Display Style:
Column Style
दिल्लीइ छवाःया लागि लकडाउन थप
शोभा श्रेष्ठ | कछलाथ्व चतुर्थी ११४१,जेष्ठ २ सोमवाः
भारतया दिल्लीइ लकडाउन छवाःया लागि थप यागु दु ।
दिल्लीया मुख्यमन्त्री अरविन्द केजरीवालं छवाःया लागि लकडाउन थप यायेगु घोषणा यागु दु ।
थ्व स्वया न्ह्यः सोमवाः तकया लागि लकडाउन यागु खः। केजरीवालं धयादीगु दु, ‘दिल्लीया अवस्थामा सुधार जुयावया च्वंगु दु ।
कोरोना भाइरस संक्रमण तीव्र गतिमा घटे जुया वयाच्वंगु दु । उकि लकडाउन मे २४या सुथय् ५ बजे तकया लागि थपे यानागु धका दु।
उकि मेट्रो सेवा न बन्द जुइ।’ सामाजिक सञ्जाल ट्वीटरय् ट्वीट यासे केजरीवालं सर्वसाधारण लकडाउनया कारण दुःखी जूसा थुकियात पालना यायेत इनाप यागु दु ।
भारतय् कोरोना सङ्क्रमितपि छु भचा म्हो जुल
मनिष | कछलाथ्व तृतीया ११४१,बैसाख ३१ शुक्रवाः
भारतय् आः भचा कोरोना भाइसया न्हुगु सङ्क्रमितपिनिगु ल्याः म्हो जुया वंगु दु।
न्हि चार लाख स्वया अप्वोसित सङ्क्रमण जुया वयाच्वंगु खःसा छु दिं लिपा म्हो जुयावंगु दु धका अनयागु भारतीय सञ्चारमाध्यमं धागु दु। वंगु २४ घण्टाय् जक भारतय् तीन लाख ३८ हजार १९ म्हेसित सङ्क्रमण जूगु दु ।
म्हिगः तीन लाख ६२ हजार ४०६ म्हेसित सङ्क्रमित जुगु खःसा म्हिगं तीन लाख ४८ हजारपिन्त सङ्क्रमण खने दुगु खः। वंगु शनिवाः जक भारतय् छन्हु हे ४ लाख ९ हजार स्वया अप्वोसित सङ्क्रमण दने दुगु खः ।
तर, वया लिपा सङ्क्रमितपिनिगु ल्याः छु भचा घटे जुगु दु । तर, भारतय् कोरोनाया न्हुगु भेरियन्ट फैलै जुसां सङ्क्रमण घटे जुगु धाःसा धायेमज्यु धका विश्लेषण यागु दु।
अथहे, भारतय् वंगु २४ घण्टाय् ३८८८ म्हेसिगु कोरोनाया कारण ज्यान वंगु दु ।
चिनियाँ कम्पनी सिनोभ्याक खोप प्रभाबकारी खनेदत
मनिष | कछलाथ्व तृतीया ११४१,बैसाख ३१ शुक्रवाः
चिनियाँ कम्पनी सिनोभ्याक बायोटेक लिमिटेडं विकास यागु कोरोनाभाइरस (कोभिड–१९) विरुद्धया खोप आः इन्डोनेशियाया स्वास्थ्यकर्मीपिन्स कागु दु।
उमिगु छु विवाद खने दुगुसा चिनियाँ खोपबारे क्लिनिकल परीक्षणया तुलनाय् बालागु लिच्वः पिहावंगु दु धका धागु दु ।
इन्डोनेशियाया राजधानी शहर जकार्तामा गत जनवरीनिसे मार्चतक एक लाख २८ हजार स्वया आप्वोसिया चिनियाँ खोप कायधुकुगु दु धका छगु अध्ययन क्यंगु दु ।
उगु अध्ययनया झ्वलय् सिनोभ्याक खोपया निगुगु डोज कायेत न्ह्यन्हुलिपा खोपं ९८ प्रतिशतयात कोरोना संक्रमण व ९६ प्रतिशतपिन्त अस्पतालय् भर्ना जुइपाखे बचे जुगु दु धका धागु दु।
बुधवाः इन्डोनेशियाया स्वास्थ्य मन्त्रालयया अधिकारी पन्ड्जी देवान्त्रां थुगु अध्ययनय् चिनियाँ खोप तसक प्रभावकारी खनेदुगु धका धागु दु ।
भारतया गलत पूर्वानुमान हुनिं आः या अवस्था खः : एन्थोनी फाउचीं
कछलाथ्व द्धितीया ११४१,बैसाख ३० बिहीवाः
अमेरिकाया वरिष्ठ संक्रामक रोग विशेषज्ञ चिकित्सक एन्थोनी फाउचीं भारतं कोरोना महामारीया अवस्थायात गलत पूर्वानुमान याःगुलिं आःया नियति फयेमालाच्वंगु बिचाः प्वंकादीगु दु ।
आः भारत महामारीया ग्यानापूगु जालय् तक्यंगु धासें वय्कलं थुकिं पिहांवयेत यक्व ई बीगु धयादिल । महामारीया दथुइ नं संक्रमण फूगु धासें बन्द याःगु क्षेत्रत हाकनं चायेकूगु हुनिं आःया ग्यानापूगु अबस्था फयेमाःगु डा फाउचीया धापू दु ।
भारतय् कोरोनाया निगूु लहर न्ह्याःगुलिसें स्वास्थ्य संकट च्वन्ह्याःगु दु । संक्रमितया वासः यायेत अक्सिजनलिसेंया स्वास्थ्य उपकरणया अभाव यथावत दु ।
थ्व हे दथुइ, भारतय् कोरोनाया संक्रमित अप्वःगुलिसें वैज्ञानिक अनुसन्धानय् सक्रियता नं अप्वयेकूगु दु । भारतय् खनेदुगु कोरोना भाइरसया न्हूगु भेरिएन्ट अःपुक न्यनेफुगु धासें वैज्ञानिकतय्सं अनुसन्धानय् सक्रियता अप्वयेकूगु खः ।
इजरायली हताःपाखें गाजा पट्टीइ १३ तजाया भवन ध्वस्त, २८म्ह सित
कछलाथ्व पारु ११४१,बैसाख २९ बुधवाः
इजरायल व प्यालेष्टाइन दथ्ुया हिंसात्मक ज्यापहः तच्वःगु दु । लिपांगु ई इजरायली सेनाया हताःलं गाजा पट्टीइ दूगु १३ताजा भवन ध्वस्त जूगु दु ।
इजरायली सेनां भवनय् दूपिं मनूतयेत पिहाँमवयेत ख्याच्वः बिउगुृ घौछि त्या लिपा ३सः सिवें आपा हवाई व रकेट हताः जूगु धाःगु दु । प्यालेष्टाइनी लडाकु पुचः हमास व इजरायली सेना दथुइ न्ह्यानाच्वंगु हिंसाया हे झ्वलय् जूगु रकेट व हवाई हताःलय् निखेरया याना ३१ म्ह सीगु दु ।
प्यालेष्टाइनपाखे २८म्ह व इजरायलपाखे ३ म्ह सीगु खः । २ सः सिवें आपा घाःपाः जूगु दु । सन् २०१७ लिपा थुपिं निगू पक्ष दथुइ जूगु थ्वहे तःधंगु हिंसात्मक ल्वापु खः ।
थ्वहे दथुइ इजरायली प्रधानमन्त्री बेन्जामिन नेतान्याहुं हमासं सीमा रेखा पुलावःगु प्रतिक्रिया बिउसें थुकिया तःधंगु मू पुलेमालिगु ख्याच्वः बियादील । तर हमासं धाःसा इजरायलं जबरजस्ती रुपय् हताः याःगु धासें प्रतिकार यायेगु लिसः बिउगु दु । इजरायल व प्यालेस्टाइन दथुइ लिपांगु ई जेरुसलमय् दूगु नाँजाःगु अल अक्सा मस्जिदय् दाबीया विषयलं हिसा तच्वःगु खः ।
इजरायलं नं उगु मस्जिद थःपिनि पवित्र धार्मिक थाये धका दाबी यायेधुंका थुगु हे मस्जिदया विषयलय् निगू देय् दथुइ तनाब अप्वःगु खः । अन्तर्राष्ट्रिय समुदायं निगुलिं पक्षयात संयमता नालेत इनाप याःगु दु ।
