुगु राफेल बिमान खरिद याःगु न्हापांगु देय् नं इजिप्ट हे खः ।
तसकं अत्याधुनिक जूसा नं थुकिया विदेशय् मिइगु धाःसा उलि अप्वः जुइ फूगु मदुनि । इजिप्टं राफेल बिमान खरिद यायेन्ह्यः बजाः मालेगुलिइ दूगु फ्रान्सेली उत्पादक कम्पनी डासल्ट एभिएसनया थुपिं बिमान फ्रान्सेली वायुसेनां सन् २००६ निसें छ्यलाबुलाय् हयाच्वंगु खः । आः थुपिं विमान भारत व ग्रिस तकंया छुं देशय् मिइगु जुयाच्वंगु दु ।
फ्रान्सेली रक्षा मन्त्रालयं राफेल सम्झौतां फ्रान्सय् ३दँ तक्क ७द्वःम्हसिनं न्हूगु लजगा चूलाकिगु न्ह्यथंगु दु । नापं , थुकिं फ्रान्स व इजिप्ट दथुइ रणनीतिक व सैनिक साझेदारीयात थप सुदृढ याइगु मन्त्रालयया धापू दु ।
पञ्चायत चुनावय् भारतीय जनता पार्टीयात तधःगु झट्का
लहानान्युज | चौलागा नवमी ११४१,बैसाख २२ बुधवाः
भारतया उत्तर प्रदेशय् छु जिल्लाय् जुगु पञ्चायत चुनावय् नरेन्द्र मोदीं भारतीय जनता पार्टीयात तधःगु झट्का लगे जुगु दु।
हिन्दु एजेन्डापाखे राजनीति यानाच्वंगु मोदीया दल व मुख्यमन्त्री योगी आदित्यनाथया प्रदेशय् भाजपा बिगु दु ।
इण्डियन एक्सप्रेसया कथं अयोध्या, काँसी व मथुरा भाजपा बुगु दु। अयोध्याया ४० गु जिल्ला पञ्चायत सिटमध्ये भाजपाया ८ सिटय् जक त्यागु खः।
विपक्षी समाजवादी दलं २२ सिट त्याकूगु खः । वाराणसी ४० सिटमध्ये भाजपां जम्मा ८ सिट जक त्यागु खः।
मथुराय् मायावतीया दल बीएसपीं १२ सिट त्याकुगुलि भाजपां ८ सिट जक त्यागु खः।
