Display Style:
Column Style
भारतय् वंगु २४ घण्टाय् कोरोना संक्रमणं ३८४७ मन्त
लहानान्युज | कछलागा पारु ११४१,जेष्ठ १३ बिहीवाः
भारतय् वंगु २४ घण्टाय् कोरोना भाइरस (कोभिड–१९) संक्रमणं ३ हजार ८४७ म्ह सीगु दु।
थ्व नाप आःतक भारतय् कोरोना संक्रमणं सीपि ३ लाख १५ हजार २३५ म्ह थ्यंगु दु।
भारतया स्वास्थ्य तथा परिवार कल्याण मन्त्रालयया कं २ लाख ११ हजार स्वया अप्वो न्हुपि संक्रमित थपे जूगु दु।
आःतक भारतय् कोरोना संक्रमित जूपि २ करोड ७३ लाख ६९ हजार स्वया अप्वो थ्यंगु दु।
अथेहे संक्रिय संक्रमित २४ लाख १९ हजार दु।
यास ग्वःयफसं भारत आक्रान्त
कछलाथ्व पुन्ही ११४१,जेष्ठ १२ बुधवाः
कोरोना महामारीं आक्रान्त जुयाच्वंगु भारतय् हाकनं मेगु छगू विपत्ति दुहाँवःगु दु व खः यास ग्वःफय् ।
यास दुहांवःगुलिसें पश्चिम बंगालय् निम्ह सीगु दुसा ४०खा छेँय् क्षति जूगु दु । यास चक्रवात उडिसाया भद्रक जिल्लाया धामरा बन्दरगाह जुयाः पश्चिम बंगालपाखे न्ह्याःवंगु भारतीय अधिकारीतय्सं न्ह्यथंगु दु ।
उडिसा दुहांवनेगु झ्वलय् दुगु हे इलय् भारतया थीथी राज्यय् तसकं वा वयाच्वंगु दु । बंगालया खाडी व उडिसाय् तसकं वा वःगु हुनिं अनया जनजीवन प्रभावित जूगु दु ।
भारतया पश्चिम बंगाल, उडिसालिसें ८ राज्यय् दुहांवनीगु अनुमान यानातःगु यास ग्वःफय्यात ध्यानय् तयाः सम्भावित ८ राज्यया असुरक्षित १० लख जनतायात सुरक्षित थासय् ल्ह्यःगु दुसा अझं ७ लखयात ल्ह्ययेगु ज्या जुयाच्वंगुण् दु ।
प्रतिघण्टा सच्छि व ५५ निसें सच्छि व ६५ किलोमिटरया गतिं वइगु अनुमान यानातःगु ग्वःफय्या क्षति क्वपालेत कोलकता विमानस्थलं बीगु विमान सेवा थौं न्हिच्छिया नितिं बन्द याःगु दु ।
भारतय् वंगु २४ घण्टाय् कोरोना संक्रमणं ४१५७ म्ह मन्त
रमित | कछलाथ्व पुन्ही ११४१,जेष्ठ १२ बुधवाः
भारतय् वंगु २४ घण्टाय् कोरोना भाइरस (कोभिड–१९) या संक्रमणं ४ हजार १५७ म्हेसिगु ज्यान वंगु दु।
भारतया स्वास्थ्य तथा परिवार कल्याण मन्त्रालयया कथं उगु हे इलय् कोरोना सक्रमण २ लाख ८ हजार स्वया अप्वो संक्रमितपि थपे जुगु दु।
थ्व नाप आःतक भारतय् कोरोना संक्रमितपि २ करोड ७१ लाख ५७ हजार स्वया अप्वो थ्यंगु दु। अथेहे कोरोना संक्रमणं सीपि ३ लाख ११ हजार ३८८ थ्यंगु दु।
हलिंया तःमिया धलखय् बनार्ड दुथ्यात
कछलाथ्व चतुर्दशी ११४१,जेष्ठ ११ मंगलवाः
हलिंया हे दक्कले तःमिया धलखय् बनार्ड आर्नल्ट दुथ्याःगु दु ।
फोब्र्स म्यागजिनं सार्वजानिक याःगु धलखय् सन् २०२१ या हलिंया तःमि मनुखय् फ्रान्सया नागरिक फेसन ब्रान्ड लुइस भ्यूटनया थुवाः आर्नल्टं अमेजन मालिक जेफ बेजोसयात ल्यूने लाकाः दक्कले तःमि मनू जूगु खः ।
फोब्र्सया कथं आर्नल्टया मुक्कं सम्पत्ति सच्छि व ८६ दशमलव ३ बिलियन डलर दु । वय्कःया सम्पत्ति निम्हम्ह तःमि मनुखय् अमेजन मालिक जेफ बेजोसया स्वयां ३सः मिलियन डलरं अप्वः खः ।
बेजोसयाके सच्छि व ८६ बिलियन डलर सम्पत्ति दु । टेस्ला व स्पेस–एक्स कम्पनी थुवाः इलोन मस्क सच्छि व ४७ दशमलव ३ बिलियन डलरलिसें स्वंगूगु थासय् दु । वंगु मार्च २०२० य् आर्नल्टया सम्पत्ति ७६ बिलियन डलर सम्पत्ति दुगुलिइ व थहांवनाः म्हिगः तक्कय् सच्छि व ८६ दशमलव ३ बिलियन डलर थ्यंगु खः ।
वंगु १४ लाय् हे सच्छि व १० बिलियन डलरं वय्कःया सम्पत्ति अप्वःगु खः । कोरोना भाइरस महामारीइ नं वय्कःया कम्पनी लुइस भ्यूटनं यक्व हे आम्दानी याःगु दु ।
युरोपियन युनियनं बेलारुसयात प्रतिबन्ध तल
कछलाथ्व चतुर्दशी ११४१,जेष्ठ ११ मंगलवाः
सञ्चारकःमियात गिरफ्तार याःगुलिसें युरोपियन युनियनं बेलारुसयात प्रतिबन्ध तइगु जूगु दु ।
थः विरोधी पत्रकारयात नियन्त्रणया लागिं छ्यःगु विमान व विमानस्थलय् युरोपियन युनियनय् आवद्ध २७ देशय् उडान प्रतिबन्ध तःगु अलजजिरां न्ह्यथंगु दु । ग्रीसं लिथुआनियापाखे यात्रा यानाच्वंगु ¥यानएयरया विमान आइतबाः कयौं घण्टा बेलारुसपाखे हीकूगु खः ।
विमानय् दुम्म्ह पत्रकारयात ज्वनेत विमान बेलारुसपाखे हीकाः विमानय् दुपिं थः नागरिकया जीवनलिसे म्हितेत स्वःगु धासें अमेरिका व युरोपियन युनियनं कडा विरोध प्वंकूगु खः । युनियनं विमान प्रकरणलिसें बेलारुसयात राज्य आतंकया द्वपं ब्यूगु दु ।
नेक्स्टा ग्रुपया पूर्वसम्पादक रोमन प्रोटासेभिचयात हिरासतय् कायेधुंकाः जक उगु विमानयात हाकनं ब्वयेगु अनुमति ब्यूगु खः । बेलारुसया सञ्चारमाध्यय् उगु विमानय् बम दुगु समाचार वनेवं लडाकू विमानतय्सं घेरा तयाः बेलारुसया राजधानी मिन्स्कय् आपतकालीन अवतरण याकूगु अन्तर्राष्ट्रिय समाचार संस्थातय्सं न्ह्यथंगु दु ।
